گونئی آزربایجان میللی قورتولوش حرکاتینین غزه ساواشی ایله باغلی یئنی بیلدیریشی
خوجالی‌دا ۶۱۳ دینج اهالینین سویقیریم ائدیلمه‌سی،
اوکراینا اوچاغینین ۱۷۶ دینج یولچو ایله دوشورولمه‌سی،
آرژانتینده ۸۵۰ دینج یهودینین بینا ایچینده پارتلاتیلماسی،
غزه‌ده خستخانایا سیغینمیش و یارالی ۴۷۵ دینج اینسانین بومبالانماسی عینی بشری جینایت‌دیر.
حماسین سوجسوز ایسرائیل وطنداشلارینا قارشی تئرور سالدیریسینین آردیندان سوچسوز فلیسطین خالقینین فاجیوی سویقیریمی داوام ائدیر.
آرتیق ایکی هفته یه یاخیندیر کی، غزه ساواشینین بویودلاری دورمادان بؤیویور. گون یوخدور کی، یوزلر گوناهسیز اینسانین قانی تؤکولمه‌سین! بؤلگه‌ده هر آن بیر فاجعه، هر آن بیر سویقیریم یاشاییر! بونون موتلوسو و موتسوزو کیمدیر!؟ تئهران موللا رئژیمی ۴۴ ایلدیر دورمادان ایشغالچی سهیونیست رئژیمی یوخ ائتمه شوعاری ایله اینسانلاری آلدادیر. اؤزو یوخ اولماغا محکوم اولان اویونجاق فارسچی شعوبی رئژیم اوچون، ایسرائیل-فلیسطین فاکتی بیر بقا شانسی کیمی هله‌لیک داوام ائدیر. تئهران قاتیللری بو فورصتی الده توتماق اوچون اربابلارین بوتون تاپشیریقلارینین یئرینه ائتیرمه‌سینه جان آتیر. ایران رئژیمی بیر عصب پوزوجو سینک کیمی زامان-زامان باتیلی و دوغولو اربابلارینی اینجیتسه ده قیرخ دؤرد ایلدیر کی، اوزرینه دوشن چیرکین گؤره وینی سوردورور. آنجاق، هر قولون بیر سوره جی، هر قوللوقچونون دا سون بولاجاق بیر عمرو واردیر.
غزه‌ده اؤلومدن قاچاجاق بیر سیغیناجاق، بیر خستخانا بلیرسیز یئردن بومبالانیر. خبر سانکی اؤنجه‌دن حاضیرلانمیش کیمی، ایسرائیلین جینایتی اولاراق دونیایا راپور اولونور. تئهران مئدیاسی سرعتله بو خبری دونیایا سئرویس ائدیر. چونکی، تئهرانین ان درین ایستراتئگیاسی بؤلگه‌نین ساواش و دوشمن‌لیک ایچینده اولماسی‌دیر. بو اوزد‌ن، سیاسی تانسیونون سیجاق ساواشا دؤنوشمه‌سی آتموسفئرده ایران آدلانان اؤلکه‌نین ایچینده نلرین اولماسی دونیا مئدیاسی گؤزوندن اوزاقلاشاراق فارسچی شعوبی رئژیمین وحشی‌لیکلری ماراق دایره‌سیندن اوزاقلاشیر. آیریجا تئهرانین بو آرزوسو ایله دونیانی یؤنلدن سلاح کارتئل لرین چاباسی اوست-اوسته دوشور.
جو بایدنین سؤزده آنی دیپلوماتیک ایسرایل، فلیسطین، اوردن سفری ۴۸۵ سوچسوز اینسانین قانی آلتیندا آنلامینی ایتیریر. بایدنین محمود عباس و ۲-جی عبدالله کیمی ائتکیسیز فلیسطین و اوردن لیدئرلریله گرچکلشمه میش گؤروشون ندنی عربلر طرفیندن رد ائدیلمیش کیمی گؤرونسه ده، آمریکا دیپلوماتیک مانورونا داها چوخ بنزه‌دی. بایدنین ساواش اثناسیندا ایسرائیلین یانیندا اولماسی اؤنجه‌دن بللی ایدی. آنجاق، آنتی-بشری ایران رئژیمینین بو اویونون هاراسیندا دایانماسی آن-با-آن اؤزونو گؤسترمکده‌دیر. آرتیق، بو رئژیمین ایسرائیلی و آمریکانی سریال حده‌لری کوره سل آلاندا دوزونو ایتیرمیش پنتاگون اویونو کیمی آنلاشیلیر.
گونئی آزربایجان میللی قورتولوش حرکاتی دریندن بو اصله اینانیر کی، چئشیدلی یوللارلا تریلیونلار دوللار باتی و دوغو اربابلارینا قازاندیران ایشغالچی ایران رئژیمینین قانلی وارلیغی سونا چاتاجاق. تورک میللتی و آزربایجان یوردو اؤز باغیمسیزلیغینا قوووشاجاق. تورک وارلیغینین اینسانجیل گوجو ایله دیلیندن، دینیندن، سویوندان آسیلی اولمایاراق اینسانلار باریش ایچینده یاشایاجاق، یئنی اورتادوغو دوغولاجاقدیر.
گونئی آزربایجان میللی قورتولوش حرکاتی-یؤنتیم قورولو
۲۰۲۳/۱۰/۱۸
