گونئی آزربایجان قورتولوش پارتیاسینین “دوغا گونو” ایله باغلی مراجعتی!
سئویملی آزربایجان تورک میللتی!
۱۴۰۴-جو ایلین آغلار-گولر (فروردین) آیینین “دوغا گونو” (۱۳بِدر) یاخینلاشیر. میللتیمیزین درین تاریخدن گونوموزدک یاشادیغی و تورک گلنه گی اولان بو گون، خالقیمیزین کوتلوی شکیلده طبیعتین قوینونا آخین ائتمه‌سی ایله اؤزللشیر. دوغا گونوده وارلی-وارسیز، گنج-یاشلی بیر یئرده توپلاشاراق، بو گونو اونودولماز بیر آنی یا چئویرمک اوچون وطنیمیزین داغلارینا، دوزلرینه، آرانلارینا و یاماجلارینا یؤنه‌لیر.
بونا باخمایاراق، فارس‌چی-شعوبی رئژیمین یاراتدیغی اقتصادی، سیاسی و اجتماعی بحرانلارا رغمه‌ن، عزیز میللتیمیز بو ایل ده طبیعتله بیرلیکده “دوغا گونو”نو قئید ائتمه یه داوام ائد‌جکدیر.
گونئی آزربایجان قورتولوش پارتیاسی اولاراق بو گؤزل یاز بایرامیندا خالقیمیزا موتلولوک دیله ییر و بیر نئچه اؤنملی مقاما دقت یئتیرمگی ریجا ائدیر:
۱. عزیز میللتیمیز، گؤزل یوردوموزون طبیعتی بیزیم هامیمیزین ائویدیر.
۲. ائویمیزی جانیمیز بیلیب اونو میکروبلاردان اوزاق توتماغا اؤز‌ن گؤسته‌رک.
۳. طبیعتیمیزی قوروماق اوچون یاد بیتکیلرین باغچالاریمیزا گیرمه‌سینه یول وئرمه یک.
۴. دوغا، یوردوموزدور. اونو قوروماق و ساغلام یاشاتماق هر بیریمیزین جان بورجودور.
۵. سو طبیعتین یاشیل‌لیغی، اینسانلیغین یاشام قایناغی‌دیر. سویوموزا، تورپاغیمیزا اوزانان کیرلی و سینسی اللرین دوست اولمادیغینی بیلمه‌لی و اؤنونو کسمه لییک.
۶. آغلار-گولر آیین ۲-جی گونو تورک میللتینین آنا بئشیگی اولان اورمودا تاریخ یازیلدی. یئنی ایلین ۱۳/۰۱/۱۴۰۴ تاریخینده ده خالقیمیز بایرامی قئید ائد‌رک، اورمو گؤلونون طالعینه بیگانه قالمایاجاق.
۷. یئنی گونش ایلینین ۲-جی گونونده کورد تئررور قروپلارینین آلدانیشینا گلن نانکؤر گلمه‌لرین آغیزیندا بؤیوگن هذیانلارا قارشی اورمودا توپلاشان یاریم میلیوندان آرتیق تورک سویداشیمیزین سسلندیردیگی “تورپاقدان پای اولماز، اورمو کوردوستان اولماز!”، “اورمو آزربایجاندیر!”، “آزربایجان یوردوموز، اورمو بوزقوردوموز!”، “آزربایجان وار اولسون، ایسته‌مه‌ین کور اولسون!”، “اورمو منیم جانیم‌دیر، تبریز آخار قانیم‌دیر!” کیمی شوعارلاردان دوشمن راحتسیز اولموشدور. بو اوزد‌ن، ایرقچی رئژیمین بؤلگه میزده کی سیزمالاری طرفین‌دن قیشقیردیجی رئاکسیالار گؤزله نیر.
۸. بو احتیماللاری نظره آلاراق، عائله‌لرین قوروماسی اوچون گنجلریمیزین اویانیق اولماسی گرگیر. وارساییلان تخریباتلارین اؤنونو کسمه ک اوچون اویانیق گنجلرین سویوق قانلی اولماسی باشلیجا گرکن ایشدی.
ساغلام و موتلو بیر بایرام گونو کئچیرمک دیله گی ایله!
گونئی آزربایجان قورتولوش پارتیاسی
۱۴۰۴/۰۱/۱۰
