رجا اولونور گݸنئی آذربایجان سیاسی دوستاقلاری اؤز آجلێق اعتصاب.لارێنا سۏن قویسونلار.
تهرانێن ائوین دوستاغێندا حبسده اۏلان آذربایجان ملی- مدنی فعاللاری، جنابلار: طاهر نقوی، وَدود اسدی، آیاز سیفخواه و محمود اوجاقلو-نون آجلیق اعتصابی نتیجهسینده تؤرهنمیش جسمی وضعیتیلری،، آذربآیجانین ملّی فعاللارینبن دریندن نیگرانچیلێق.لارینا سبب اولموشدور. اۏنلار عدالتسیز سیاسی حؤکملره اعتراض اۏلاراق قیرخ بئش گݸندݸر آجلێق اعتصابی کئچیریرلر. هر گݸن کئچدیکجه بو عزیز ملّی فعاللارین ساغلاملیغی جیدّی شکیلده تهلݸکهیه دوشور. اۏنلارێن وجودونون فیزیکی وضعیتی گئتدیکجه داها دا آغیرلاشیب اݸزگݸنائدیجی حالا گلیب چیخمیشدیر. ایندی آذربایجانین ملّی حرکتێنێن بو فداکار فعاللارینین جانی شدّتله خطرده دیر. بو شخصلرین جانی هرهانسێ تهلوکیه دوشهرسه عدالتسیز و قدّار حؤکملر وئریب اجرا ائدنلر و بوتونلوکده ایران حکومتی مسئولدور و جاواب وئرمهلیدیرلر.
حبسده اۏلان بوتون آذربایجانلی ملّی فعاللارا عاجل آزادلیق ایستهیهرک، آجلیق اعتصابیندا اولان ملّی فعاللاریمیزا بیلدیریریک:
سَسینیز ائشیدیلدی!
جسارتلی دایانات و مُقاویمتینیز بیر داها آذربایجان ملّی حرکتێنێن ایگیدلرینه قارشی عدالتسیزلیگی و اوُزون ایللردن بری بو دیارێن تݸرک ملّتینه تطبیق ائدیلن سیستئملی ظݸلم و تبعیضی اۏرتایا قۏیدو. سیز بو آجلیق اعتصابی ایله تۏپلومون دقّتینی بو عدالتسیزلیگین ماهیتینه یؤنلتدینیز! سیز گݸنئی آذربایجانێن اؤولادلارێنێن آزادلێق و عدالته نایل اۏلماسی اوچون و آیرێ-سئچکیلیگی آرادان قالدێرماق اݸچݸن فداکارجاسینا، حتا اؤز حیاتینیزی قوربان وئرمکدن چَکینمهدینیز !
آنجاق آذربایجان ملّی مُجادلهسینین داوام ائتدیریلمهسی اوچون سیزه و باشقا حبسده اۏلان ملّی فعاللارێمێزێن ساغلاملێغێ لازیمدیر. ساغلاملێغێنێز گلهجک و مُباریزهنین داوام ائتدیریلمهسی اݸچݸن گرکلی و اؤنَملیدیر. سیز؛ یالنێز اؤزݸنݸزݸن یۏخ، بلکه عاییلهنیز و ائلیمیزین سارسیلماز ایگیدلریسینیز. بونا گؤره ده دایانات و مُقاویمتینیزه و سارسیلماز ارادهنیزه قیمت وئریب، سایغی ایله دیهرلندیرهرک، آجلێق آکسیاسێنا سۏن قۏیماغێنێزێ رجا ائدیرم !
بݸتݸن آذربایجان سیاسی محبوسلارا آزادلێق و حقوقلارێنێن قورونماسینی آرزو ائدیرم
سایغی ایله : اکبر آزاد
۲۱ / ۰۹ / ۱۴۰۴
