عراق‌ین قوزئییندکی پنجه کیلید عملیات بؤلگه‌سینده ۷ پ‌کاکا تئرورچوسو، سوریه‌نین قوزئییندکی فرات قالخانی و باریش چئشمه‌سی عملیات بؤلگه‌لرینده ایسه ۱۱ پ‌کاکا، ی‌پ‌گ تئرورچوسو ضررسیزلشدیریلدی
سوریه و عراق‌ین قوزئیینده ۱۸ تئرورچو ضررسیزلشدیریلیب.
تورکیه میللی مودافیعه ناظیرلیگی عراق‌ین قوزئییندکی پنجه کیلید عملیات بؤلگه‌سینده ۷ پ‌کاکا تئرورچوسونون، سوریه‌نین قوزئییندکی فرات قالخانی و باریش چئشمه‌سی عملیات بؤلگه‌لرینده ایسه ۱۱ پ‌کاکا، ی‌پ‌گ تئرورچوسونون ضررسیزلشدیریلدیگینی بیلدیریب.
ناظیرلیکدن وئریلن آچیقلامادا، “تئرورچولاری یووالاریندا حئسابا چکیریک. قهرمان تورک سیلاحلی قووه‌لریمیز عراق‌ین قوزئییندکی پنجه کیلید عملیات بؤلگه‌سینده ۷ پ‌کاکا تئرورچوسونو ضررسیزلشدیردی. بؤلگه‌ده بیر تئرورچو دا قالمایانا قدر عملیاتلاریمیز قطعیتله داوام ائده‌جک” دئییلدی.
ناظیرلیکدن فرات قالخانی و باریش پیناری بؤلگه‌لریندکی عملیاتلارلا باغلی وئریلن آچیقلامادا بو جومله‌لر یئر آلیب: “گوجونو سویلو میلتیمیزدن آلان تورک سیلاحلی قووه‌لریمیز تئرورچولاردان تمیزلنمه‌سینی آرا وئرمه‌دن داوام ائتدیریر. قهرمان تورک سیلاحلی قووه‌لریمیز سوریه‌نین قوزئییندکی فرات قالخانی و باریش چئشمه‌سی عملیات بؤلگه‌لرینده ۱۱ پ‌کاکا، ی‌پ‌گ تئرورچوسونو ضررسیزلشدیریب”.
