Rejissoru Nəzrin Ağamalıyeva, prodüseri Rəşid Ağamalıyev olan “Hədis” simvolik olaraq qarğaların hökm sürdüyü ədalətsiz dünyada ədalət uğrunda mübarizə aparan gənc qızın təsviridir.
Qısametrajlı cizgi filmi 21 sentyabr 2022-ci ildə İranda etiraz aksiyaları zamanı İran “təhlükəsizlik qüvvələri” tərəfindən güllələnərək öldürülən 22 yaşlı etnik azərbaycanlı türk Hədis Nəcəfiyə həsr olunub.
Animasiya filmi Şimali Kaliforniya Azərbaycan Mədəniyyət Cəmiyyətinin maliyyə dəstəyi ilə ANIMAFILM Studio tərəfindən istehsal olunub.
