SEPAH generalı Talibanı hədələyib
SEPAH-ın keçmiş komandiri və Tehran şəhərinin İran parlamentindəki nümayəndəsi İsmayıl Kosəri Taliban hökumətini təhdid edib:
“Halal haqqımızı kimsəyə yedirtməyəcəyik. Haqqımızı onu yeyənlərin boğazından çəkib çıxaracağıq”.
O, İran XİN başçısının sözlərini təkrar edərək bildirib ki, İran, ümumiyyətlə, Taliban hökumətini rəsmən tanımır.
Qeyd edək ki, mayın 18-də İran prezidenti İbrahim Rəisi Taliban hökumətinin Hirmənd çayının axınını dəyişdiyini iddia edib. Rəisi Kabilin İranın su payını vermədiyini iddia edərək, Talibana xəbərdarlıq etmişdi.
İranın xarici işlər naziri Hüseyn Əmir Abdullahiyan da oxşar bəyanat səsləndirərək, Əfqanıstana qarşı təzyiq vasitələrindən istifadə olunacağını bildirmişdi. Bundan sonra Taliban rəsmiləri və komandirləri İrana cavab bəyanatları yayıb, istənilən hərəkətə adekvat cavab verəcəklərini bildiriblər.
