بنگلادشدهکی اعتراضلاردا اؤلو ساییسی آرتیر
بنگلادشده باش ناظیر شیخ حسینهنین استعفاسینی ایستهیهن مینلرجه اینسان کوچهلره آخین ائتدی، حکومت علیهینه شعار وئرن اعتراضچیلار ایله پلیس قارشی قارشییا گلدی
بنگلادشده، باش ناظیر شیخ حسینهنین استعفاسینی ایستهیهن مینلرجه وطنداشین گئرچکلشدیردیگی اعتراضلاردا پلیس ایله نوماییشچیلر آراسیندا چیخان چاتیشمالاردا ۹۳ نفر حیاتینی ایتیردی.
اؤیرنجی لیدئرلرینین حکومته قارشی سیویل اطاعتسیزلیک اعلان ائتمهسینین آردیندان باش ناظیر شیخ حسینهنین استعفاسینی ایستهیهن مینلرجه اینسان کوچهلره آخین ائتدی. حکومت علیهینه شعار وئرن اعتراضچیلار ایله پلیس قارشی قارشییا گلدی. حکومت قارشیدی گؤستریلر قیسا مدتده شدت حادثهلرینه چئوریلرکهن، حادثهلرده ۹۳ نومایشچی حیاتینی ایتیردی. پلیسین، نومایشچیلری داغیتماق اوچون گؤز یاشارتیجی گاز و پلاستیک مرمیدن ایستیفاده ائتمهسی نتیجهسینده تخمیناً ۲۰۰ نفر ده یارالاندی.
شیخ حسینه، ایسه اعتراض آدی آلتیندا خشونت گؤسترنلری “تروریست” اولاراق تانیملادی حکومتین “سوچلولارا” قارشی سرت تدبیرلر آلاجاغی اویاریسینی وئردی.
اؤته یاندان، بیرلشمیش میللتلر اینسان حاقلاری یوکسک کمیسری وولکر تورک، بنگلادشده حکومت قارشیدی نومایشلرده یاشانان “شوک ائدیجی شدتین” دورماسی چاغریسی ائتدی.
“سیاسی لیدئرلیگه و تهلوکهسیزلیک گوجلرینه حیات حاقی، باریشچیل توپلانما و ایفاده آزادلیغینی قوروما تعهدلارینا اویمالاری اوچون عاجیل چاغری ائدیرم” دگرلهندیرمهسینی وئرن تورک، “بنگلادش حکومتی، اعتراض حرکتینه باریشچیل بیر شکیلده قاتیلانلاری هدف آلماغا سون وئرمهلی، کیفی نظارته آلینانلاری سربست بوراخمالی، تام اینترنته داخیل اولما تامین ائتمهلی و معنالی دیالوگ اوچون شرطلر یارادیلمالیدیر” دئدی.
بنگلادشده ۱۹۷۱دهکی مستقیللیک ساواشینا قاتیلانلارین عائلهلرینه دؤولت ایشلرینده سهمیه آیریلماسینا ایستیقامتلی اعتراضلاردا جان ایتکیسی ۷۴ نفره یوکسلمیشدی. حکومتین آلدیغی قرارلا سهمیهنین بؤیوک بیر قیسمی گئری چکیلسه ده اؤیرنجیلر اعتراضلارینا داوام ائتمیشدی.اؤیرنجیلر، استعفاسینی ایستهدیکلری حسینهنین شرطسیز دیالوگ تکلیفینی ده رد ائتمیشدی.
