İZMİRİN QURTULUŞU VƏ CHP-NİN QURULUŞU İLƏ BAĞLI
Güney Azərbaycan Qurtuluş Partiyasının Bildirişi
9 sentyabr 1922-ci il tarixində İzmir şəhəri Yunan işğalından azad edilmişdir. Bu olay Avropa dövlətlərinin Türkiyəyə yönəlik ölkə işğalına qarşı son mərhələ olmuş və Türk millətinin qurtuluş savaşı ilə böyük zəfərlə sonuclanmışdır. Türkiyə, Böyük Öndər M. K. Atatürkün öndərliyində Cümhuriyyət yoluna addım atmışdır.
9 sentyabr 1923-cü il isə Ulu Öndər Atatürkün qurduğu ilk Cümhuriyyət Partiyasının – Cümhuriyyət Xalq Partiyasının (CHP) rəsmi fəaliyyətə başlamasının ildönümüdür. CHP Atatürkün sədrliyi ilə ilk toplantısını keçirərək siyasi demokratiyanı Türkiyəyə sunmuşdur.
Güney Azərbaycan Qurtuluş Partiyası (GAQP) olaraq, İzmirin Qurtuluşunun 103-cü ildönümünü və Cümhuriyyət Xalq Partiyasının 102-ci ildönümünü bütün Türk millətinə, özəlliklə Türkiyə Cümhuriyyətində yaşayan soydaşlarımıza təbrik edirik.
Yaşasın Türkiyə Cümhuriyyəti!
Yaşasın hüquq dövləti prinsipləri!
Yaşasın Böyük Atatürkün əbədi işığı!
Güney Azərbaycan Qurtuluş Partiyasının Başqanı
Eldar Qaradağlı
09/09/2025
