آزربایجان رئسپوبلیکاسینین پرئزیدئنت سئچکیلرینده سایغی دئیر ایلهام
علیئوین بؤیوک غلبه‌سینین کؤکونده دایانان اؤزت باشلیقلار.
(گونئی آزربایجان میللی قورتولوش حرکاتینین بیلدیریشی)
آزربایجان رئسپوبلیکاسینین ۷/۱/۲۴ تاریخلی پرئزیدئنت سئچکی‌سینین گؤزله‌نیلن سونوجلاری الده ائدیلدی. بو سونوجلار بیر داها آزربایجان وطنداشلارینین قاراباغا اولان حساس دویغولارینین تظاهرو اولدو.
پرئزیدئنت ایلهام علیئو نؤوبتی ۷-ایل اوچون میللتین اویونو قازاند‌ی. یوزده ۹۲% اوزرینده گؤزله‌نیلن غلبه، شوبهه‌سیز کی بیر دؤولت ظفری کیمی دئیرلندیریلمه‌لد‌یر. ۳۰ ایل دوشمن ایشغالیند‌ان آزاد ائدیلمیش قاراباغدا کئچیریلن ایلک سئچکی بؤیوک میللی شوله‌ن ساییلمالی‌دیر. بو اوزده، بو دؤنمکی آزربایجان سئچکیلرینین سئوینج ایچیند‌ه کئچیریلمه‌سینین تک آنلامی میللی بایرامد‌یر. آزربایجان دؤولتی و میللتی بو بایرام هاوالی سئچکی اولاینی سونونادک حاق ائتدی. سؤزسوز کی، گؤستردیگی یوکسک یولبایلیغی ایله سایین ایلهام علیئوین رولو دانیلمازدیر. آزربایجان وطنداشلارینین یوکسک ایشتیراکی ایله کئچیریلن سئچکیلرده دؤولت باشچی‌سینین سون ایللرده‌کی ظفرلی دیپلوماتیک و میدانی چابالارین‌داکی دوغرو یولدا اولدوغو عینیله گؤسترمیش اولدو. پرئزیدئنتین شفاف و آچیق-آرا قازانماسینین کؤکونده دایانان اؤنملی باشلیقلارا بیر گؤز آتالیم:
– ۴۴ گونلوک وطن ساواشینی ظفره گؤتورمک.
– میللت-دؤولت-اوردو روحونو بیرلشدیرمک.
– ایستراتئژیک دؤولتچیلیک سوره جینی باشاری شکیلده ایداره ائدیلمه سینده چابا گؤسترمک.
– روسیا کیمی ایمپئریال دؤولتین قاراباغ ایستراتئگیاسینی میللی منافعیمیز خئیرینه نوتوراللاشدیرماق.
– ایران کیمی یالانچی ایسلام جومهوریتینین ایچ اوزونو اؤنه چکمه‌سی و بو قددار فارسچی فاشیست رئژیمی قارشی‌سیندا سون درجه یوکسک دوروش اورتایا قویماق.
– تورکیه کیمی تورک دونیاسی نهنگی ایله ایستراتئژی اتفاقی «بیر میللت» دوزئینه چاتدیرماق.
– گونئین تالعینی اؤز قایغیسی کیمی دونیا ایجماسینا اؤزل‌لیکله تئهران گئری‌چی موللا رئژیمینه گؤسترمک و ۴۰ میلیونلوق قانداشینین آزربایجان سینیرلاری دیشیندا اؤز آنا دیلیندن، بوتون میللی حاقلاریندان یوخسول اولماسینی دیله گتیرمک.
– لایک، سئکولار و مودئرن دؤولتچیلیک آنلاییشی ایله بوتون اؤلکه‌لرله دوستلوق موناسیبتینین اؤنجولو اولدوغونو الده ائتمک.
– قاراباغین بیر گونلوک آنتی-تئرور حرکاتیندان سونرا بوتونلوکله ائرمنیستان و اونون تئرروریست دسته‌لریندن آزاد اولماسی ایله باتی‌لی ائرمه‌نی دستکچیلرینین باسقیلاری آلتیندا قالماماسی، ترسینه ظفرمند بیر لیدئر کیمی آزربایجان تورک میلتی نین میللی منافعینی اوستون توتماق.
– تئهران فاشیستلرینین زنگزور دهلیزی قارشی‌سیندا دوزاقلی آلترناتیو تکلیفلرینه سویوق باخاراق، زنگزور قونوسوندا دیم-دیک دایانماق.
– تورک دؤولتلری تشکیلاتینین (تدت) بو گونکو اولوملو بؤیومه‌سینده آردجیل چابا گؤسترمک.
– آزبایجان رئسپوبلیکاسی دؤولتینین آن با آن گنجلشمه‌سینده دؤولت دینامیکاسینی دونیا کورسل سیاستده بلیرگین اوغورلو یئره گتیرمک.
– دونیا چاپیندا اوغورلو سیاستلر یورودن بیر لیدئر اولدوغونو گؤسترمک.
– روسیا-اوکراینا و ایسراِییل-حماس ساواشلاریندا اورتایا قویدوغو اینسان حاقلاری یؤنلو طرفسیز دوروش سرگیله‌مک.
– و بو کیمی یوزلرجه اوغورلو چیخیشلاری اوچون ۷۸% اوزرینده سس حاقی اولان بیر میللتین اشتیراک ائتدیگی سئچکیده موطلقه یاخین اولوملو سسینی قازانان سایین ایلهام علیئو لیدئرلیگینین قارشیلیغینی آلمیشدیر.
بیز گونئی آزربایجان موستقیللیگی، بوتؤو آزربایجانین یارانماسی و توران ائوینین گرچکلنمه‌سی پرینسیپلری اوزرینده فعالیت گؤستر‌ن چاغداش آزربایجانین ان ایلکین و دایاناقلی تشکیلاتی اولاراق ۱۹۹۰-جی ایلدن بری قارشی‌لیقسیزجا دؤولتیمیزین یانیندا اولماقدان بیر آن اولسون بئله، اوزاق قالمادیق و قالمایاجاییق دا! بیر قورتولوشچو آزربایجان تورکو اوچون دؤولت بیر میللتین ان قودسال وارلیغی، اونون باش‌چیسی ایسه بو قودساللیغین ان اوست قوروجوسودور. بیز گونئی‌لیلر بونو روحلا-جانلا و تام آنلامی ایله فارسچی فاشیزمین الینده ازیلن وارلیغیمیزلا درک ائدیریک. بو اوزدن م. ا. رسولزاده نین بیر «کره یوکسه‌لن بایراق، بیر داها ائنمز!» تظاهرو اولان دؤولتیمیزی و دؤولت باشچیمیزی میللی وارلیغیمیز حساب ائدیر، عزیز توتوروق.
گامقح اوچون ۱۷/ایون/۱۹۹۲-جی ایلدن اوزو بری ا. ائلچی بئی، ح. علیئو و ا. الیئو کیمی دؤولت باشچیلاریمیز میللی وارلیقلاریمیز ساییلیر.
گونئی آزربایجان میللی قورتولوش حرکاتی اولاراق، ۷/۲/۲۰۲۴/ گونونو تاریخیمیزه بخش ائد‌ن میللت و دؤولتیمیزی تبریک ائدیر، جومهورباشقانیمیز سایین ایلهام الیئوه اوغورلو گئدیشاتیندا میلت سئوگیسی دیله ییریک.
گونئی آزربایجان میللی قورتولوش حرکاتی باشقانی ائلدار قاراداغلی
۲۰۲۴/۰۲/۰۸
