فارس‌چی فاشیست رئژیمین آذربایجان تورپاقلاریندان ایسرائیله قارشی
باللیستیک فوزه گؤندرمه‌سینین آرخاسیندا تورک دوشمنلیگی دایانیر.
” گونئی آذربایجان قورتولوش پارتییاسینین رسمی بیلدیریشی “
۲۰۲۴/۱۰/۰۱ آخشام راده‌لرین‌ده شعوبی-فارس‌چی رئژیمین یوزلرجه باللیستیک فوزه‌سی ایسرائیله قارشی فیرلاتیلدی.
ایکی دینسل دوشمن دؤولتین وکالتی ساواشینین یاواش-یاواش مستقیم ساواشا چئوریلمه‌سیله فارس‌چی رئژیمین آذربایجان تورپاقلاریندان ایستیفاده ائتمه‌سی بیر باشا تورک دوشمنلیگی اولاراق آلقیلانماقدادیر. تبریز و اورمو ایستیقامتیندن ایسرائیله فوزه فیرلاتیلماسینین چیرکین آنلامی آذربایجان تورک میللتینه آیدین اولسا دا، دونیا اوچون قارانلیق گؤرونه بیلر. اؤزل‌لیکله ایسرائیل و اونون متفیقلری«گونئی آذربایجان ایران دئییل» گرچه گینی بری باشدان بیلمه لیدیرلر. ۵۰ میلیونلوق آذربایجان تورک میللتینین دونیا اوزرینده دیپلوماتیک باخیشلاری “آذربایجان جومهوریتی دؤولتینین” سیماسیندا تجللی ائتمکده‌دیر. بو او دئمک‌دیر کی، آذربایجان تورکلویونون دونیایا یؤنه‌لیک باخیش آچیسی دوشمن دؤولتلرینین ماراقلاری ایله دئیل، گونئین کؤکلو اولوسال چیخارلاری و بوتؤو آذربایجان دؤولتچی‌لیک وارلیغی ایله اؤلچولور. تئل آویو-تئهران قارشی دورماسی نه اولورسا-اولسون گونئی آذربایجان تورکلویونون ساواش میدانینا سوروکلنمه‌سینه آراج اولمامالی‌دیر. دونیا بونو بیلمه‌لیدیرکی، آذربایجان میللی حرکاتینین بو دونیاداکی ان بؤیوک دوشمنی فارس فاشیزمیدیر.
گونئی آذربایجان قورتولوش پارتیاسی ایران فارس‌چی رئژیمینین آذربایجان تورپاقلاریندان ایسرائیله قارشی ایستیفاده ائتمه‌سینی درین نیفرتله قیناییر، بو آنتی بشری رئژیمین بو ساواشدان ساغلام چیخماماسینی اومید ائدیر.
گونئی آذربایجان قورتولوش پارتیاسی-یؤنتیم قورولو
۲۰۲۴/۱۰/۰۱
