Güney Azərbaycanın mis ehtiyatlarının talanıb Kermana daşınmasına daha bir etiraf
İranın irqçi fars rejimi tərəfindən Güney Azərbaycanın sərvətlərinin fars bölgələrinə daşınmasına zaman-zaman bəzi rəsmilər də etiraf edirlər. Bu dəfə Şərqi Azərbaycan əyalətinin İdarəetmə və Planlaşdırma Təşkilatının rəisi Məhəmməd Fərşkaran Sünqun Mədəninin xammalının Kermana daşımasına və Azərbaycanın sərvətlərinin talanmasına etiraf edib.
Fərşkaran deyib: “Şərqi Azərbaycan potensial və mineral ehtiyatlar baxımından yüksək səviyyədədir və Süngun misinin əyalətdə yarada biləcəyi əlavə dəyər çox yüksəkdir. Ancaq Sünqun mis mədəninin xammalı emal olunmadan yüklənərək başqa əyalətlətə, özəlliklə Kermana daşınır. Halbuki, Azərbaycanın sərvətlərinin əsas əlavə dəyərinin başqa əyalətlərə köçürülməsinin heç bir məntiqli açıqlaması yoxdur”.
Məhəmməd Fərşkaran Şərqi Azərbaycan əyalətində emal zavodları və ona bağlı iqtisadi müəssisələrin yaradılmasının vacibliyini, bunun əyalətdə işsizliyin aradan qaldırılmasında önəmli rol oynaya biləcəyini bildirərək deyib: “Müəyyən bir təbəqə ölkədə hakim olan qüsurlu iqtisadi mühitdən istifadə edir və əslində cəmiyyətin sərvətinin 80%-i cəmi 20%-ın əlində toplanıb. Gəlir və mənfəətin olmasına baxmayaraq bölüşdürmə ədalətli deyil. Bunun qarşısının alınması üçün daha ciddi tədbirlər görülməli. əyalətin sərvətlərinin başqa yerlərə daşınmasına qarşı çıxılmalıdır”.
Qeyd edək ki, İranın irqçi fars rejimi Güney Azərbaycanın Vərziğan bölgəsində yerləşən Süngün Mis Mədəni Yaxın Şərqin ən böyük mis mədənidir. Lakin İran rejimi müstəmləkəçi həmin mədənin sərvətlərini talayıb Kermana aparırı. Yerli əhaliyə isə ancaq ekoloji fəlakət və yoxsulluq nəsib olur.
