BOYKUT DEYİL, İRAN ADLANAN DÖVLƏT SİSTEMİ RƏDD OLMALI!
Güney Azərbaycan Milli Qurtuluş Hərəkatının Farsçı-Şuubi Rejimin Seçki Oyunu ilə Bağlı Bildirişi
Sevimli millətimiz!
Farsçı-şuubi rejimin cinayətkar rəhbərinin etirafına görə;
“İçdən rejimə müxalif olan kimsələr, hərgah gəlib (İslam) nizamı altındakı seçkilərdə səs verirsə, demək nizama bağlı olduğunu göstərir.”
Xamneyinin bu sözləri, rejimin qarşıdan gələn Məclis və Xubrələr seçkisinin açıq-aydın tablosunu göstərir.
Faşist rejim, bir daha millətləri aldatmaq üçün boş-boş vədlər verməkdədir. İran adlanan coğrafiyada yaşayan millətlərin ən azından 85%-nın səsini itirən mənfur rejim üçün hər seçki yeni bir aldatma meydanı hökmü daşıyır.
İşsizliyə, ucu görünməz inflyasiyaya, yoxsulluğa, dərin aclığa, təpədən-dırnağa oğruluq və fəsad içində boğulmağa, milli və insani haqlarının yox edilməyə məhküm olan, Urmu gölünün qurudulması üzündən ölümlə uc-uca qalmış millətdən, çevrəsi, doğası, yeraltı-yerüstü sərvətləri çapolçular əli ilə talanmış toplumdan, 75%-in üzərində olan qeyri-fars etniklərin ilkin haqlarının danıldığı yerdə, ac-yalavac kütlələrin yavan çörəyinin terror qruplarına ötürülməsi alanında və vəhşi bir rejimin ölkəni, bölgəni və dünyanı oda çəkmə arzusunda olan ortamd necə seçkilərdə iştirak edib səs gözləmək olar? İran adlanan dövlətə məhküm olan xalqlar buna özləri cavab verməlidirlər.
Güney Azərbaycana gəlincə, Qacar Türk dövlətinin İngiltərə əlilə devrilməsi və Fars faşizminin bölgədə hakim olması ilə millətimizin və yurdumuzun 100 illik əsarət sürəci başlamış və o acı olaydan bəri dövlət-millət olaraq işğala məruz qalmışıq. Elə buna görə, Azərbaycan Türk Milləti və başqa xalqların milli qurtuluş yolu yalnız istiqlal savaşından keçir. İstiqlal mücadiləsi başlı-başına özgür ruh və özəl düşüncəsilə anlam qazanır. Bu üzdən İran adlanan qondarma siyasi varlığın 100 illik sömürgən varlığına son qoymaq üçün faşist sistemin bütünlüyü aradan götürülməli və hər millətin milli dövlətçiliyi qurulmalıdır.
GAMQH hesab edir ki, İran adlanan dövlət sistemi altında keçirilən hər hansı seçkinin Azərbaycan Türk Millətilə bağlantısı yoxdur. Bu üzdən Azərbaycan Türk Milləti və Azərbaycan Milli Hərəkatı bu seçkilərin boykut olub-olmaması ilə deyil, işğalçı rejimin varlığının bütününü rədd etməklə yolunu davam etməlidir.
Güney Azərbaycan Milli Qurtuluş Hərəkatı-Yönətim qurulu
2024/02/25
