BAŞ VERƏ BİLƏCƏK ”AZƏRBAYCAN-TÜRKİYƏ” VƏ İRAN SAVAŞINDA ”URMU” FAKTORU!
9-CU BÖLÜM
(Güney Azərbaycan Milli Qurtuluş Hərəkatı- İnformatik və Milli Araşdırmalar Bölümü)
İranın terrorist rejimi, Kürd terror şəbəkələrini dövlət etməyə çalışaraq, hüdudlarını belə, böyük kürdüstan olaraq təbliğ edir. Bu isə, Güney Azərbaycanla yanı-sıra Türkiyənin də içini terror caynağına çevirmək çabasıdır. Farsçı molla rejimi, bir yandan Kürd, başqa yandan isə Erməni kartını əldə tutmaqla Güney Azərbaycan ilə yanısıra Türkiyə və Azərbaycan cümhuriyyətlərini sürəkli basqı altında saxlamağa çalışır.
Rejimin əlindəki URMU proyekti ölüm-qalım hökmü daşır. Zəngəzur dəhlizini də Urmu strategiyasının içində görmək gərəkir. Qarabağ zəfərilə Fars faşizminin şeytan sifəti üzə çıxınca ortada gizli kart oyunu qalmamışdır. Urmu Gölü, Xankəndi, Zəngəzur, Kürd və Erməni de-fakto olaraq üç ölkənin arasındakı qapanmamış gənəl hesabın hissələridir!
TÜRKİYƏ-AZƏRBAYCAN, URMU GƏRÇƏYİNƏ BİGANƏ QALMAMALIDIR!
- Azərbaycan Türk Milləti bunu bilməlidir ki, Ortadoğu və Avrasiya bölgəsinin ən etkili toplumudur. Ancaq, bu etki alanı dövlət düzeyinə çatmasa Urmu gölü kimi həran quruyacaqdır. Millətimiz, qarşısını kəsən bütün olumsuz barajları aşmağa qadırdır. Millətimiz böyük oyunların dışında əzilib yox olmamalıdır. Bugün Türk Millətinin Quzey Azərbaycan,Türkiyə və 5 bağımsız dövləti varsa, gələcəyin işığı Güneyə nədən saçmasın!? Faşist Tehran rejimi çürüməkdədir. Bunu rejimin içindəki gündəlik çaxlaşmalar təsdiq edir. Bir dövlətin valyutasının dünya bank sistemindən çıxarılmasının anlamı o dövlətin çürüməsi deməkdir.
- Güney Azərbaycan Türk Milləti istiqamətini istiqlaliyyətə yönətməlidir. Son qurtuluş şansını üstələmək üçün ulusumuzun yenidən ”Haray-haray Mən Türkəm” olması gərəkir! Gələcəyin qarantısı bügünün qurtuluş savaşıdır! İstiqlal ya əsarət!? Üçüncü yol yoxdur. Masa yoxdur! Quyruq bulama yoxdur! Zatında munafiq olan Mücahidlərə, şahçılara, torpağımıza göz dikən terroristlərə, rejimdən qopan və ya qopuq görünən casuslara yaşıl çırağ göstərmək yoxdur! Devrimçi-qurtuluşçu Türk gəncinin 3 kartçı, irançı və farsçı qurum-quruluşlara, pokerbazlara meydan vermə yoxdur!
- Güney Azərbaycan Milli Hərəkatını İran içində olan bir hərəkət kimi göstərmək, onu boğmaq deməkdir. GAMH, dünyada yaranan ən böyük milli qurtuluş hərəkatıdır. 50 milyonluq bir millətin parçalanmış varoluşunun İran içində sıxışıb qalması, onun hür, özgür, bağımsız ruhunu həbs etməkdir. Güney Azərbaycan Milli Hərəkatının potensial gücünü manifestə etməklə millətimizin taleyini iranşəhrilərə təslim etmə yolları qapanmalıdır. Bir millətin ən böyük şansı damarında axan yaşam varlığıdır.
İrançı sömürgən qurumların minlər kilometr uzaqlarda şov kampaniya yola salmasına deyil, millətin doğal gücünə inanmaq, Güney Azərbaycan Milli Hərəkatına bağlı olan bütün partiya, qurum, quruluşların başlıca görəvi və borcudur. Bu ana ilkəni yabana salıb: ”Yox!, biz özümüz özgürük, kimsəyə hesabat vermərik, istərsək Kürd terrorizmilə, istərsək Pəhləvi mafiyası ilə, istərsək Rəcəvi banditilə masa qurub, Güneyin taleyini İran içində müzakirə edərik” söyləyənlərin dərdi kəsinliklə Güney Azərbaycan Milli Hərəkatının sorunları arasında ortaq nöqtə yoxdur.
SON
Güney Azərbaycan Milli Qurtuluş Hərəkatı – İnformatik və Milli Araşdırmalar Bölümü
