ADDIM-ADDIM ORTA DOĞU SAVAŞINA DOĞRU!
İRAN VURDU. İSRAİL QAZANDI, QƏZZƏ İŞİ BİTDİ!
GÜNEY AZƏRBAYCAN BU SAVAŞIN HARASINDA?
{2 inci Bölüm }
İSRAİL İLƏ SAVAŞA ,FARSÇI REJİMİ NƏLƏR GÖZLƏR.
1- Son parlament seçkilərində kütləvi baykotla qarşı-qarşıya qalan rejim üçün ümummilli nifrət zəmini gündən-günə böyüməkdədir. Milli, mali, əxlaqi, siyasi, iqtisadi, ictimai və toplumsəl pislikdə əl-ayaq çalan rejim üçün yıxım zamanı yetişmişdir. Teokratik və irqçı rejimə qarşı bir savaşın anlamı ölüm deməkdir.
2- Rejim, düşünür ki, İsrail ilə savaş ,iç vəhdətinin yaranması üçün bir fürsət olabilər. Rejim çox yalnış düşünür. İran-İraq savaşında Xumeyni, iran adlanan ölkənin %90-ni aldadaraq, öz yanına çəkə bildi. Xamneyinin nə Xumeyni qədər karizması var və nə də xalqlar 43 il bundan öncəki xalqlardır. Bugün, Xamneyiyə qarşı nifrət alanı %90-lardadır. Kəsinliklə bu savaş üz verərsə Xamneyi bu savaşın ən böyük uduzanı olacaqdır.
3- Savaş baştutarsa Azərbaycan Türk Milləti başda olmaqla, qeyri fars millətlərin istiqlalçı hərəkatı xalqların dəstəyini qazanaraq, 1925-ci ildə binası qoyulan farsçı İran dövlətinin də dönəmi başa çatacaqdır. Bunu savaşdan məğlub çıxacaq panfarsizmin önləmə gücü çatmayacaqdır.
4- Savaşın baş tutması ilə farsçı-irançı İslam Cümhuriyyəti sürətlə dağılmağa məhkum olacaqdır. Sömürgən dövlətlərin himayəsi altında olan[ Xalqın Mücahidləri Təşkilat ]və ya şahçı, səltənətçi, cümhuriyyətçi və hər hansı İrançı-farsçı etilafın İran dövlətçiliyini ayaqda saxlamaq gücü olmayacaqdır.
5- Savaş baş tutarsa, başda Azərbaycan Milli Hərəkatı olaraq, bütün əsarət altında qalan milli hərəkatların özgür və baxımsız milli təşkilatlanması sürətlənəcək.
6- Həmin milli hərəkətlərin önə çıxmasıyla uluslararası İran konseptuallığın yerini Ortadoğuda milli qurtuluşçu dövlətsiz xalqlar alacaqdır.
7- Savaş başlarsa İran adlanan dövlət sisteminin altyapısının funksiyasını bitincə sürəcəkdir. Bu sürəci ara-sıra atəşkəslər etkiləmiyəcəkdir.
8- Savaş başlarsa, istər-istəməz İsrail- Azərbaycan ilişkiləri yeni boyudlara girəcək. Bu kimsənin şəxsi alanı kimi deyil, bir dövlətçilik gərəyi kimi düşünülməlidir.
9- Azərbaycan-Türkiyə-Pakistan dövlətlərinin üçlü strategiyasında Güney Azərbaycan faktı bölgənin ən önəmli gündəmi kimi diqqət mərkəzində olacaqdır. Bu isə savaşın taleyi üçün danılmaz fakta çevriləcəkdir.
10- Savaş hava savaşı olunca iranın qara əskəri gücü savaşın dışında qalacaqdır. Sepah və ordunun funksiyasının olmadığı yerdə rejimin basqıçı gücü xalqların basılmasına yönələcəkdir. Ölkə içi savaş qaçırılmaz olacaq. Ölkədə iki kəskin və düşmən bölükü yaranacaq:
a) dövlət gözündə düşmən kütlə, b) kütlə gözündə
xayin dövlət!
11- Xalqları bir-birinə qırdıran rejim üçün Batı Azəbaycanda daha təhlükəli /Urmu, Xoy, Salmas, Sulduz, Makı vb./ bir fürsət meydanı açılacaq. Hər zaman Tehranın əmrilə nəfəs alıb-verən Kürd əşirətləri PKK, PEJAK, KDP vb. terror qrupları ilə Türkün torpaqları üstünə yürüyəcəklər. Tehran, Azərbaycan türklərinin milli birliyini qırmaq yolunda Kürd terror kartından daha geniş istifadə etməyə qalxacaqdır.
12- Rejimin və bölgə terrorizminin dilədiyinin tərsinə Urmu mərkəzli Batı Azərbaycanda olan gedişat üzündən Azərbaycan Türk Milləti və onun milli -siyasi qurumları top yekun birliyə sarı yürüyərək, gəlmə nankorları Türk torpaqlarından uzaqlaşdıracaq.
13- Sepahın və başqa ordu qüvvələri içində çox böyük kəsim rejimin gizli düşmənidir. Savaş başlarsa bu gizli düşmənlik aşkara çıxaraq,millətin safına qoşulacaqlar. Özəlliklə Ordu və Sepah sıralarında olan çoxlu Türk övladı vardır. Hər Azərbaycan türkü kimi onlarda öz doğma torpaqları uğrunda ölməyə hazırdırlar. Batı Azərbaycan bu yurddaşların ən açıq meydanı olacaqdır.
14- Böyük pasdar və bəsici kütləsi öz millətinin əlilə ölmək istəməz. İşsizlik və çarəsizlik üzündən rejimin fədaisi durumuna düşən saysız rejimə qarşı nifrət qusan bu xalq evladları kəsinliklə millət yoluna dönəcəklər.
15- Savaş başlarsa, dilini, kültürünü, milli varlığını, torpağını, yeraltı-yerüstü sərvətini farsçı rejimin işğalında görən Türk, Türkmən, Ərəb, Bəluç, Kürd vb. pasdar, orduçu xalqlarının milli qurtuluş savaşına qatılacaq, gərəkirsə milli azadlıq əskərləri olacaqlar.
16- 44 il boyunca millətlərin varını talayıb başqa ölkələrə qaçan canilərin övladları, ailələri, vəkilləri interpol axtarışına veriləcək, içəridə ki canilərin xayın yaşamı isə kütləvi qısas alanına girəcəkdir.
17- Rejimin təkcə gəlir qaynağı olan petrol və qaz mərkəzləri ittifaq tərəfin modern uçaq və aracları ilə yerlə-bir olacaqdır. Rejimin, olan-bitən ekonomi yılları darma-dağın olacaqdır. ölkənin çökmüş ekonomisi bütünlüklə sıfırlanacaqdır.
18- Sanksiyalar altında əzilib-dağılan yaşam sistemi bütünlüklə dayanacaq, bütün alanlarda həyat iflic duruma düşəcək.
19- Rejim içində gizli düşmənliklərin önə çaxması ilə hakimiyyət içi qanlı hesablaşmalar başlayacaqdır.
20- 44 illik yerləşən Mossad və AMAN kimi israilin casusluq şəbəkələri birbaşa dövrəyə girəcəkdir.
21- Həmin casusların ilk hədəfində santral təsisləri yer alacaqdır. Təsislərin pozulması ilə milyonlar insan kimyəvi ölüm çəmbərinə məhkum olacaqdır.
22- Rejimin Amerikada, Avrupada fürsət güdən düşmənləri aktivləşərək ölkə içi örgüdlənmə işlərinə sürət verəcək, hətta xalqlara qarşı rejimlə danışıq masası oluşdurmağa çalışacaqlar.
23- Çöküşə məhkum olan rejim üçün ABŞ və Avrupa birliyinə bağlı olan müxalif qüvvələr ilə işbirliyi son çarə və arzu olacaqdır.
24- Savaş başlarsa, ilk ağazadələr, ardıca ağaların qaçışı başlayacaq. İllər boyunca ölkənin paralarını avrupa, Amerika ,Kanada banklarında yatırdanlar üçün qaçaq yolları qolayca sağlanacaqdır.
25- Sivil kütlənin qaçış işi çox çətin və fəlakətli olacaq. Türkiyə, Azərbaycan, Pakistan, Əfqanıstan, İraq, Xəzər və körfəz sınırları milyonlar ölkədaşın umud və toplaşma yeri olacaqdır. Milyonlar insan ana yurdunu tərk edərək səfil- avara yolçusu olacaqdır.
26- Savaş olarsa, milyonlar insanın bütün nəcib amal-arzusu qandan bəslənən VAMPİRLƏRİN payı olar.
Milli Qurtuluş Hərəkatı, İnformatik və Araşdırmalar bölümü 2024-04-15
ARDI VAR…
