بو گون باکی واختی ساعات ۸.۳۰ راده لرینده آزربایجان رئسپوبلیکاسی نین تئهران‌داکی سفیرلیینه خایین سالدیری اولموشدور. بو خایین سالدیریدا سویداشیمیز اورخان اصغرو شهید دوشه‌رک بیر نئچه سویداشیمیز دا تئرروریستین کالاشنیکوو مارکالی سلاحی ایله آغیر یارالانمیشدیر. ایران پولیسی نین ایلکین بیلدیریسینه گؤره، بو تئررورون عاملی بیر ائرمه‌نی اولاراق بلیرلنمیش‌دیر. آنجاق، بیر چوخ اوزمانا گؤره، بو تئررور آکتینین آرخاسیندا رئژیمین اساس تئررور قولو اولان «سپاه اطّلاعاتی»نین خبرسیز اولماماسی ایمکان‌سیز گؤرونمکده‌دیر. آزربایجان خاریجی ایشلرینین ایلکین بیلدیریسین‌ده تئررور آکتینین سببلرینین آراشدیرماسی دئیلسه ده، سئپاهلا ائرمه‌نی داشناکسوتیون اورتاق آکت اولماسی استثنا اولونماییر.
گونئی آذربایجان میللی قورتولوش حرکاتی، تئهران‌داکی دؤولت سفیرلییمیزه اولان بو وحشی تئررور آکتینی شدتله قیناییر، دؤولتیمیزین مولکی تورپاغینا ال اوزالدان ایران تئررور دؤولتینین اولوسلاراراسی سیاسی و حقوقی مرکزلرین‌ده شدتله جزالانماسینی طلب ائدیر. ۵۰ میلیونلوق آذربایجان تورک میللتینه، جومهورباشقانیمیزا و شهید دوشن اورخان اصغرو عائله‌سینه باش ساغلیغی وئریر.
گونئی آذربایجان میللی قورتولوش حرکاتی
۲۰۲۳-۰۱-۲۷
