“اورمو سئچیم‌لرینده قازانیلان میللی دایانیشمانی، پزشکیان”
اویوندا فاشیست رئژیمه اودوزمایاق!
گونئی آزربایجان میللی قورتولوش پارتیا‌سینین ایران سئچیملریله باغلی بیلدیریشی.
قورتولوشچو آزربایجان تورک میللتینه ۴۴ ایللیک شعوبی فارسچی، ۵۴ ایل پان‌ایرانیست فارسچی رئژیملرین آزربایجان تورک میللتینین اوزرینده قوردوغو اویونلارا اویمایاق.
فارس فاشیزمی سون اویونونو بیر باشا تبریز اوزه‌ریندن اویناماغا باشلامیشدیر. یوز ایللیک باسقی آلتیندا بوتون مادی معنوی وارلیغی ایله سؤمورولن عزیز میللتیمیزین سون پارلامئنت سئچکیلرینده گؤسترمیش اولدوغو بؤیوک اولوسال دایانیشمادان دریندن قورخویا دوشن فاشیست فارسچی رئژیم اوچون اولان اوستو جومهور سئچیم کامپانیاسی بؤیوک بیر فرصت ساییلماقدادیر.
رئژیمین هر کئچن گون ائتنیک‌سل، سیاسال، ائکونومیک‌سل، ائکولوژیک‌سل، توپلومسال فسادلار باتلاغیندا کؤممک ده اولان ایران رئژیمی ،سون نفس لرینی چکمک ده‌دیر.
باش دیکتاتور علی خامنه‌ای، اوغلو مجتبی نین یولونو آچماق اوچون، ان ایناندیغی ال‌آلتیلارینی قوربان ائتمک دن چکینمه‌یر.
دونن رئیسی، صاباح کیم اولاجاغینین حسابلارینی الینده توتان باش دیکتاتورون اویونلاری اوچون دونیایا گؤسترمک اوچون اولوملو تابلو گره‌کیر.
بو تابلو ایسه کئچمیش پارلامئنت سئچکیلرینده ۱۰٪ ین آلتیندا قالان اؤلوم تابلوسودور. رئژیمین بوتون چابالاری، ان آزیندان بو تابلونون بیراز دا اولسون یوکسلتمه‌سی‌دیر .
بو اوزدن آزربایجان و تهراندا یاشایان تورکلرین، هابئله آزربایجان میللی حرکاتینا اومود باغلایان غیر فارس میللت‌لرین آغلینی چالماغا چالیشیر.
۲۰ ایللیک تبریزین میللت وکیلی استاتوسو ایله آزربایجان تورک میللتینه بیر بارداق سو بئله وئرمه‌ین مسعود پزشکیان ،کئچمیش ایلک دؤنم ،جمهور سئچکیلرین سس‌سیز گلیب، سس‌سیز کئچمه‌سینه باخمایاراق ،بو سفر رئژیمین بیت رهبرینین تبلیغات شیپورو ایله میدانا بوراخیلمیشدیر.
هر گون یئنی ستادلارین آچیلماسی، اوزه‌رینده میلیونلار دولار یاتیریم یاتیرماسینین آنجاق بیر آنلامی اولمالیدیر،
“دویغو سؤمورگه “
رئژیم بو اویونو ۴۴ ایلدیر میللت‌لرین اوزه‌رینده اویناییر. آزربایجان تورک میللتی سون اورمو ایسلام مجلیسی اویونلاریندا ایرقچی فارس رئژیمینین بو اویونونا گیرمه‌دن اؤزونون بوتونلویونو اورتایا قویدو.
میللتینیز بعضی دویغوسال میللی داورانیشلارا راغمن، تمل دوشمنیمیزین پان‌ایرانیست فارسچی رئژیم اولدوغونو گؤستردی. میللتیمیز رئژیمین بؤلگه سل توزاقلارا دوشمه‌یه‌جه‌یینی بؤیوک دوشوندویونو و رئژیمین بوتون پوسقولارینی باشینا ییخاجاغینی گؤسترمیش اولدو .
آزربایجان تورک میللتینین بوندان سونرا یالنیزجا اؤز گله‌جه‌یینی دوشوندویونون مین بیر نه‌دنی واردیر.
فاشیست رئژیمین فارسلاشدیرما استراتئگیاسینین گوندن گونه درینلشمه‌سینی، آزربایجان دا ایش یئرلرینین باغلانماسینین هیز آلماسیلا یانی سیرا یئرالتی-یئروستو وارلیق‌لارین تالانماسی، عائله لرین آجلیق سینیرینین ۶۰٪ آلتینا دوشمه سینی،تورک قادینلارینا ایکی قات باسقیلارین یاپیلماسی و سایی سیز حسابسیز یارانمیش باتاقلیقلارین هئچ بیرینه پزشکیان کیمی اعترافچی کوکلانین جواب وئره‌جک گوجو یوخدور.
رئژیمین بو سفر دویغو اویونو نه قدر بؤیوک اولسا دا، کسینلیکله آزربایجان تورک میللتی و میللی حرکتی ساریندان سویا دوشه‌جکدیر. یئتر کی عزیز میللتیمیزین میللی دویغولاری گله‌جه‌یه اولان درین باخیشینی بولاندیرماسین.
اوجا میللتیمیز:
رئژیمین ۴۴ ایللیک آلدادیجی دویغو توزاغینا دشمه‌یک . پزشکیان رئژیمین الینده ساده‌جه بیز تورکلری آلداتاق اوچون یانمیش مهره‌دیر. بو فاشیست رئژیم آزربایجان تورک میللتی اوچون آنجاق بیر سؤمورگن و فارسلاشدیرما دییرمانی‌دیر.
هئچ میللت اؤز الی‌ایله غدار دوشمنین تارلاسینی سولاماز.
اوجا میللتیمیز،
سن بؤیوک سن، سن داهی سن ، سن قورتولوشچو و دئوریمچی میللت‌سن. سنه اپریمیش بیر فارسچی رئژیمین اویونونا گلمک یاراشماز.
سن یالنیز و یالنیز اؤز ایستیقلالینا اینان . اینان کی سنینله بیرلیکده قارداشلارین قوزئی آزربایجاندا، تورکیه، تورک دونیاسیندا، یاخین شرقده اورتاق چیخارلی دوست اؤلکه لر و بوتون دونیا سنه اینانسین.
سن اینان کی ،ایران آدلانان رئژیم چنبریندن قورتولماق ایسته‌ین ۱۰ میلیون لارلا سویداش و یولداش سنه اینانسین.
اؤزونه اینان کی، رئژیم اویونلاری ایچینده بوغولمایاسان.
گونئی آزربایجان میللی قورتولوش پارتیاسی اینایر کی، بیلگین میللتیمیز رئژیمین بو یئنی اویونونا بیگانه یاناشاراق، گوجونو ایرانچیلیق ،شعوبیه‌چیلیک، فارسچیلیق یولوندا دئییل، اؤزونون گله‌جه‌یی و میللی دؤولت‌چیلییی اوغرونا ساخلایاجاقدیر.
فارسچی رئژیمین سئچکیلرینه، “تام بایکوت”.
گونئی آزربایجان تورک جومهوریتینه دوغرو ایره‌لی.
“گونئی آزربایجان میللی قورتولوش پارتیاسی “
۲۰۲۴. ۶. ۱۳
