تورکیه جومهوریتی پرزیدئنتی جناب رجب تاییب اردوغانا گونئی آزربایجان قورتولوش پارتیاسی (گاقپ) آدینا آچیق مراجعت
۱۸ سنتیابر ۲۰۲۵
حؤرمتلی جناب پرئزیدنت رجب تاییب اردوغان،
۲۳ سنتیابر / ۱ مهر / تاریخی، ایراندا یئنی تدریس ایلینین باشلانغیجی‌دیر. تأسف کی، بو تاریخ گونئی آزربایجانلی میلیونلارلا معصوم اوشاغیمیز اوچون سئوینجی یوخ، میللی ایشگه‌نجه گونونو ایفاده ائدیر. اؤزونو ایسلامین خلیفه‌سی کیمی گؤسترمه‌یه چالیشان بو رئژیمده خالقین ۷۰ فایزینین آنا دیلینده تحصیل حاقی هله ده یاساقلانمیش وضعیتده‌دیر. دیگر طرفدن، اورمو (اورمیه) گؤلو — خالقیمیزین میللی سیموولو و بؤلگه‌نین ائکولوژی قایناغی — پلانلی سیاستلر نتیجه‌سین‌ده جدی شکیلده قورودولموش وضعیته دوشموش‌دور.
دیلیمیز و طبیعی میراثیمیز اوزریند‌کی بو باسقیلار یالنیز گونئی آزربایجان اوچون دئیل، بوتون تورک دونیاسی اوچون ناراحات ائدیجی‌دیر. تورکیه‌نین اولوسلاراراسی تأثیری و تورک دونیاسینداکی لیدئرلیگی بو کیمی مسئله‌لرین گلوبال گونده‌مه گتیریلمه‌سینده حلل ائدیجی رول اوینایا بیلر.
جناب پرئزیدنت، بیز — گونئی آزربایجان قورتولوش پارتیاسی — یوکسک مقامینیزدان:
– گونئی آزربایجانلیلارین آنا دیلینده تحصیل حاقینی بئینلخالق پلاتفورمالاردا گوجلو شکیلده مدافعه ائتمه‌نیزی،
– اورمو گؤلونون قورونماسی اوچون دیپلوماتیک تشبوسلری سرعت لندیرمه‌نیزی،
– یونسکو، بمت و اولوسلاراراسی قوروملارلا امکداشلیق ائد‌ه رک سورونون تعجیلی و داواملی حلی اوچون تضییق گؤسترمه‌نیزی
خواهیش ائدیریک.
تورک دونیاسینین بیرلیگی یالنیز سیاسی و اقتصادی امکداشلیقلا دئیل؛ دیلیمیزین، مدنیتیمیزین و طبیعی میراثیمیزین قورونماسی ایله ده ممکوندور. بو سببدن تورکیه‌نین دسته گی بو گون بیزلر اوچون هم معنوی، هم ده ایستراتئژی بیر دایاقدیر.
ان درین سایغی ایله،
گونئی آزربایجان قورتولوش پارتیاسی (گاقپ)
باشقانی — ائلدار قاراداغلی
