ارتوران نجفی گول اورمیه شهریندن فیلم یؤنئتمئنی «کینورئژیسسور»، ان یاخشی تورک فیلمی موکافاتینی قازانیب
ارتوران (داریوش) نجفی گول قیسامئتراژلی بلگه سل فیلمی ایله تورکییه‌ده ۸-جی بئینلخالق تورک دونیاسی بلگه سل فیلملر فئستیوالینین ان یاخشی تورک فیلمی موکافاتینی لاییق گؤرولوب.
۲۷ اوکتیابر – ۱ نویابر-دک تورکییه‌نین باش کندی آنکارادا بلگه سل فیلم و کینو صنعت‌چیلرینی بیر آرایا گتیرمک و تورک دونیاسینین اساس و کؤکلرینه دایانان دیرلری اوزه چیخارماق مقصدی ایله هر ایل فئستیوال کئچیرمک‌ده‌دیر.
قئید ائدک کی، بلگه سل فیلمی «نووروزنامه»نین اساس مؤوضوسو یئنی ایله بیر نئچه هفته قالمیش تورکلرین افسانه و میفولوژی دوشونجه‌لرله آیینلرله، مراسیملر کئچیریلمه‌سی و بو میفولوگییادان تأثیرلنه‌رک ایلین سون آییندا (بؤز آی) حیاتین دؤرد اساس اونسورونو (سو، یئل، تورپاق و اود) سندلی فیلمده ایشیقلاندیرماقلا، «آخیر دؤرد چرشنبه‌نین» آزربایجان تورکلری بئله‌نچی آیینلرله هر ایل یئنی ایلی قارشیلاماغا هازیرلاشدیقلارینی آنلاتماق‌دادیر.
بوندان ؤنجه آتا قورقود (دده قورقود) آدلی بیرینجی تورک دونیاسی فیلم فئستیوالیندا داها بیر آزربایجان‌لی بلگه سل فیلم یؤنتمه‌نی «رئژیسسورو» محمد علیمورادی «ائکیزلر» ان یاخشی بلگه سل فیلمی موکافاتینی قازانمیشدی. «اکیزلر» بلگه سل فیلمین‌ده جناب علیمورادی اورمیه گؤلونون و آرال گؤلونون قوروماسی مسئله‌سینی و بو گؤللر اطرافیندا یاشایان اینسانلارین حیاتینا تأثیرینی فیلمه چکمیشدیر.
ارتوران نجفی گول ۱۹۸۰-جی ایلده آنادان اولوب، «آزربایجان دؤولت مدنیت و اینجسنت اونیوئرسیتئتی» و «ایران گنجلر کینو دئرنئگی» فیلم یؤنلتمنلیغی بیتیریب. ایندیدک او، «سس» (۲۰۱۷)، «هر کس ان یاخشیسینی سئچیر» (۲۰۲۳) و «نووروزنامه» (۲۰۲۳) آدلی اوچ قیسامئتراژلی بدیعی فیلم چکیب.
