بو یازی ایکی گون اؤنجه گونئی آزربایجان دا یاییلمیشدیر.
یازینین مولفی آزربایجان میللی حرکاتی گنج‌لرینین ایزنی‌ایله بو اؤنملی بیلدیری قوزئی و تورکیه مئدیاسیندا ایشیقلانماق اوچون “گامقح “اوفیسیال طرفیندن تورکجه یه چئوریلمیشدیر.
[یاییلماسیندا یاردیمجی اولالیم لوطفا ]
“شرفلی و ذکالی آزربایجان تورک میللتینه”!
عزیز میللتیمیز، آزربایجانین یوخ ائدیلمه‌سیله باغلی، دؤولت لایحه‌سی سون آشامادادیر.
[[بو آلارم سیزین اوچون سون اویاریدیر ]]
آرتیق اؤز درین دوشونجه‌نیزله بو ییخیجی پرویئکتین دوردورولماسی سیزه قالمیشدیر. آرتیق اؤز منلیینیزه ییه‌لنمه یوللارین سئچیمی سیزه قالمیشدیر.
“اوجا تورک میللتیمیزه “
۱۰۰ ایلدن بری گئنیش آلانلی کولتوروموزو ،دیلیمیزی و بیر آنلامدا میللی وارلیغیمیزی، فارس ایرقچی‌لیینه محکوم ائدن فاشیزم دوشونجه، ایندی‌ده تورک و آزربایجان وارلیغینی بیر باشا یوخ ائتمه استراتئگیاسی ایله قارشیمیزدا دایانیبدیر.
آزربایجان تورکلرینین، اؤزللیکله تبریز ایگید خالقینین جانلا-قانلا حیات شانسی وئردییی مشروطه‌نین اینگیلیس گوجو ایله آرادان قالخماسی ،آیریجا ۱۹۴۵ جی ایلده “محمد جعفر پیشه‌وری” باشچیلیغیندا قورولان آزربایجان میللی حؤکومتینین آمریکا یاردیمی ایله قان دنیزینده بوغولماسینین گتیردییی تورکلره قارشی سوی و بوی‌قیریم، فارس شوونیزمینی ایقنا ائتمه‌میش کیمی، ایندی‌ده تورکلری و آزربایجانی تمل‌دن یوخا چیخارما پیلانی اورتایا قویولوبدور.
[یانیق بؤلگه ]آزربایجان دوشمن‌لرینین اورتایا قویدوغو یئنی پرویئکتدیر. نئچه باشلی بو پیلانین آماجی ایسه ایلک اولاراق “اورمو گؤلو”دور.
جینایت‌کار دوشمن، اورمو گؤلونو سولاندیران بوتون چای‌لارین اوزه‌رینده سو آنبارلاری تیکه‌رک، آزربایجانین “اوزوک قاشینی “قوروتماقلا، آزربایجان تورک میللتینه قارشی اؤز چیرکین و فاشیستی نیتینی سونوجلاندیرماغا چالیشیر.
هارداسا دؤولته باغلی و اؤزگور ائکولوگییا اوزمانلارینا گؤره ،اورمو گؤلونون قورودولماسی ایله، بؤلگه‌نین اکیم-بیچیم ساحه‌لری بوتونلوکله آرادان گئده‌جک، دوز قاسیرقاسیندان اورتایا گلن چئشیتلی کانسئرلر (سرطان ) اؤزللیکله آزیاشلی‌لارین اؤلومونه نه‌دن اولاجاق،بوتون یاشام سیستئمینی آرادان قالدیراجاق و آزربایجانین دوز چؤلونه دؤنوشمه‌سینه یول آچاجاقدیر،بو ایسه آغیر اینسان اؤلومو و ان آزیندا ۵ بئش آزربایجان ایالتینین مجبوری کؤچ ائتمه‌سیله سونوجلاناجاقدیر.
بؤیوک میللتیمیز، بو فاجیعه‌نین بویوتلارینی ،بئش-اون سطیرده آنلاتماق مومکون دئییل. بیز ،وطنیمیز آزربایجانین اؤولادلارى اولاراق ،بو آلارمی سسلندیردیک کی، اؤزونه و توپلاومونا اؤزل‌له‌شن آزینلیقلا، کئچیم و معیشت چنبرینده ازیلن چوخونلوق، فاجیعه‌نین درینلیینه دوشونسون و اؤزونه گلسین کی ،بو سویقیریم و آچیق قتل‌عامین سونوندا، یاشلا-قورونون بیر چاتی(ائو دامی )آلتیندا کول اولماسینی آنلاسین! اؤزونه گلسین کی ،بیزیم میللی ثروتلریمیزین اوزه‌رینده جنت یارادانلارین دوشمن‌لیینی درک ائتسین! اؤزونه گلسین کی! ان شانسلی دورومدا ،فارس بؤلگه‌لرینده آشاغیلاناراق، تحقیر اولوناراق، یئنی چاغ قول اولاجاغینی اونوتماسین!
قوشقوسوز کی ،تاریخ بویو ان آغیر سیناقلاردان کئچن، ایگید آزربایجان تورک میللتی، یئنه ده آیاقلاناراق باشینی اوجا توتاجاق،یئنه ده ظولمون کؤکونو قازیب، اؤز بؤیوک‌لویو ایله اینسانلارا آزادلیق گتیره‌جک.
سؤزسوز کی، هر زامان اولدوغو کیمی ،بو کز ده اؤلمز میللتیمیز آنکا قوشو(قوقنوس )کیمی، اؤز کولوندن دوغاراق، مؤحتشم یاشامی اوچون تاریخ‌سل گؤره‌وینی یئرینه یئتیره‌جک‌دیر.
“”آزربایجان میللی حرکتی گنج‌لری “”
