ایران گنراللارینین تام مخفی توپلانتیسی – گیزلی سند یاییلدی
۲۰۲۳-جو ایل یانوار آیینین ۳-ده سپاهین حربی و ایدئولوژی یتکیلیلری مخفی اجلاس کئچیر‌رک، ایران‌دا آیلارلا داوام ائد‌ن اعتراض آکسییالارینی مذاکیره ائدیب. گؤروشون نتیجه‌لری دینی رهبر علی خامنه اییه گؤندریلیب.
پروتوکول ۴۰ صحیفه‌دن عبارتدیر. اساس معروضه‌چیلر سپاهین یوکسک روتبه‌لی گنراللاری و سپاه دا فعالیت گؤستر‌ن ایدئولوژی کادرلاردان عبارت یوکسک سوییه‌لی دین خادیملری‌دیر.
«تام مخفی آرخیو» سندی اولان بو گؤروشون پروتوکولونون صورتی حاکرلر طرفین‌دن اله کئچیریلیب و یاییلیب.
آخار. آز اولدوقجا اؤنملی بو پروتوکولون درجینه باشلاییر:
۱-جی حیسه
علی باش کوماندانلیق آپاراتینا
ایران ایسلام انقلابی کشیک‌چیلری کورپوسونون کوماندیرلرینین گؤروشلرینین آرخیوینه
۱۰/۱۳/۱۴۰۱ (هجری، میلادی ۳ یانوار ۲۰۲۳-جو ایل)
تصنیفات: (حربی) مخفی، آرخیو سندی
اجلاسین مؤوضوسو: انقلاب کشیک‌چیلری کورپوسونون کوماندیرلرینین چیخیشلارینین خلاصه‌سی
محمد رسول اللاه کورپوسونون کومان‌دیری، بریگادا گنرالی حسن حسنزادنین چیخیشی:
– سون هفته‌لر اؤلکه‌ده و پایتاختدا باش وئرن حادثه‌لرین و اغتشیاشلارین شاهیدی اولدوق. ایلک گونلرده شرایط ائله ایدی کی، ائله بو اجلاس‌دا اشتراک ائد‌نلر و کشفیات اورقانلارینین رسمیلری آپاردیقلاری آراشدیرمالاردا یکدیللیکله بو اغتیشاشلارین یوکسک سوییه‌ده اولدوغونو بیلدیردی و قوه‌لرین کوچه‌لره نظارتینی ساخلاماغا چالیشیردی. ایلک گونلرده عالی میللی تهلوکه‌سیزلیک شوراسی و دیگر کشفیات قوروملاری اؤز حساباتلارین‌دا بو تیپ ایغتیشاشلارین اوزون مدت داوام ائتمیه جیینی سؤیلییردی. بوردا ایشتیراک ائد‌ن آغالارین چوخو بیلیر کی، پروبلملر گئتدیکجه داها دا پیسلشدی و هر گون اغتیشاشلار فرقلی فورما آلدی. بو جریانلارین عهده‌سیندن گلمک آسان دئییلدی، هم چوخلو قوه لازیمدی، هم ده چوخلو مالییه و انرژی طلب اولونوردو. بو مالییه انقلاب علیهینه پروگرام تیپلی خاریجی باسقیلارا صرف ائدیلسه ایدی، داها فایدالی اولاردی. بعضی سیتواسییالاردا، کوچه آکسییالارین‌دا، اونلارا مخصوص اولمایان فورمالاردا (غیری-عنعنوی فورمادا) و فرقلی یئرلرده اغتیشاشچیلار داها باجاریقلی و یاخشی چیخیش ائده بیلمیشدیلر. آچیق شکیلده دئیه بیلریک کی، عملیاتلارین هامی‌سیندا یوخ، بعضیلرین‌ده اودوزدوق. پلانلی شکیلده حیاتا کئچیریلمه‌یه‌ن آکسییالارین بیزیم نظارتیمیزدن چیخدیغینی گؤردوک.
شخصی فیکریمجه، بونون بیرینجی سببی عملیات یئترسیزلیگی دئییل: اصلینده سبب آنتی-انقلاب تاکتیکالاری و بیزیم سون بیر ایلده لازیمی سوییه‌ده معلوماتیمیز اولمایان اینسانلار حاقین‌دا پراکتیکی بیلیکلرین اولماماسی ایدی. سبب کوچه‌دن، اونیورسیتت‌دن، مدنیت مکانلاریندان اینسانلارین ناراحات‌لیغینی بیلممییمیز و گنج نسیلله مدنیت مبادیله‌سی آپارماماغیمیزدیر. مدنی مبادیله و یا مدنیتین دیکته‌سی ایله ۱۴-۳۰ یاش آراسی نسیله فداکارلیق و شهید اولماق دیرلرینی آشیلایا بیلمدیک. قید ائتدییم بو یاش گروپلاریندا بو نسلین اینتللکتوال مکانی یوخدور. بوتون پروبلملرین قایناغینی قربین مدنی هجوموندا گؤرمک اولماز. قبول ائتمک لازیم‌دیر کی، «بسیج» طرفین‌دن، رادیو و تلویزییادان، دینی قوروملاردان وئریله‌ن بعضی تعلیملر بو نسیل طرفین‌دن قبول ائدیلمیر. بو ایسه مدنی-معاریف مو‌سسه‌لرینین گناهی‌دیر. اما بو گون اؤلکه‌نین تانینمیش و یوکسک سوییه‌لی کوماندیرلرینین بورادا اولماسین‌دان استیفاده ائد‌رک بیلدیرمک ایستییرم کی، بیزیم اساس پروبلئمیمیز بو گنجلری نئجه جلب ائتمک‌دیر. نئجه اؤزوموزه جلب ائدک کی، پروبلم داوام ائتمه‌سین.
من سپاه کشفیاتین‌دان اولان جناب حاجی افضلینین اجلاسلاریندا اولموشام، بیلدیینیز کیمی، بحرانین حلی ایله باغلی اونون فیکیرلرینی دینله‌مک چوخ ماراقلیدیر. او، بحرانین قارشی‌سینین آلینماسی و اؤلکه‌نین تهلوکسیزلیینین تامین ائدیلمه‌سی مؤوضولارین‌دا محاضر‌لرله چیخیش ائدیردی. اونون دا بورادا اولماسینی ایستردیم. ایکی-اوچ ایل اول اؤز چیخیشلاریندا ایضاح ائتمیشدی کی، بو نسلین اینفورماسییا مبادیله‌سی و معلومات قبولونو نظره آلماق و اونلاری دقتده ساخلاماق لازیم‌دیر. اونلارین طلبلری دوزگون اولماسا بئله، نظره آلینمالی‌دیر. سیستئمین گؤستریشلری قانونلارا ضد اولسا بئله، قانونلارا دییشیک‌لیک ائتمک بو گنجلرله اوز-اوزه گلمک‌دن داها یاخشی حل یولودور. من اوندان سوروشدوم: «اسلام قانونلارین‌دا اصلاحاتین آپاریلماسی سیستمین سیاسی قورولوشونو تهلوکه‌یه آتارمی؟»
دئدیلر کی، جمعیتین لیدری قانونلارین یئرینه یئتیریلمه‌سی سرحدلرینی معین ائدیر و او، جمعیتین ایسته یی اولدوغوندا مصلحت گؤرسه، استروکتور دییشیک‌لیگی ده ائده بیلر. او، همچینین بیلدیریب کی، یاخین ۱۰ ایل عرضین‌ده ایندیکی گنجلرین یئددی‌ده بیر حیسه‌سی پولیس، حربی و تهلوکه‌سیزلیک قوه‌لرینه جلب اولونمالی‌دیر. اگر اونلاری جلب ائده بیلمسک، اؤلکه اؤز گوج و تهلوکسیزلیینی ایتیریله‌جک. جلب ائتسک ده بیز اؤلکه‌نین حربی و انتظامی قوه‌لری ایله قارشی-قارشییا قالاجاغیق. ایستر خیدمت‌ده اولان عسگر اولسون، ایستر حربی و پلیس هئیتی اولسون، گلجیین کادرلارینین بیر گؤزو کوجه‌لرده اولاجاق. یعنی همین پلیس و دیگر تهلوکه‌سیزلیک قوه‌لرینین گله‌جک کادرلاری اؤزلری اعتراضچیلاردان عبارت اولاجاق.
سون سؤزوم بودور کی، بو گنجلر اؤز یاشیدلارینی و عائله‌لرینی دوشونه‌جک. اونلارین عائله‌لری کوچه‌لرده اولسا، اونلارین دا بیر گؤزو کوچه‌ده قالاجاق. بیز ایسه اونلارین کوچه‌لره (آکسییالاری نظرده توتور – رئد.) باخیشلارینین قارشی‌سینی آلا بیلمیجییک. بئله حاللارا لاقید یاناشماق ان آزین‌دان پایتاختدا جدی پروبلملر یارادا بیلر. من اؤزوم حربی و انتظامی بیرلشمه‌لرده اولموشام و بئله حاللارین شاهیدی اولموشام. بو بار‌ده رهبره و دیگر صلاحیت‌لی قوروملارا معلومات تقدیم ائتمیشه‌م.
ایکینجی چیخیش‌چی: “بسیج” طلبه‌لری و دین خادیملری تشکیلاتینین کئچمیش رهبری، عالی باش کومان‌دانین ایدئولوژی و سیاسی ایداره‌سینین رئیسی حجت الاسلام محمود محمدی شاهرودی:
– عالی رهبرین اؤلکه‌ده باش وئرن اغتیشاشلاری دقتده ساخلاماسینی نظره آلاراق، بعضی مسئله‌لری رهبره و اجلاس‌دا اولان سئپاه عضولری و دیگر قوروم نماینده‌لرینه چات‌دیرماق ایستییرم. سون ایکی آیدا اؤلکه‌ده باش وئرن آکسییالاردا «بسیج» قوه‌لرینین دورومو چوخ چتین‌دیر. اونلارین سفربر ائدیلمه‌سین‌ده خیلی پروبلئملر وار. بو مسئله چوخ مرکب‌لشیب. امین‌لیکله دئمک اولار کی، موختلیف قوروملاردا مختلیف خیدمت دؤورلرین‌ده هئچ واخت بئله پروبلملرله اوزلشممیشه‌م.
روحانیلرین مقدس پالتارلارینی ترک ائتمک، «بسیج» عضولرینین مقدس پالتارلارینی ترک ائتمک مسئله‌سی و دینی قوه‌لر آراسین‌دا موناقیشه‌لری نظره آلاراق، حساب ائدیره‌م کی، سون ایکی آی سئپاه، دینی و ایدئولوژی-سیاسی اورقانلاری جدی شکیلده تعجبلندیریب. سون ایللرده دینی طلبه‌لر آراسین‌دا هئچ بیر ضدیت‌لی مقام گؤرونممیشدی. اما ایندی دین تحصیلی آلان طلبه‌لرین درس صینیفلریندن وئریله‌ن معلوماتلارا گؤره، طلبه و معلملر آراسین‌دا جدی موباحثه‌لر یاشانیر. من اؤزوم روحانییه‌م، درسده اولان مباحثه‌لرین مزمونونو بیلیرم. هئچ بیر درسین مباحثه‌سیز اولمادیغینی بیلیرم، بو، همیشه بئله اولوب، اما ایندیکی موباحثه‌لر درسلرله باغلی دئییل. ایندی سیستمین، اؤلکه قانونلارینین، پلیس و تهلوکه‌سیزلیک قوه‌لرینین اعتراضچیلارا قارشی داورانیشلارینین شریعت قایدالارینا اویغون اولمادیغینین مباحثه سی آپاریلیر. اونلار محکمه‌لرین وئردیی قرارلارا اعتراض ائدیرلر. اونلار پلسین داورانیشین‌دان ناراضیدیرلار…
آردی وار
