آذربایجان دؤولتچی لیگینین یئنیدن دوغوشونا شفق ساچان ۲۰ یانوار قر‌نفیللری سولماسین!
۳۵ ایل قانلی۲۰ یانواردان کئچیر. اوزون زامان کئچمه‌سینه باخمایاراق ۲۰ یانوار شهیدلریمیزین خاطره‌سی ایلک گون کیمی ۵۰ میلیونلوق میللتیمیز طرفیندن عزیز توتولماقدادیر. چونکی، ۲۰ یانوار دیرنیشی روس آغالیغینین بئلینی سیندیردی. قوزئی آذربایجانین میللی آزادلیق حرکاتینا ایستیقلالیت یؤنو وئردی. آز بیر زامان ایچینده آذربایجان تورک میللتینه «دؤولت» بخش ائتدی. ۲۰ یانوار، ۱۸۲۸-جی ایل پارچالانماسیندان ۹۰ ایل سونرا اولو محمد امین رسولزاده نین قالدیردیغی بایراغین بیر داها دالغالانماسینا ندن اولدو. بو گون، آذربایجان رئسپوبلیکاسینین قوتلو وارلیغی او گونون آچیلان قر‌نفیللرینه بورجلودور.
تورکون ان آجی بلاسی اولان روس وارلیغی نه یازیق کی، زامان-زامان اینسانلیقدان یانا اولان تورک میللتینین اوزرینده اولوشان قانلی اولایلارین باشیندا اولموشدور. روس دؤولتینین یارانماسیندان بری، بوتون چئوره میللتلرین قارا گونلری محض روس ائقوسو اوزوندن تاریخه دوشموشدور. آذربایجان تورک میللتی (گونئی-قوزئی)، ایسه بو قارامسال تابلونون باشیندا یئر آلمیشدیر. روسلار تاریخ بویو تورکلره قارشی اولان بوتون فاکتلاردان یارارلاناراق بو میللتین اوزرینده هئگومون اولماغا چالیشمیش و چالیشماقدادیر. ۲۰ یانوار، بو باسقیلارین ساده‌جه بیر اؤرنگی‌دیر. ۲۰ گون سووئتلر دؤنه‌مینین بیتمه‌سیندن سونرا روس اوردوسونون باکی‌دا تؤرتدیگی وحشیجه بشری جینایت باریز بیر روس منتالیتیدیر.
«گونئی آذربایجان قورتولوش پارتیاسی»نا گؤره، آذربایجان رئسپوبلیکاسی چاغ، گوج، دیپلوماتیا، دییشن بوتون تورلو شرطلره باخمایاراق روسیایا قارشی دویغوسال داورانیشلاردان اوزاق قالمالی، بو دؤولتله یالنیز میللی ماراقلار تملینده سیاست یوروتمه لیدیر.
آذربایجان دؤولتچیلیگینین یئنیدن دوغوشونا شفق ساچان ۲۰ یانوار قره‌نفیللری سولماسین!
یاشاسین ۵۰ میلیونلوق آذربایجان تورک میللتی و آذربایجان رئسپوبلیکاسی!
گونئی آذربایجان قورتولوش پارتیاسی!
۱۹-۰۱-۲۰۲۵
