TÜRK DÜNYASININ BÖYÜK TARİXÇİSİ İLBER ORTAYLININ ÖLÜMÜ İLƏ BAĞLI AÇIQLAMA
(Güney Azərbaycan Qurtuluş Partiyası – GAQP)
Türk dünyasının seçkin tarixçisi və düşüncə adamı İlber Ortaylının ölümü Türk düşüncə və elm həyatı üçün böyük bir boşluq yaratmışdır.
İlber Ortaylı uzun illər boyunca Türk tarixinin, Osmanlı dövlət quruluşunun və Türk mədəniyyətinin öyrənilməsi sahəsində apardığı dərin elmi çalışmalarla geniş sayğı qazanmışdır. O, yalnız bir tarix araşdırıcısı deyil, eyni zamanda Türk tarix bilincinin toplum içində yayılmasına böyük töhfə vermiş bir düşüncə adamı idi. Yazıları, kitabları və açıq çıxışları ilə bir çox gənc araşdırıcının yetişməsinə yol açmış, tarixə olan marağın güclənməsində önəmli rol oynamışdır.
Türk dünyasının ortaq düşüncə xəzinəsinə qatdığı dəyərli əsərlər gələcək nəsillər üçün də yol göstərəcəkdir.
Güney Azərbaycan Qurtuluş Partiyası (GAQP) olaraq İlber Ortaylının xatirəsini sayğı ilə anır, ailəsinə, yaxınlarına və bütün Türk dünyasına başsağlığı bildiririk.
Güney Azərbaycan Qurtuluş Partiyası (GAQP)
Eldar Qaradağlı
2026-03-13
