تورک دونیاسینین بؤیوک تاریخچیسی، ایلبئر اورتایلی نین اؤلومو ایله باغلی
گونئی آزربایجان قورتولوش پارتیاسی آچیقلاماسی
ایلبئرتورک دونیاسینین تاتار کؤکنلی سئچکین تاریخچیسی و دوشونجه آدامی آکادمیک اورتایلی نین اؤلومو تورک دوشونجه و علم حیاتی اوچون بؤیوک بیر بوشلوق یاراتمیشدیر.
ایلبئر اورتایلی اوزون ایللر بویونجا تورک تاریخینین، عثمانلی دؤولت قورولوشونون و تورک مدنیتینین اؤیرنیلمهسی ساحهسینده آپاردیغی درین علمی چالیشمالارلا گئنیش سایغی قازانمیشدیر. او، یالنیز بیر تاریخ آراشدیریجیسی دئیل، عینی زاماندا تورک تاریخ بیلینجینین توپلوم ایچینده یاییلماسینا بؤیوک تحفه وئرمیش بیر دوشونجه آدامی ایدی. یازیلاری، کیتابلاری و آچیق چیخیشلاری ایله بیر چوخ گنج آراشدیریجینین یئتیشمهسینه یول آچمیش، تاریخه اولان ماراغین گوجلنمهسینده اؤنملی رول اوینامیشدیر.
تورک دونیاسینین اورتاق دوشونجه خزینهسینه قاتدیغی دیرلی اثرلر گلهجک نسیللر اوچون ده یول گؤسترهجکدیر.
گونئی آزربایجان قورتولوش پارتیاسی (گاقپ) اولاراق ایلبئر اورتایلی نین خاطرهسینی سایغی ایله آنیر، عائلهسینه، یاخینلارینا و بوتون تورک دونیاسینا باش ساغلیغی بیلدیریریک.
گونئی آزربایجان قورتولوش پارتیاسی (گاقپ)
ائلدار قاراداغلی
۲۰۲۶-۰۳-۱۳
