ADDIM-ADDIM ORTA DOĞU SAVAŞINA DOĞRU!
İRAN VURDU. İSRAİL QAZANDI, QƏZZƏ İŞİ BİTDİ!
GÜNEY AZƏRBAYCAN BU SAVAŞIN HARASINDA?
1- Amerikanın İznilə 2024/04/01 tarixində, İsrailin F35 uçaklari İranın Dəməşq konsulluğunu vurdu. Tehran molla rejiminin İki generalı, 14 üst düzey hərbiçi və diplomatı oldu. İsrail İrana gəl-gəl çağırışını bir daha dilə gətirərək, Tehranı yenə aşağıladı.
2- İran şuubi-farsçı rejim 44 il təhqirdən sonra 2024/04/13 gecəyə doğru Amerikanın və İsrailin bilgisi altında 200 milyon dolara mal olan 330 fuzə, raket və siha İsrailə fırlatdı. Təkcə bir neçə balestik fuzə dışında bütün fırlatılan bombalar məhv edildi.
12 günün içində ardı-ardına iki senariyo dünya mediasına düşərək, iki aşırı teokratik rejimin missiyası yeni aşamaya ayaq qoydu.
Terror çəmbərində inləyən ortadoğu bölgəsi tezliklə böyük hesablaşma alanı olacaq siqnallarını verməyə başlamışdır. İki savaş dəlisi, bir-birinə gərəkən düşmən, Ortadoğu Proyektinin iki aktyoru bundan sonra naiblər aracılığı ilə deyil üz-üzə savaşa girmək düzəni ortaya qoymuşdur. Sözsüz ki, 44 il boyunca İsrailin qarşısına çıxmaqdan qaçan mollalar rejimi üçün bu böyük bir risk meydanıdır. Tehran şuubi-farsçı rejim, bu oyunun sonunda yıxılacağını hərkəsdən daha dərin bilir. İsrailin İranı misilləməyə məcbur etməsilə əldə etdiyi böyük qazancın siyasi, hərbi və dünya üzrə psikologiya üstünlüyü göz önündədir. İran öz həmləsilə quyusunu qazdı. İsrailin əldə etdiyi ilk qacancı son qələbəsinin yıllarını açmış oldu.
İsrail İran yürüşündən nə qazanc əldə etdi:
a) İsrail savaşa dəvətiyə göndərən Tehranı hüquqsal məhkumluğa itələdi. Özünü məzlum, iranı zalim göstərmiş oldu.
b) İsrail kütləsi tərəfindən sıxışdırılan Netanyahu hakimiyyətinin çöküşü İran təcavüzü üzündən ertələndi. Bəlkə, bu Tehran geriqafalıların Netanyahuya verdiyi ən böyük bayram hədiyyəsi oldu.
c) Qəzzə işğalı öz çözümünü tapdı.
İsrail-Həmas savaşı kürəsəl gündəmdən düşdü. Qəzzədə işğal sürəcinin bundan sonra səssizcə sona çatması gözlənilir. Qəzzə xalqını İsrailin toplarının önünə sərən Tehran rejimi bu dəfə Həmasın qətlini imzaladı.
d) İranın Həmas aracılığı ilə İsrailə təcavüz etməsinin ardından İsrailin qəzzə xalqına yaşatdığı soyqırım aktı Avrupa və bir çox dövlətin qəzəbinə uğrasa da, İranın bir başa İsrailə fuzələr fırlatması ilə pokerin ası yenə israilin tərəfinə verildi.
e) Fuzələr göydə ikən dünyanın ən böyük 7 ekonomisi İsrailin İran qarşısında yalnız qalmayacağını bəyan etdilər. Təl Əviv bir gecənin içində yəhudiyyətin deyil, kristianlığın qudsal süleymanina çevrildi. Bütün dünya banklarının greditləri İsrailə açıq elan olundu.
f) ABŞ, İngiltərə, Ərəbistan, İordaniya kimi ölkələr İran fuzə, siha və raketlərini İsrailə yetişmədən göydə partlatdılar. İsrailin Dəmir Qubbəsinə az sayda pay yetişdi.
g) Hardasa ərəb ölkələrinin bütünü İsrailin yanında dayandılar. Qəzzədə baş verən insan, çevrə və ərəb fəlakəti üzündə İsrailə biraz qırğın olan ərəb ölkələri irana inad İsrailə dəstək msajı atmaq üçün yarışa girdilər.
h) Amerika İranı yalnızca hədələmədi. Tehrana qarşı savaş ortağı oldu. Savaş olarsa İran üçün çox ağır olacağını rəsmi dilə gətirdi.
i) Rusiya İranı ap-açıq tək buraxdı. Bölgədə tansiyonun yüksəlməsini istəmirəm dedi! Sanki, Ukraynada yaşatdıqları tansiyon deyildir kimi bir anda barışdan yana olan Kremlin olduqca caydırıcı oynadı.
j) 44 ildir hər türlü Amerika, Rusiya və İngiltərə dövlətlərinin sırğalı amili kimi bölgəni barıt anbarı edən Tehran rejimi üçün ərbablar tərəfindən gözdən çıxarılması böyük gözlənilməzlik oldu.
k) İranın düşündüyü başqa böyük müttəfiqi Çin dövləti səssizliyini sürdürürkən, yeni ekonomik bazarların açılmasına üstünlük verdiyini Tehrana anlatdı. Çin üçün dünya süperi olmaq varkən ömrü tükənmiş enerjinin nə anlamı ola bilərki! Görünür ki, Çin dövləti də payına düşəni İran-İsrail qarşı durmasından almış, mümkün qədər Tehran geriqafalarından uzaq düşməyi seçəcəkdir.
l) İsrail fürsətdən yararlanaraq Livanda yerləşən İran yanlı Hizbullahın silah-sursat depolarına bomba yağdırdı. Bu da ortaq əməliyyat olaraq dörd ölkənin adı ilə tarix səhifələrinə düşdü. Bunun anlamı isə, İranın İsrailə saldırısında qarşısında dörd müttəfiq ölkəni görmüş oldu.
m) Dünya mediasında İordaniya göylərinə təcavüz edən İranın hərəkatı pislənirkən İordaniya hava savunması da dartışıldı. Bu isə, bunu göstərir ki, İranın bundan sonrakı İsrailə saldırısında İordaniyanın hava hakimiyyəti İran tərəfindən təcavüz olunacaqdır. Bu isə başlı-başına üçüncü ölkəyə savaş elanı deməkdir.
n) İran bütün hay-küyü ilə İsrail üzərinə yürüyürkən, İsrail öz tərəfdaşlarının modern savunma sistemilə dəqiqələr içində onun hay-küyünü püskürtdu. İsrail İranı duzağına çəkərkən eyn halda düşməninin savaş gücünün kapasitəsinin aşağı olduğunu üzə çıxardı.
o) İsrailin 10 illərdi atom silahlı İran təhlükəsinin ciddiyətini dünya toplumuna inandırmağa çalışır. Atom bombalı İranın dünya üzərində yaratdığı təhlükə İsraili haqlı çıxardı.
Milli Qurtuluş Hərəkatı, İnformatik və Araşdırmalar bölümü 2024-04-15
ARDI VAR…
