علی رضیزاده نادارلی ۱ ایللیک جزاسینی چکمک اوچون ائوین حبسخاناسینا گئدیب؛
بو گون، ۲۰۲۳ اوکتیابرین ۲۹ تئهراندا یاشایان آزربایجان میللی حرکاتینین فعالی علی رضیزاده نادارلی (نظرلی) بیر ایللیک حبس جزاسینی چکمک اوچون بیر قوروب آزربایجانلی میللی فعاللار طرفیندن قارشیلاناراق ائوین زیندانینا آپاریلیب.
تئهران ایالتینین آپئللیاسییا محکمه سینین ۳۶-جی شعبه سی ۲ ایل حبس جزاسی و قروپلاشمایا عضو اولماق اینستاقرامدا صحیفه سی یاراداراق پانتورکچو دوشونجه لرین تبلیغی و سئپاراتچی حرکاتلارین دستکلهنمه سی ساحهسینده فعالیت گؤسترن و آنتی-تهلوکهسیزلیک موهاکیمهسی اولان گاماج و عباس لسانی و لطیف حسنی و ابراهیم نوری و پانتورکیستلرله بیرگه فعالیت گؤستردیغی اوچون. اؤلکهدن چیخیش قاداغاسی ایله باغلی حؤکمو تصدیق ائدرک، سؤزوگئدن جزانین بیر ایلینی ۵ ایل مدتینه تخیره سالیب.
دیگر تقسیرلندیریلن ثبوتلار، ایفادهلر و شخسین آچیق-آشکار اعترافلاری ایله باغلی جینایت مجللهسینین ۴۹۹-جو ماددهسینه ایستیناد ائدرک، اونا ایکی ایل مدتینه آزادلیقدان محروم ائتمه و علاوه اولاراق ایکی ایل مدتینده قروپلارا عضو اولماغی و اؤلکهدن چیخیشی قاداغان ائتمه جزاسی تعیین ائدیلسین».
علی رضیزاده نادارلی ۲۰۲۲-جی ایلین فئورال آیینین اولینده تئهرانین ۳۳-جو محلهسینین باش و اینقیلاب پروکورورلوغونون ایستینتاقینین ۳-جو شعبهسینده یوخاریدا قئید اولونان اتهامی مدافعه ائتمک اوچون ایران محکمه سیستئمینین (سانا) ائلئکترون سیستئمی واسطهسیله آلدیغی بیلدیریش زامانی. ، آدیچکیلهن دوزمهجه اتهاملار اوزره اونا قارشی دوسییا آچیلیب.
