سایین ائلدار بی قاراداغلی گونئی آزربایجان میللی قورتولوش پارتییاسینین باشقانی انصاف علی هدایت اینستاگرام کانالیندا سورولاری جاوابلیر
گونئی آزربایجان میللی قورتولوش پارتیسی سورولاری جاوابلیر -اوچونجو بولوم
منیم اوچون، بو گون چوخ فایدالی و فرقیلی بیرگون اولدو. سببلرین ان باشیندا بیر سورونون اورتایا چیخماسی ایدی. سایین آئلدار بئی قاراداغلی جنابلاری ایله آپاردیقیمیز درین دانیشیقلار و دارتیشمالاردا، بو قونو ایله اوز به اوز اولدوق کی «نییه و هانکی سببلردن دولایی، تورکلر گئچن یوز اللی-ایکی یوز ایلده، میللی دوولتلرین ایتیریب، بلکه ایشغال و سونرادا سومورگه اولموشلار؟»1 منجه و سایقیلی قوناقیمیز ائلدار جنابلارینا گورا، بو سورو، چوخ اونملی سوقو و آیلارجا، اوزمانلارین حوضورو ایله، هر طرفلی دارتیشماسی و آراشدیرماسی لازیم اولان بیر قونو دور. ایله کی بیر دوشونجه اوتاقئنین قونوسو اولابیلیر. منه بئله گلیر کی بو قونو اوچون، توم تورک ائولکه لریندن، حتتا عربلردن، اینگیلیس، آلمان، روس، آمریکا و … دوشونورلریندن دعوت اولماسی و قونونون هر طرفی، همده موختلیف میللتلر و منفعتلر آچیسیندان دارتیشیلمالی قونو دور. بو سورونون یانیندا، بیر نئچه داها اونملی قونولار، اونجه دن یازیلمیش سورقولاردان علاوه ده دارتیشیلدی.
