علی خامنه ای نین آزربایجان میللی حرکاتینین استیقلالچی یوکسه لیشیندن دویدوغو اؤلوم قورخوسو
»گونئی آزربایجان میللی قورتولوش حرکاتی نین بیلدیریشی«
علی خامنه ای۲۱ آزرین -۷۸جی ایلدؤنومونده، بیر گروپ آزربایجانلی ایله گؤروشدو. او، بو گؤروشده ۲۱ آزره هئچ ایشاره
ائتمه دن ایران-عراق ساواشیندا ۱۰ مین آزربایجانلی تورکون (آزربایجان ۸ ایللیک بو ساواشدا ۲۰۰،۰۰۰ دن چوخ
گنجینی ایتیرمیشدیر). هلاک اولماسینی ایرانیلیک وورغونلوغو کیمی دیله گتیره رک، بیر دینی رهبر اولاراق دئیل،
بیر پان ایرانیست دیکتاتور پوزیسیونو گؤسترمیش اولدو. او، “اصیل ایران کیملیگیندن اوزاق دوشنلره”مئیدان اوخودو.
او، آزربایجانین ایران کیملیگیندن قوپماسینین قبول ائدیلمزلیگینی دیله گتیره رک، بئله دورومدا دولایسی ایله “آزربایجانین
سیلله ییه جه گینه” وورغو یاپدی. باش دیکتاتور، سؤزلرینین ان اؤنملی بؤلوملرین ده آشاغی جمله لریله اؤلمدن اؤنجه اؤلوم
قورخوسو یاشادیغینی آجیقجا گؤسترمیش اولدو:
“تبریز و آزربایجان حاققیندا چوخلو تعریفلر اولوبدور… بیزیم ان بؤیوک گؤره ولریمیزین بیری دقتیمیزین اؤزوموزده،
تام اؤزوموزده اولماسیدیر. ایران میللتی(؟) اؤز کیملیگینی اونوتمامالیدیر، اونودورسا ضربه یئیر، سیلله یئیر…،آزربایجانی باشقالاریندان اوستون توتان ( ایرانی؟)کیملیگینه، اؤزللیگینه باغلی قالماسیدیر. تام آنلامی ایله آزربایجان آدلاندیردیغیمز توپلامین باشقالاریندان اوستون اولماسی محض اؤزو کیملیگینه و ایران میللتینه باغلی اولماسیدیر،… آزربایجان و تبریز شهیدلر یاتاغیدیر”…
عؤمرونون ۴۴ ایلینی رسمی دؤولت کادری و دئسپوت باشچیسی کیمی آزربایجان تورک میللتینه و اینسانلیغا قارشی
دوشمنلیک ائدن س. ع. خامنه ای نین ۲۱ آزرین ایلدؤنومونده میللتیمیزله، یوردوموزلا، ۳۰،۰۰۰ میللی حکومت
اوغروندا شهید دوشن فداییلریمیزله آلای ائدرک حده -قورخو یاغدیرماسی چوخ آنلاملیدیر.
خامنه ای نین ایران میللتیله باشلاییب آزربایجانین حده له مه سیله بیتیرن سؤزلرینه جاواب اولاراق دئمک گرکیر کی:
– ایران میللتی آدیندا بیر میللت یوخدور. ایران آدلانان سؤمورگن دؤولتین اینگیلتره نین بیر باشا و روسیانین پارالل
دستگی ایله یارانماسینین تاریخی ۱۹۲۵-جی ایله دایانیر. میلاددان اؤنجه کی تورک دؤولتلری بیر کناردا قالسین، میلاددان
سونراکی ایللرده تورکلرین هگئمونلوغوندا اولان بؤلگه دؤولتلرینین آدی خزرلر، آتروپاتلار، قاراخانلیلار، غزنویلر،
سلجوقلولار، ائلخانلی لار، آتابئی لیلر، قاراقویونلولار، آغ قویونلولار، صفویلر، افشارلار، قاجارلار اولموش دور. بو
دؤنملرین هئچ بیرینده قوندارما ایرانی لیک ایزی اولمامیشدیر. سویکؤک لری تورک اولان بو دؤولتلرین دیللری التصاقی
تورکجه اولموشدور. آیریجا بو دؤولتلرین زامانیندا باشقا ائتنیکلرین دیل، ائل وارلیغینا ان اوفاق ال اوزادیلمامیش، ترسینه
صاحب چیخیلمیشدیر.
قاجارلارین سون دؤنمینه دک میللی اریتمه (آسسیمیلاسیا) سؤزجویونه هئچ بیر قایناقدا راست گلمک مومکون دئیل.
آنجاق، ۱۹۲۰-جی ایللردن سونرا اینگیلتره و روسیانین ایشبیرلیکچیلری ساریندان فارس (پرس) آزینلیغی نین تورکلویه قارشی ایش باشینا گلمه سی ایله آسسیمیلاسیا سؤزجوگو ده دوغولدو. بو یئنی تئرمولوژی چوخ کئچمه دن پانفارسیزمین کسکین میلی-سیاسی ایده ئولوژیک سیلاحی اولاراق دؤولت سیستمینین ان قورخونج آنتی-بشری قوروموندا یول گؤستری روال صاحیبی اولدو. همان زاماندان باشلایاراق باشدا تورکون زنگین و تاریخی وارلیغی، آردینجا ایسه تورک دؤولتلرینین قارانتی سی آلتیندا اولان عرب، کورد، بلوچ و بوتون غیری-فارس میللتلرین دیلی، کولتورو و وارلیق دانیلماغا باشلادی.
ایران آدی آنجاق، پانفارسیزمین پانرانیزم دیزاینی اوزرینده رضا پهلوی طرفیندن ۱۹۳۶-جی ایلده رسمی دؤولت آدی
کیمی قبول اولوندو.
– آزربایجانین ایکی کیملیگی یوخدور. بلکه تک بیر کیملیگی واردیر – آزربایجان تورک کیملیگی! تاریخ بویو بؤلگه نین
ان اؤنملی سیاسی مرکزلریندن اولان آزربایجان، هر زامان تورک کیملیگی اوزرینده قورولان اقتدارلی دؤولتلرین مرکزی
اولموشدور. ایران بیر دؤولت آدی اولاراق، ائنتیک کیملیگی داشییاماز! لاکین، تورک بیر سویکؤک اولاراق اولوسال
کیملیک کیمی دونیانین ائتنوگرافیاسینا داخیلدیر. فارس (پرس) ایله، تورکو قیاسالماق دوغرودورسا، ایران ایله تورک
وارلیغی قیاسا گلمز! بو دا کیملیکله، جغرافیا بیلگیسیندن خبرسیز اولان خامنه ای اوچون بیر درس اولسون!
– موللا طلبه خانالاریندا طلبه لره وئریلن ان ایلک درس بودور : «اینسانلارا قویون سوروسو کیمی باخین!» خامنه ای ایسه بو آلیشقانلیغا دایاناراق دانیشیغا باشلادی. آنجاق اونون خور باخیشلارینا قارشی آزربایجان تورک میللتینین اگیلمز، قورخماز دوروشو هر گون کئچدیکجه زیروه لره یوکسه لیر. ایسته ر، ایسلام جومهوریتی، ایستر جوجه موجاهید چته سی، ایسترسه ده یاریم پهلوی فاشیستلرینین فارسچی-شعوبی مئیللرینه رغمن
گونئی آزربایجان گنجلیگینین یؤنو بللیدیر. بو فاسید توپلوسونون کیچیک خولیاسینا قارشین گونئین باخیش آچیسی اینسانلیق،
اؤزگورلوک، باغیمسیزلیق و ائشیدلیکدیر. تورکون بشریته بخش ائتدیگی بوتون گؤزل بشری صفتلرین فاشیستلردن نه
قدر اوزاق اولدوغو کیمسه دن گیزلی دئیلدیر. تك تانریچیلیق و لاییک لیک کیمی بشری تئرمینلرین صاحبی اولان تورکلرین
فاشیست شعوبی-فارسچی لیقی ایله هئچ بیر ایلیشکیسی یوخ و اولاماز دا! بونو گونوموزون باش ویروسلاری اولان خامنه
ای لرین خسته بئیین لرینه سوخماق مومکون اولماسا دا، چاغین اؤنجولو اولان تورک گنجین درک ائتمه سی چوخ
قولایدیر.
-۱۰۰ایللیک بشریتین اوز قاراسی اولان فارسچی رئژیملرین گونئی آزربایجانا، ایران آدلانان دؤولتین چئشیدلی
بؤلگه لرینه یاییلان تورک میللتینه، گونئی تورکمنیستانا، قاشقایستانا، عربستانا (الاهواز)، کودوستانا، سیستان و بلوچستانا،
هابئله باشقا غیری-فارس خالقلارین یاشادیغی یئرلره ماددی-معنوی ضربه لرینین سینیری یوخدور. بو رئژیمین ۱۰۰
ایله یاخین عؤمرو میللتلرین یئرالتی-یئراوستو وارلیغینین تالانماسی ایله کئچیب دیر. ساده جه بیر اؤرنک، آیری-سئچکی
لیک اوچورومون درینلیگینی گؤسترمک اوچون یئترلیدیر. فارسچی دؤولتین رسمی یایدیغی ایستاتیستیکایا گؤره:
،م/۱۴۰۰گ-۲۰۲۱جی ایلین اوستانلارا عایید بودجه داغیتیمیندا اصفهانین تکباشینا پایی ۶/۱ % ایدی. حالبوکی، گونئی آزربایجانین دوققوز ایالتینین دؤردونون توپلام بودجه پایی تام-تامینا اصفهان ایله بیره-بیر ایدی. بئله کی، دوغو آزربایجان ۳/۴%، باتی آزربایجان۰/۹%، زنگان ۱/۳%، اردبیل ۰/۵%، توپلام ۶/۱% ایله اصفهانلا عئین یوزدنی اولوشدوروردو. بو بیر حالدادیرکی، یئنه ایران دؤولتینین رسمی و جایدیریجی وئریلرینه گؤره، همین ایلده اصفهانین ۵،۰۰۰،۰۰۰ و بو ۴ اوستانین ۱۱،۰۰۰،۰۰۰ نوفوسو واردیر.
خامنه ای نین آزربایجانی هده له مه سیندن اؤنجه، بیرآنلیغینا اینسانلیق ائدیب اورتایا قویدوغو تابلویا باخماسی گرکیر.
– آزربایجانین حیات اینجی سی خامنه ای نین گؤستریشی ایله ایللردیر آچیق شکیلده جان چکیشیر. بشریتین دوشمنی
اولان شعوبی دیکتاتور بیر کره اولسون بئله، اورمو گؤلونون قوروماسیندان دانیشماییبدیر. او، آزربایجانین اسیر
خالقلار ایچیندکی حیاتی رولونو ترسینه چئویرمک اوچون اورمو گؤلونون قورودولماسینی بیر ایستراتئژیک هدف
کیمی گودور. خامنه ایه گؤره، اورمو گؤلونون قوروماسی اوُزوندن اورتایا چیخان اؤلوم فالکتی ایله میلیونلار تورکون
اؤز آنا یوردوندان سورگون دوشمه سی آراسیندا فرق یوخدور. خامنه ای اوچون تورکون اؤلومو بختیارلیق، سورگونو
ایسه آسسیمیلیاسیا و بؤلگه ده اتنیک دئیشیمی و داغیتیمی اوچون بیر »ائتنیکسل فورصت« ساییلیر.
رفسنجانینین پرئزیدئنتلیک دؤنه میندن بری آزربایجانین اینجیسی و بشریت ارثینین یاشاماسی اوچون دؤولتدن مینیموم
بودجه نین آیریلماسی میلیونلار آزربایجان تورکونون ان نجیب دیله گی اولموشدور. آنجاق، میلیونلار تورکون گؤز
یاشینا باخمایاراق، رئژیمین ان بؤیوک پروژه سی ساییلان بصره کؤرفزیندن ایرانین مرکزی قوراقلیق بؤلگه لرینه سو
یئتیرمه لاییحه سینه دونیاجا بؤیوک بودجه آیریلدی. خامنه ای، دؤولت ماراغینی یوکسلتمک اوچون میلیارلار دولار ایمام
مالی خزانه سیندن یاردیم ائتدی. نهنگ بودجه لره رغمن وئریمسیزلیگی سوره ن بو تاسلاق اوچون هر ایل داها بؤیوک
بودجه لر آیریلیر. حالبوکی، اورمو گؤلو اوچون بو ایلین میللی بودجه سینده یئر یوخدور. یقین کی، بو آچیق آیری-
سئچکی لیک اوچون یئنه خامنه ای سوسقون قالاجاق. چونکی، اورمو گؤلونون قورودولماسی ایله باغلی یول خریته سی
بوند ان چوخ زامان اؤنجه جماران ساراییندا و خامنه ای نین اؤز امری آلتیندا جیزیلمیشدیر.
– آزربایجانین یولو بوتونلوکله ایراندان آیریلیبدیر. بونو ایللر اؤنجه رفسنجانی نین خاریجی ایشلر ناظری و خامنه ای نین
ایندیکی عالی مشاویری علی اکبر ویالتی چوخ گؤزل بیلیر. او، زامانیندا رفسنجانیه دئدیگی سؤزو خامنه ای یه ده
دئمه لیدیر. هله او گوندن بو گونه آزربایجان داها چوخ گوجلو، قورتولوشچو، ایستیقاللچی و باغیمسیزجا میللی
دؤولتچیلیگینه دوغرو یورومکده دیر.
– سؤزسوز کی، گونئی آزربایجان تورک جومهوریتی نین قورولماسی ایله ۲۰۰ ایللیک پارچالانمیش آزربایجان اؤیکوسو
ده کئچمیش بیر تاریخ درسی کیمی درسلیکلرده اوخوناجاق، بوتؤو آزربایجان دؤولتیله بوتون تورک دونیاسی توران ائوینده
بیرلشه جک.
خامنه ای نین و اونون سلفلری نین بو سطیرلره بیر کره دئیل، مین کره جلب اولونماسی گره کیر.
گونئی آزربایجان میللی قورتولوش حرکاتی باشقانی
ائلدار قاراداغلی
۲۰۲۳-۱۲-۲۴
