تبریزین ۲۹ بهمن آیاقلانماسی تام آنلامی ایله بیر آنتی-فارس، آنتی-ایران عصیانی ایدی!
«گونئی آذربایجان میللی قورتولوش حرکاتی نین بیلدیریشی»
۱۳۵۶/۱۱/۲۹ (۱۹۷۸/۰۲/۱۸) تبریزین فاشیست فارسچی محمد رضا شاه رئژیمینین اؤلوم حؤکمونه ایمضا آتدیغی گوندور.
۲۹بهمن گونو آذربایجان تورک میللتینین تبریز آیاقلانماسی بیر داها اییلمز بیر یوردون ایگیدلیگینی گؤسترمیش اولدو. ۲۹ بهمن‌دن ۴۰ گون قاباق قوم شهرینده دین حؤضه لرینین بیرلیکده کئچیردیگی یوروشون آرخا پلانیندا تورک طلبه‌لری میداندا یالنیز قالینجا شاهچی رئژیمین پولیسی آتش امری آلدی. بئله کی، ۱۲ راده‌لرینده نجفده اولان خمینی چوخونلوغو فارس دیللی اولان مورودلرینین میداندان چکیلمه‌سینی امر ائتدی. شریعتمداریه باغلی اولان طلبه لر ایسه گئری چکیلمه امری آلماینجا میتینگه داوام وئردیلر. تئهران بئله گلیشمه‌دن خبر آلینجا پولیسه اؤلدورمه امری وئردی. میدانی ترک ائتمه‌ین ۱۰-لارجا آذربایجانلی تورک طلبه هلاک اولدو. پولیس شدتله قوم قیامینی باسدیردی.
قوم شهرینده قورشونا باغلانان تورک طلبه‌لرین ۴۰-جی گونو ایله باغلی باشدا شریعتمداری اولماقلا آذربایجانلی دین مرجعلریرینین ایسته گیله تبریزده یاس تؤره‌نی کئچیرمه قراری آلیندی. یوزمینلرجه آذربایجانلی یوردون دؤرد یئریندن تبریزده توپلاندی. فاشیست فارسچی رئژیمین تبریزدن قورخوسو اؤزونو بیر داها گؤستردی. تبریز بازاریندا یئرلشن قیزیللی مسجید آنیم تؤره‌نی اوچون سئچیلسه ده مؤهتشم میللت آخینی بوتون بازارهنده ورینه و شهره چکیلدی. بازار آغیزیندا توپلاشان گنجلر طرفیندن پولیس ماشینی و آراجلاری پارتلادیلدی. پولیس، گیزلی پولیس (ساواک) و اؤزل قوه‌لر میللتین احتیشامی قارشی‌سیندا گیزلنمک اوچون دلیک آرخاسینا دوشدو. گنج بیر سویداشین حق شناس آدلی ساواک یئتگیلیسی طرفیندن قورشونلاماسی ایله میللت وولکان اولوب پارتلادی. رئژیم بیر آن ایچینده میللتین گوجو قارشی‌سیندا یوخ اولدو. رئژیمه عایید اولان بوتون مرکزلر میللتین الینه کئچدی. رئژیم، اؤنجه‌دن تبریزده یئرلشدیردیگی باسقی گوجلرینی میدانا چاغیردی. آنجاق، آرتیق تبریز رئژیمین اؤلوم حؤکمونو وئرمیشدی! گون بویو سوره‌ن ساواش میدانیندا ۱۰-لارجا گنجمیز شهید دوشدو. ۱۰-لارجا پولیس و اوردو منسوبو آغیر یارا آلدی. مینلرجه دؤولت دایره‌سی اودا چکیلدی. اوردونون گئنیش آلانلی تبریزه گیرمه‌سیله رئژیمین باسدیرما ایمکانلاری چوخالدی. تبریزین دؤرد بیر یانینا داغیلان عصیان‌چیلار بیر یئره توپلاشما شانسینی ایتیره‌رک گوجونو الده‌ن وئردی. ۱۱-ری بللی اولان چوخلو توتوقلو هامان گئجه فارسچی فاشیزمین قورشونونا توش گلدی. رئژیم ۱۱ گنجمیزین جانسیز بدنینی قازئته‌لرینده گؤستره‌رک میللته گؤزداغی گؤسترمه‌یه چالیشدی. اولایلی تبریز آخشامیندا شاه تبریزین میللی آیاقلانماسینی باکی‌دان گلن کومونیست یاغماچی قروپلارا باغلادی.
۲۹ بهمن آیاقلانماسینین آچیق مئساژی نه اولدو:
۱- آذربایجان تورک میللتی فارسچی رئژیمینین بوتون آسسیمیله و میللی اریتمه ایستراتئگیاسینا باخمایاراق تئهران فاشیزمینه قارشی توکنمز پوتانسیئلدیر. ایستر شاه، ایستر ایران اسلام جمهوری فارسچی فاشیزمی تورک میللتینین گلجه گینه یؤنه‌لیک دؤولتچی‌لیک ایراده‌سینی سیندیرما گوجو یوخدور.
۲- آذربایجان تورک میللتی بؤلگه‌نین ان گوجلو، بؤیوک، نوفوسلو و دؤولتچی میللتی‌دیر. بو دومینانت میللتی باسقیچی دؤولتلرین یاردیمی ایله بیر سورجینه اسیر توتماق اولار، آنجاق تسلیم و ازگین ائتمک اولماز.
۳- آذربایجان تورک میللتی بونو گؤسترمیش اولدو کی، زامانی گلینجه دئموکراتیک و مدنی شکیلده، زامانی گلرسه دوشمنین آنلادیغی دیلله اونون بویونونو ایمه‌یه قادیردیر.
۴- ۲۹ بهمن بیر داها گؤستردی کی، بؤلگه‌نین ان لیدئر میللتی تورک میللتی‌دیر. تورک قالخارسا بوتون میللتلر قالخار. سونوج ایسه دئوریم اولار. تورک اوتورارسا باشقا میللتلرین بوتون فداکارلیغی سونوجسوز قالار.
۵- ۴۵ ایل بوندان اؤنجه ۲۹ بهمن تورک ایله فارس ایلیشکی لرینین یالنیز قالیب-مغلوب فورماتیندا اولماسینی گؤستردی. باشقا آنلامیلا ۲۹ بهمن آیاقلانماسی ایکی دومینانت میللتین بیر دؤولت چاتیسی آلتیندا یاشاما‌سینین دوشمنلیک قایناغی اولدوغونو گؤستردی.
۶- بوگون ۴۵ ایل ایسلام آدی ایله ایران آدلانان بؤیوک زینداندا اسیر دورومدا اولان غیری-فارس خالقلارین بو فیتنه سیستئمیندن قورتولوشو سؤزون ایلک و سون نقطه‌سی‌دیر. آرتیق، بوگون تورک میللتینی گله‌جه‌یه سفربر ائد‌ن مؤحتشم »آذربایجان میللی حرکاتی» وار.
۷- ۲۹ بهمن اورگانیزه اولونمامیش کوتله حرکاتی اولاراق بیر گون ایچینده باسیلدیسا، بو گون فارسچی رئژیم نیفرتیله سیلاحلانمیش آذربایجان تورک میللتینین آمح-سی دیم-دیک آیاقدادیر. آمح-ده آرتیق ایرانچیلیق آدیندا بیر باتاقلیق یوخدور. کسینلیکله باشقا خالقلاریندا ایران باتاقلیغیندان قورتولوشو ایله میللتلره ایستیقلال، اینسانلارا اؤزگورلوک جبهه‌سی قارشی‌سیندا شعوبی-فارسچی رئژیمین سونو گلینجه هر میللتین اؤز میللی دؤولتی قورولاجاق، یئر اوزو آنتی-بشری آپارتئید بیر سیستئم‌دن قورتولاجاق‌دیر.
۸- ۲۹ بهمن آیاقلانماسینین مئساژی بیر ده »گوج بیرلیکدن دوغار!» ایدی. بئله کی، میللی-سیاسی ایراده نین بیرلیکده اولماسی ایله غلبه الده ائدیلر. داغینیقلیق اولدوغو یئرده آنجاق یئنیلگی اولار. هر هانسی میللی غلبه‌دن دانیشماق اولماز. دیالوق، خوشگؤرو، قارشی‌لیقلی سایغی و اورتاق قورتولوش یولو! گونئی آذربایجانین ان بؤیوک گره گی بیرلیک و قارداشلیق‌دیر. ۲۹ بهمن روحو بوتون گونئی آدینا چالیشان قوروم-قورولوشلاری تورک اولماغا، تورک بیرلیگی اولماغا و میللی قورتولوشچو اولماغا چاغیریر.
۲۹ بهمن آنیسی ابدی یاشاسین!
گونئی آذربایجان میللی دؤولتچی‌لیک یولوندا ایره لی!
ایستیقلال، آزادلیق، عدالت، میللی حکومت!
گونئی آذربایجان میللی قورتولوش حرکاتی
۲۰۲۴/۰۲/۱۵
