آنتی-تورک، آنتی-آزربایجان ایران رئژیمینین قاراقیشالق جینایتی ایله باغلی گونئی آزربایجان میللی
قورتولوش حرکاتینین بیلدیریشی!
!
>>> قاراقیشالق قیساجا <<<
سالماسین کنگرلی ماحالی ندا یئرلشن قاراقیشالق کندی، اورمو گؤلونون تام باتی سمتینده اوالن تاریخه مالیک اسکی
یاشاییش یئری، آزربایجان ین سارسیلماز اؤغلو لکیستانلی مسعود دیوانین، ایگید قیزی نیمتاج سالماسلی نین و
سیمیتقو-جیلوولوق تئررورچوالرا قارشی وطن ناموسونو قانالری ایله ساوونان ۳۵۰۰ میللی شهیدیمیزین یوردودور.
>< ذکالی و جسور میللتیمیز!
ایران فاشیزمینین اورمو گؤلونون قورودولماسی ایله حیاتا کئچیریلمه‌سی گرکن کوتلوی سورگون پلانی آشاما-آشاما گوند‌مه گلمکده‌دیر. قاراقیشلاق، بشر دوشمه‌نی خامنئیی شعوبی چیلیگی نین گؤز دیکدیگی ایلک یئرلردن بیری‌دیر. گونئی آزربایجانا یؤنه‌لیک فارس‌چی-شعوبی رئژیمین «یا سویقیریم اول، یا بؤلگه‌نی ترک ائت!» فاشیستی سیاستی ایللردن اؤنجه ایستراتئژیک پلانا چئوریلسه ده آرتیق اؤنجه‌لیگه چئوریلمیش‌دیر.
فاشیست رئژیمین قاراقیشلاق کندیند‌ه یاراتدیغی فاجعه‌نین ندنلری هرکسه، اؤزل‌لیکله بؤلگه اهالی‌سینه آیدین‌دیر. رئژیم، مین بیر پوسقو قورسا بئله، میللتیمیزی آلداتا بیلمه‌یه‌جکدیر. آرتیق، میللتیمیزین رئژیمین اویونلارینا قارشی آچیق گؤزلو اولدوغو بوتون آلانلاردا گؤرونمکده‌دیر. رئژیمین تئررور قولو اولان پاسدارلارین الیله بؤلگه‌ده دوز فابریکاسی قورماسی و سؤزده اینسانلارا ایش فورصتی یاراتماسی دا بو قئیری اینسانی توزاقلاردان بیری‌دیر. تورک دوشمنی رئژیم ایللردیرکی بؤلگه اینسانلارینین معصوم یاشام حاقینی هئچه سایاراق، دوز فیرتیناسینین یارانماسی یوللارینی دنه ییر. ۱۵ میلیونون ساغلیغینا اعتیناسیز قالان رئژیم اوچون داملا قدر شرف، ویجدان، اینسانا قایغی تصور ائتمک مومکون دئیلدیر. رئژیمه گؤره، اسن کولکلر ایله بؤلگه‌نین باشا-باشینی تهدید ائد‌ن اؤلوم دوزلاری یئتمز کیمی، بیر ده میللتین دوغال ثروتینی تالایاراق فابریکادا تمیز دوزا چئویریب فارس بازارلارینا گؤندرمه‌سی پلانلاشدیریلیر. سؤزسوز کی، خسته بؤلگه‌نین پایی ایسه قارشی‌لیقلی اولاراق کیرلی آخینتیلار، قوروموش اکین-بیچین زمیلری، اؤلومجول خرچنگ خسته‌لیگی، یوخسوللوق، آجلیق، میللی-اینسانی فلاکت اولاجاقدیر. رئژیمین ایسته گی ایسه، تام اولاراق بودور. بئله اولان دورومدادیر کی، رئژیمین «یا سویقیریم اول، یا بؤلگه‌نی ترک ائت!» فاشیست پلانی گرچکلیک قازاناجاقدیر.
دئدیک کی، قاراقیشلاق، رئژیم اوچون عئین حالدا بیر سیناق میدانی‌دیر. میللتیمیزین بو فاشیست رئژیمه قارشی دیره نیشی و یا ساکیت قالماسی تئهران اوچون چوخ اؤنملی‌دیر. میللتیمیز ساکیت قالارسا نه لر باش وئره‌جک؟
۱- قاراقیشلاق دا باشلانان قویو قازما پلانلاری داها گئنیشلنه‌جک. قازیلان قویولارین آز بیر زامان ایچینده ذهرلی فوسفورلو سولانما و هاوالانماسی ایله بؤلگه‌نین سویو و هاواسی اینسانلار اوچون ذهر قایناغی اولاجاقدیر.
۲- دوز، کاربونات، لیتیوم کیمی آنا مادده‌لرین تمه‌لی اوزرینده یئنی پرویئکتلر باشلایاجاق. هر فابریکا و ایش یئرینین آچلماسی ایله یئنی-یئنی سو قایناقلارینا احتیاج اولاجاق، بو ایسه یئر آلتی سولارین داها چوخ الده ائدیلمه‌سینه میدان آچاجاقدیر. هر آچیلان سو قویوسونون دوغال سونوجلاری اوزوندن بؤلگه‌نین هاوا سیجاقلیغی چوخالاجاق. بو دا یاغاجاق بولودلارین داغیلماسینا ندن اولاجاقدیر.
۳- ۴۵۰ هکتارلیق قاراقیشلاق اراضی‌سی گئنیشلنه‌جک، سالماس‌دان ماکی یا، خوی‌دان ماراغایا، اورمودان تبریزه بوتون باتی و دوغو آزربایجانین بؤیوک بؤلومونده ۱۰ مینلر کیلومتره قارا آلاندا دوز قایناقلی کیچیک، بؤیوک یاشام استانداردینا بوتونلوکله ضد اولان ایش یئری آچیلاجاقدیر. بو ایسه، ایکی باشلی کؤچ ندنی اولاجاقدیر: تورکلرین فارسیستانا، کوردلرین ایسه آزربایجانا کؤچو! کورد عشیرت آغالاری یوز ایللر بویونجا دؤولت گوجونده اولما حسرتینده اؤتوشوب-یاندیقلارینا گؤره، فارس فاشیزمینین دوزاغینا دوشمکدن ممنون گؤرونورلر. حتی نئچه-نئچه یازیق کورد نسیلی اؤلسه بئله!
۴- اگر میللتیمیزین غئیرت داماری پارتلاماسا، میلیونلار دینج وطنداشیمیز ان آغیر ایچ اورقانلاری آغریسی ایله معصوم-معصوم اؤله‌جک و یا فارس فاشیزمی پلانی اوزره دوغما یورددان سورگون دوشه رک سؤمورگه‌ن بؤلگه‌لرین قوربانی اولاجاق.
قاراقیشلاغین ۷-دن ۷۰-ه ایگید جانلاری آزربایجان تورک میللتینین فارس فاشیزمی قارشیسیندا نه قدر جسارتلی اولدوغونو گؤستردی. ایگید میللتیمیزین رئژیم قارشیسیندا دیم-دیک دایانماسی بونو گؤسترمیش اولدو کی، اورمو گؤلونون قورودولماسی بیزیم اوچون یئنی دیریلیش، دیرچلیش و دیرنیش اولاجاقدیر. فارس قولد‌ورلارین دوشوندویو خولیالار آزربایجانیمیزین هئچ بیر بؤلگه‌سینده گرچک اولمایاجاق! ترسینه تورک میللتینین درینلردن گلن وارلیغی بؤلگه‌ده باش قا‌لدیران بوتون فاشیستلرین سونونو گتیره‌جکدیر.
قاراقیشلاغین غئیر‌تلی قادینی، یا‌شلی‌سی و توپ یئکون اهالی‌سی رئژیم قاتیللرینین وحشی یوروشونه، توتوقلاماسینا، اؤزل‌لیکله قادینلارا قارشی شرفسیزجه تجاوز حده-قورخوسونا باخمایاراق بیر آن اؤز یاشاملارینی، یوردلارینی ساوونماقدان چکینمه‌دیلر. رئژیمین الیالین میللتیمیزه قارشی اوردو کیمی یوروش ائتمه‌سی بیر داها آزربایجان تورک میللتینین جاماران دیکتاتورو گؤزونده نه قدر قورخولو بیر گرچک اولدوغونو اثبات ائتمیش اولدو.
قاراقیشلاق جسارتی آزربایجان میللی حرکاتینا «آمح» ها‌نسی درسلری وئرمیش اولدو؟
۱- قاراقیشلاق سالماس‌دا بیر کند اولاراق فاشیزمین قارشیسیندا اؤز یاشام حاقینی ساوونورسا، دئمک بو ایچی بوش رئژیمه قارشی گلمک آزربایجان میللی حرکاتی اوچون زور ایش دئیلدیر.
۲- اگر قاراقیشلاق کندی تئهران فاشیزمینین زوربالیغی قارشیسیندا آنیندا بیرلشمه گی باجارد‌یسا، دئمک آمح-نین شعوبی-فارس‌چی فاجعه‌سینین قارشیسیندا تک یوموروق اولماسی بیر او قدر چتین دئیل.
۳- قاراقیشلاق گؤستردی کی، تورپاق آنادیر، ناموسد‌ور. اگر تورپاق اوغرونا بیر بؤلگه ۳۵۰۰ شهید وئریرسه، بیر یورد اوچون میلیونلار جان، جانان اولمالید‌یر.
۴- قاراقیشلاق گؤستردی کی، گونئی آزربایجان تورکو وارکن رئژیمین اؤلومجول و شیطانی پلانلاری سویا دوشه‌جک شعوبی-فارس‌چی رئژیم، ایران آدلانان دؤولتی ایله بیرگه آزربایجان تورک میللتینین و اونون میللی-سیاسی گوجو اولان آمح الیله یئر اوزوندن سیلینه‌جک.
۵- قاراقیشلاق گؤستردی کی، تاریخ بویو تورکلر ان چتین سیناقلاردان باشی اوجا چیخاراق، اؤز آلین یازیلارینا حاکم اولا بیلیب، بوندان سونرا دا اؤزگور، باغیمسیز اؤز دؤولت چاتیسی آلتیندا دیلینه، کولتورونه، میللی میراثینا، سویونا، دوزونا، میسینه، قیزیلینا، داغینا-داشینا و بوتون یئرالتی-یئراوستو توکنمز وارلیقلارینا ییه‌لنه‌جکدی.
یاشاسین آزربایجان تورک میللتینین جسارت سیمگه‌سی قاراقیشلاق!
گونئی آزربایجان میللی قورتولوش حرکاتی- آراشدیرما بؤلومو
۱۳/۰۱/۲۰۲۴
