İran parlamentinin sədr müavini Əli Nikzad Azərbaycan haqda sərsəm bəyanati
“Azərbaycan bu avantüralardan əl çəkməlidir: Azərbaycanın Tehrandakı səfirliyi ilə bağlı insidentdə İranın heç bir rolu olmayıb”
İran parlamentinin sədr müavini Əli Nikzad dörd iranlı diplomatın Bakıdan qovulması ilə bağlı Azərbaycan Respublikasının son addımına və son dövrdə Azərbaycanın guya “qonşuluq prinsiplərindən kənar davranışlara” əl atdığını iddia edərək deyib: “İran tarix boyu qonşularına həmişə xüsusi hörmət bəsləmiş böyük dövlətdir”.
İranın xüsusilə şimal-qərb qonşuları, o cümlədən Azərbaycanla çoxlu ortaq cəhətləri var və bu ölkəyə bizim hər zaman hörmətimiz olub;
Azərbaycanın Tehrandakı səfirliyi ilə bağlı insidentdə İranın heç bir rolu olmayıb;
İran İslam Respublikası indiyə qədər özünü ləyaqətli aparıb, ona görə də mən Azərbaycan hökumətinə və parlamentinə tarixə müraciət etməyi və düzgün davranmağı tövsiyə edirəm;
İranın Azərbaycan xalqına xüsusi hörməti var, ona görə də bir İran müsəlmanı, parlamentin üzvü və bir azərbaycanlı kimi vurğulayıram ki, İran və Azərbaycan xalqlarının çoxlu ortaq cəhətləri var və biz ali rəhbərə (Xameneyi) tabeyik, Azərbaycan da bu avantüralardan əl çəkməlidir;
Bizim ürəyimiz Azərbaycan xalqı üçün döyünür, münasibətlərimizi sülh, ləyaqət və dostluğu qoruyaraq inkişaf etdirməliyik, lakin İran İslam Respublikasının səbrinin həddi var”.
