Asiya Futbol Konfederasiyası(AFC) ölkə klublarına peşəkar lisenziyaların verilməsində saxtakarlığa yol verdiyi üçün İran Futbol Federasiyasını 300 min dollar cərimələyib.
İran Futbol Federasiyası ötən il də AFK tərəfindən İran klublarının peşəkar lisenziyalarının verilməsində saxtakarlığa yol verdiyinə görə 120 min dollar cərimə ödəməyə məhkum edilmişdi.
İran Futbol Federasiyasının rəhbəri Mehdi Tac mediaya verdiyi açıqlamada məsələ ilə bağlı Asiya Futbol Konfederasiyasına məktub yazdıqlarını deyib:
“Məktub ünvanlamışıq, ancaq buna müsbət cavab veriləcəyinə inanmıram və düşünürəm ki, yeganə çıxış yolu bundan sonra saxtakarlığa yol verməməkdir”.
