آزربایجان قورتولوش پارتیاسی نین (قورتولوش) گونئی
«اؤز مقدراتینی تعیین ائتمه حقوقو اوغوروندا میللتلر جبهه‌سی ـ ایران»
کنفرانسینا مئساژی
سایغیلی خانیم‌لار و بئی‌لر،
سلام و دیرین سایغیلاریملا!
شوبهه‌سیز کی، سون ۱۲ گون عرضینده ایران-ایسرائیل و آردیندان آمریکا‌نین ایشتراکیله یارانان قارشی‌دورمانین یاریم‌چیق قالماسی، ایراندا یاشایان اسیر میللترلر و اونلارین ملی قورتولوشچو قوروم‌لاری اوچون بنزرسیز بیر توپارلانما و گوج بیرلیگی فورستی یاراتمیشدیر. کئچمیش اون‌ایلیکلرین هم اوغورلو، هم ده آجی تجریبلری فونوندا، بو گون بیزلر اوچون گله‌جه‌یه ایشیق ساچاجاق بیرگه دوشونجه و حرکت ضرورتی آچیق شکلینده اورتایا چیخمیشدیر.
ایراندا یاشایان غیر فارس میللترلرین بو تاریخی فورستدن یارارلاناراق، گوجلرینی بیرله‌شدیریب گلوبال سیاسی پروسسلرده سؤز صاحیبی اولماسی آرتیق قاچینیلماز بیر گئرچکلیدیر. امینیک کی، فاشیست فارس-شعوبی رژیمینه قارشی قورولاجاق گنیش و تأثیرلی «میللترلر جبهه‌سی» هم ایندیکی ایراندان سونرا، هم بؤلگه‌ده، هم‌ده بیرلشمیش دؤنیادا آزادلیق و امید منبعینه چئوریله بیله‌جکدیر. بیز اینانیریق کی، بو ملا-فقیه رژیمینه قارشی یگ جدی و رئال آلترناتیو، یالنیز گوجلنمیش و بیرلیک ایچینه اولان «میللتلر جبهه‌سی» اولا بیلر. اونوتمایاق کی، اسیر میللترلرین و یوردلارین ایشغالدان آزاد اولماسی یالنیز اورتاق و مقصدیونلو مبارزه یولو ایله ممکوندور.
گؤنئی آزربایجان قورتولوش پارتیاسی اولاراق، ۱۹۹۲-جی ایلدن بری تبریز‌ده باشلاتدیغیمیز ایستیقلال مبارزه‌سینی تورک میللتینی‌نین دوشونجه‌سینده کوکلندیرمگه چالیشیریق. عینی زاماندا، بو ایستیقلال اراده سینی بلوچ، عرب، کورد و تورکمن قارداشلاریمیزا دا آشیلایاراق، ملی همرا‌ی لیک یولوندا الیمیزدن گله نی ائدیریک.
بیز یولوموزون دوغرولوغونا و حق موجا‌دیله‌سینی‌نین ضرورتینه قطعی شکلینده اینانیریق. عئینی زاماندا، بو جبهه‌نین ده ایستیقلال و آزادلیق یولوندا آپاردیغی مبارزه‌نی دستکله ییریک و امینیک کی، کئچمیش ۱۰۰ ایل بویونجا انگلیتره و روسیا طرفیندن دیزاین اولونموش ایران آدلاندان بو صنعی دولت قورولوشو یاخین زمانلاردا غیر فارس میللترلرین گوج بیرلیگی نتیجه‌سینده تاریخی چؤبلویونه آتیلاجاقدیر.
علاوه اولاراق، اینانیریق کی، اورتا دوغو کیمی اود-آلاو ایچینه قالان بیر بؤلگه‌ده ایران آدلی تئوگراتیک و سؤمورگن دولت وار اولدوغو موددتجه انسانلیق باریشا و دینج یاشام شرایطینه حسرت قالاجاقدیر. بو رژیم آرادان قالدیریلمادان آزادلیق و انسان حقوقلاری یالنیز ال چاتماز بیر خویا اولاراق قالاجاقدیر.
بیزیم بو آنلاملی و استراتژیک اهمیتلی کنفرانسا عنوانلایاجاغیمیز اساس مئساژ بؤیلەدیر:
ایستیقلال یولوندا بیرگه، یورولمادان، دایانمادان، قطعیت ایله دیره نیش و ملی قورتولوش مجا‌دیله‌سینه دوام.
سیزی بو تشبوس و دئیه‌رلی کنفرانس اوچون صمیم قلبدن تبریک ائدیر، دعوتیز اوچون تشککوروموزو بیلدیریر و امین ائدیرک کی، بو چتین، لاکین شرفلی یولدا سیزینله چئین-چئینه اولاجاغیق.
هر بیرینیزه اوغورلار و قطعیت دیله‌یریق.
گؤنئی آزربایجان قورتولوش پارتیاسی باشقانی
ائلدار قاراداغلی
۰۵/۰۶/۲۰۲۵
