گونئی آزربایجان قورتولوش پارتیاسی (GAQP)
استراتژیک بیلدیری
نومره: 2026/08-03-SB
کوتلوی کؤچ دالغالاری، میللی تهلۆکهسیزلیک و گونئی آزربایجانین گله جگی
سون گونلرده مراکشدن اسپانیایا یؤنه لن کۆتلوی انسان حرکتی آوروپادا سینیر تهلۆکهسیزلیگی، دولت حاکمیتی و کؤچ سیاستی ایله باغلی موذاکرهلری ینیدن گوندمه گتیردی. بو اولای بیر داها گؤستردی کی، ۲۱-جی عصرده کۆتلوی انسان حرکتلری یالنیز سوسیال و اقتصادی سببلرله آچیقلانا بیلمز.
بیر چؤخ دوروملاردا بؤیله اولایلار بؤلگهسل ساواشلارین، دولتلرآراسی قارشیدورمالارین، قانونسوز انسان داشیان مافیا شبکهلرینین، سیاسی یؤنلندیرمهلرین و ژئوپولیتیک رقابتین سونوجو اولاراق اورتایا چیخیر.
بونا گؤره ده چاغداش دونیادا کۆتلوی کؤچ تکجه انسانی بیر سورون دئیل، هم ده دولت تهلۆکهسیزلیگی و ژئوپولیتیک سیاستین بیر پارچاسینا چئوریلمیشدیر.
بو گرچکلیک گونئی آزربایجان اوچون ده اؤنملیدیر.
یاخین شرقده دوام ائدن ساواشلار، دولت قورولوشلارینین گوج ایتیرمهسی، سیلاحلی گروهلارین اورتایا چیخماسی و بؤلگهده سوره ن ژئوپولیتیک دئیشیملر گله جکده گونئی آزربایجانین یئرلشدیگی جغرافیادا دا اوخشار ریسکلر یارادا بیلر.
تاریخ گؤستریر کی، بؤلگه میز کئچمیشده ده چئشیدلی ساواشلار و سیاسی بؤهرانلار زامانی کۆتلوی انسان حرکتلری ایله اوزلشمیشدیر. بو گلیشمهلر یالنیز انسانی دئیل، هم ده ایجتیمایی، اقتصادی و دموگرافیک سونوجلار دوغورموشدور.
بو اوزدن، انسان سئورلیک آدی آلتیندا باش وئرن هر بیر کۆتلوی و نظارتسیز انسان حرکتی، آزربایجان تورک میللتینین تهلۆکهسیزلیگی باخیمیندان دیققتلە ایزلنمەلیدیر.
گونئی آزربایجان قورتولوش پارتیاسی اینانیر کی، هر بیر انسانین یاشامی، وارلیغی و حقوقلاری توخونولمازدیر. ساواشدان، ظلمدن و باسقیدان قاچان انسانلارا اولوسلارآراسی حقوق چرچیوسینده یاردیم گؤستریلمهسی بشری بورجدور.
بونونلا یاناشی، هر بیر دؤولت اؤز سرحدلرینی قوروماق، قانونسوز اینسان داشییان اؤرگوتلرین قارشیسینی قانون یولو ایله آلماق، دئموقرافیک تارازلیغی و توپلومسل ثابتلیگی قوروماق حقوقونا دا صاحبدیر.
گاقپ بیر داها بیلدیریر کی، هئچ بیر خالق آیری-آیری سلاحلی تشکیلاتلارین، تئررور قروپلارینین و یا گئوسیاسی لاییحهلرین مسئولیتی ایله عینی لشدیریله بیلمز.
کورد خالقی دا بؤلگهمیزین خالقلاریندان بیریدیر. آزربایجان تورکلری ایله کوردلر آراسیندا عصرلر بویو قونشولوق و بیرگه یاشاییش اولموشدور. بو تاریخی گئرچکلیک هئچ بیر باسقی آلتیندا تئررور قروپلارینین آماجینا چئوریلمهمهلی، خالقلارین دینج یاشاییشینا کؤلگه سالمامالیدیر.
آزربایجان تورک میللتی و اونون مین ایللیک دؤولتچیلیک گلنه گی هر زامان بوتون خالقلارین عینی حقوقلارا دایاناراق یاشاماسینا ایمکان وئرمیشدیر. گلجه یین گونئی آزربایجان دؤولتی ده آشاغیداکی دؤولتچیلیک ایلکهلرینه سؤیکهنهجکدیر:
اینسان حقوقلارینا و اینسان اردهمینه سایغی؛
دؤولت سینیرلارینین کسین قورونماسی؛
قانونون اوستونلویو؛
قانونسوز و اورقانیزه کوتلوی کؤچون قارشیسینین کسین آلینماسی؛
دئموقرافیک گئرچکلیگین و توپلومسل دنگهنین قورونماسی؛
بوتون وطنداشلارین میللی، دینی و مذهبی باغلیلیقلاریندان آسیلی اولمایاراق حقوق برابرلیگینین تامین ائدیلمهسی.
بیز اینانیریق کی، میللی تهلوکهسیزلیک ایله اینسان حقوقلاری بیر-بیرینه قارشی دئیل. گوجلو حقوق دؤولتی بوتون بو دئیرلری بیرلیکده قورودوغو زامان اؤز گئرچک آنلامینی تاپیر.
بو گون دونیانین موختلیف بؤلگهلرینده یاشانان اولایلار گؤستریر کی، دؤولتلر یالنیز بوگونکو بحرانلارا دئیل، یاخین گلجه گین ریسکلرینه ده حاضر اولمالیدیرلار.
گونئی آزربایجان دا گله جگینی حقوقا، دئموکراتیایا، میللی بیرلیگه، دؤولتچیلیک دوشونجهسینه و بوتون وطنداشلارین حقوق برابرلیگینه سؤیکنهرک قورمالیدیر.
گونئی آزربایجان قورتولوش پارتیاسی (گاقپ)
۰۳ آوقوست ۲۰۲۶
