تبریز کیتاب سرگیسینده ناشیر کؤشکلرینینه قاداغا قویولوب؛
هر ایل اوکتیابر و یا نویابر آیلاریندا کئچیریلن تبریز بئینلخالق کیتاب سرگیسی بو ایل نشریاتلارین کابین لرینی سرگیدن ییغیش‌دیراجاقلارینی آچیقلاییبلار..
سرگیده ایشتیراک ائتمک نیتینده اولان نشریاتلار ۵ آددا چاپ ائتدیکلری کیتابلاری کیتاب ائوینه تهویل وئرملیدیرلر کی، بو قوروم خصوصی باخیش و یوخلامادان سونرا سرگیده یالنیز اویغون گؤردوکلری کیتابلاری تقدیم ائتسینلر.
بو سیاسته اساساً ساتیشین عمومی مبلغی کیتاب ائوینین حسابینا، سرگی باشا چاتدیقدان بیر آی سونرا کیتابلارین دیری قیرخ فایز ائندیریمله ناشیرلرین حسابینا یاتیریلاجاق. .
قئید ائدک کی، آۆربایجاندا نشریات ساحه سینین فعاللارینین فیکرینجه، اقتصادی وضعیتین بئله آغیرلاشدیغی، و اینسانلارین طبیعی اولاراق کیتاب آلماق اوچون پول خرجله مه‌یه مئیلینین آزالدیغی و نهایت، نشریاتلاریندا الوئریشسیز وضعیتده اولدوغو بیر واختدا بئله قرارلارین حیاتا کئچیریلمسی ساتیش باخیمیندان آزالاجاغینی دوشونن نشریات‌چیلاری ایشتیراکدان چکیندیریر، دیگر طرفدن، آزربایجاندا کیتاب اوخویانلارین سایینین آزالماسینا دا سبب اولاجاق.
بو اصول سئنزورانین یئنی فورماسیدیر، اؤلکه ده ایلک دفعه حیاتا کئچیریلیر و بو سببدن بعضی آزربایجان‌لی ناشیرلر اعتراض علامتی اولاراق تبریز بئینلخالق کیتاب سرگیسینده ایشتیراک ائتمه یه‌جکلر.
