اورمیه گؤلونو خلاص ائتمک اوچون دایانیشمایا چاغیران بروشورلر تبریز شهرینده «وطنه صاحب چیخمالیییق» سولوگانی “شوعاری” ایله گئنیش شکیلده یاییلمیشدیر
ایل
بو گون، ۲۰۲۳-جی ایل اوکتیابرون ۲۸-i گونئی آزربایجان میللی حرکاتینین بیر قروپ فعالی تبریز شهرینده بروشورلئر “تراکتاتلار” قوراشدیریب گئنیش یایماقلا اورمیه گؤلونون قورتاریلماسی و آراز چایینین چیرکله‌نمه‌سینین آرادان قالدیریلماسی اوچون آزربایجان خالقینی دایانیشمایا چاغیریبلار.
«آزادلیق، عدالت، میللی حکومت»
یاییلمیش تراکتاتلاردا اورمیه گؤلونون دیرچلیشینده گنجلرین رولونا توخوناراق بئله دئییلیر: «اورمو آراز اوچون بیرلیک / گلین ال اله وئریب میللی وارلیقیمیزا صاحیب چیخاق، آزربایجان جوانلارینین اوْ‌زه رینه چوخ آغیر بیر مسئولیت دوشور، طبیعتیمیز، آنادیلیمیز، وارلیقیمیز، اورمو گولوموز محو اولماق تهلیکه‌سی قارشیسیندادیر، وطنه صاحیب چیخمالییق».
بعضی پایلانیلمیش تراکتاتلاردا دا دئییلیر: «استقلالیت بایراقیمیزی گونئی آزربایجاندا گوره جه ییک/ گونئی آزربایجان استقلالی تکجه آزادلیق یولوموزدور».
سون آیلاردا اطراف موحیط فعاللاری وآزربایجان میللی حرکاتینین فعاللاری قروپلار یاراداراق اورمیه گؤلونون قوروماسینین فسادلاری ایله باغلی بیلگیله‌ن‌دیرمه اویاری‌سی یایاراق، اورمیه گؤلونون قورتاریلماسی اوچون حاکمیته خبردارلیق ائدیبلر.
