FARSÇI ŞUUBİ REJİM İSRAİLİN DEYİL, FƏLƏSTİN İSTİQLALININ SİNSİ DÜŞMƏNİDİR
İrticaçı rejimlər sömürgəçi dövlətlərin çörəyinin yağıdır”!
Bu günlərdə dünyanı ağır təhlükə ilə qarşı-qarşıya qoyan üzdə Həmas-İsrail savaşı
durmadan sürməkdədir.
2023/10/07 səhər çağından Qəzzədən İsrailin güney zolağına fırlanan saysız fuzə ilə
dünya şokə girdi. Adda Həmas örgüdü, arxada isə heç quşqusuz İran farsçı şuubi
rejimin İsrailə qarşı görünməmiş yürüşü bölgənin siyasal volkanını yenidən atəşlədi.
Savaşın ilk günlərində hər iki tərəfdən minlər sivilin ölümü bəlirləndi. Həmasdan daha
güclü olan Hizbullah və Husilərin də Tehran əmrilə savaşa girməsilə 10 minlərlə suçsuz
sivilin ölümü gözlənilir. Əli Xameneyini sərməst edən Həmasın terror vəhşiliyi İsrailə
verilən ən yerində hədiyə olaraq dünya mediasına düşdu. Tehran rejimi, Həmasın sivil
qətliamını fəthlərin fəthi adlandıraraq tam anlamıyla Həmasın sivillərə saldırısını
mənimsədi. Ancaq, çox keçmədən İsrail ordusunun Həmasa qarşı Qəzzəni göydən,
dənizdən bombaya tutması ilə Xameneyi bu kəz İsrailin vəhşiliyini qətliam elan edərək
Ərəb və müsəlman dövlətləri coşdurmağa başladı. İran, bu iki üzlü siyasətilə sivil
insanlara ən ufacıq dəyər vermədiyini bir daha təsdiq edərək, ölkələri MüsəlmanYuhudi savaşına çağırdı. Tehranın savaş havasında nəfəs almasını hərkəs kimi öz
əlaltıları da bilir. Ümmətçi rejim üçün, İstiqlal sözünün anlamı yoxdur. Belə rejimlər
üçün ancaq asılqan, baxımlı və əsir millətlərin varlığı gərəkir. İranın diplomatik
münasibətlərinə baxınca bu gərçəyi çox aydın başa düşmək olar. Belə ki, dünya
üzərində İranın iki çeşid dostu vardır: a) Xalqlarına düşmən olan despot hökumətlər.
b) İran rejimindən asılı olan ideolojiksəl terrorist örgüdlər. Tehran rejiminin ikinci qrupa,
özəlliklə fələstinə qarşı oyunu tam anlamıyla 18-19-cü əsrin ingiltərə oyunu ilə eyndir.
İsrailin Həması bitirəcək əməliyyatının son sürəci hər an başlaya bilər. Minlərcə
günahsız fələstinlinin Qəzzədən qaçma şansı yoxdur.
Təxminlərə görə, Həmasın əlində 10-15 min İran füzəsi qalmışdır. Hizbullah, Husilər
və İslami Cahadın da bölgə gücünü buna qatarsaq, Livanda, Suriyada, Yəməndə də
minlər sivil ərəbin qara torpaqlara düşməsi gözlənilir. Bu isə, farsçı şuubi rejimin
illərdən bəri Fələstin xalqı üzərində oyun qurmasının acı sonucudur. Tehran rejimi,
İngiltərənin 1921-ci ildə Fələstin İstiqlalina qarşı əngəl qoymasının təkrarıdır. İllik 1
milyard dollar Husilərə, Həmasa, Hizbullaha və İslami Cahada sıcaq para ötürməklə
yanı-sıra saysızca silah-sursat və ərzaq verən Tehran rejiminin tək və başlıca şərti
İsrailə qarşı sürəkli savaşdı. Bu sürəkli savaşın sonucu isə, İsraili deyil fələstini yox
etmək deməkdir. Bu anti-bəşəri rejim üçün İsrail və Fələstin sorunu sürməlidir ki,
bölgədə danışıq masası qurulmasın!
Bölgəyə nifrət toxumu səpən rejimin çalxantılı həyatı ancaq belə təmin olmaqdadır.
Rejim bunu yaxşı bilir ki, Fələstinin haqlı mücadiləsinin təkcə yolu bariş yoludur. Bu
üzdən İsrail, Həmas-Əlfəth masasının qurulmasının ən sinsi düşməni şuubi İran
rejiminin dini lideridir. Tehran mürtəceləri ilk növbədə Fələstin xalqını siyasi qurumlar
arasında parçalamağa, ardıca savaş alanı açmağa çalışır. İran adlanan dinsəl rejiminin
erməni faşizminin müsəlman soyqırımına göz yumması, Azərbaycan türklərinin qanını
tökən Ermənistan dövlətinə 30 il boyunca işğal pirimi verməsi, Yəməndə,
Əfğanistanda, İraqda, Suriyada, livanda və həmin Fələstində müsəlmanları
müsəlmana qırdırması, farsçı şuubi rejimin cinayətkar simasını göstərir.
Azərbaycan Türk Milləti bir istiqlaçı millət olaraq hər zaman əsir millətlərin milli qurtuluş
və istiqlalçı haqlarının yanındadır. Ancaq, qorxunc işğalçı farsçı şuubi rejimin terror
maşası olan Həmas kimi sivilizasiya qarşıdı terror örgütlərinin qarşısında olduğunu
açıq-aydın önə çəkir.
Güney Azərbaycan Milli Qurtuluş Hərəkatı başqanı Eldar qaradağlı
2023/10/12
