COP29 VƏ URMU GÖLÜ!
Güney Azərbaycan Qurtuluş Partiyası tərəfindən sitəm!
11-22 Noyabr 2024 günlərinə gözlənilən dünya miqyaslı Cop29 çevrə konfransı ilk günlərini yüksək görüşlərlə sürdürür. Əldə olunan bilgilərə görə, Azərbaycan və Türkiyə Prezidentləri başda olmaqla hər hansı bir yüksək rəsminin çıxışında Urmu Gölü qonusu gündəmə gəlmədi. Sankı, faşist farsçı-şuubi Tehran rejiminin anti çevrə siyasətilə qurudulmaqda olan AZƏRBAYCANIN MAVİ GÖZÜ bu dünyada yerləşmir.
COP yaşıl dünya deməkdir. 11 günlük bu konfransda ideologiyalar, siyasal qonular, diplomasiya alış-verişlərinə yer yoxdur GÜYA! Demək belədirsə Urumu Gölünün bilərəkdən qurudulmasına nədən gözlər, qulaqlar, dillər qapanmışdır.
Faşist Tehran rejiminin alt düzeydə BMT-nin COP sammitinə qatılması başlı-başına çevrə düşmənliyinin göstərgəsidir. Bu rejimə görə, yaşıl deyil, dünyanın əsas rəngi al qanla bəzənmiş qara torpaqdır. Bu rejimin mahiyyəti bütün dünya ölkələrinə bəllidir. Ancaq, maraqlıdır ki, Türk Dünyasını çirkin hədəfinə almış bu rejimə qarşı TÜRK DÜNYASI güldən artıq bir söz söyləmir.
Urmu Gölü, illərdir ki dünyanın gözü qarşısında Tehran façistləri əlilə qurudulur. Bu qonuda daha çox bilgi sahibi olan iki Azərbaycan və Türkiyə prezidentləridir. Sayın İlham Əliyev və sayın Tayyip Ərdoğanın Urmu Gölü qonusunda xəbərsiz olması 21-ci yüzilliyin ən gülünc şakası olabilər. Bu iki liderimizin bölgənin ən böyük insan faciəsi olan Urmu Gölü haqda dillərinin açılması gözlənirkən, Güneyin gözləri COP29-a dikilmişdir. Lakin, nə başlanqıcda və nə 11 günlük sürəcək bu möhtəşəm Bakı atmosferində və nə də konfransın planlanmış 14 təməl panelində, düşmən farsçı rejim cəhalətinə məhkum olan Urmu Gölü faciəsindən ad-san yoxdur. Halbuki, Urmu Gölünün qurudulması yalnızca Güney Azərbaycan və çevrə əyalətləri deyil, bir başa Naxçıvandan Bakı kəndlərinə, başqa yöndən isə Hakkaridən Güney Doğu Anadoluya uzanan farsçı faşistlərin törətdiyi səssiz soyqırım cinayətidir.
Sözsüz ki, illərdir Güney Azərbaycan Milli Hərəkatı fəalları tərəfindən Bakı və Ankara dövlət orqanlarına Urmu Gölü faciəsinin bilgiləri videolar, görüntülər, bildirişlər aracılığıyla göndərilir. Bu üzdən sadəlik olar ki, İki Azərbaycan və Türkiyə Prezidentlərinin bu insansal, Evrənsəl və çevrəsəl faciəsindən xəbərləri olmasın. Ancaq, niyə və nədən Tehranın Türk Dünyasına olan bu açıq nifrətinə göz yumulur.
Hansı sınır içindən olmasından asılı olmayaraq, çevrə bir kürəsəl miras kimi sınırlar ötəsi bütün bəşəriyyətin ortağı olan yaşıl doğadır. Görəsən dünyanın ən böyük duzlu göllərindən biri olan bu tarixi irs nə suç işləmişki, həm düşmən rejim tərəfindən, həm isə qardaş və öz iqtidarları sarından eyn suçla yarğılanır!?
Güney Azərbaycan Qurtuluş Partiyası belə hesab edir ki, İki Türkiyə və Azərbaycan iqtidarlarının Urmu Gölü qonusundakı susqunluğu ən azından Azərbaycan Türk Millətinə böyük ihanətdir. Umaram ki, gələn günlərdə mənim bu iddiamın əsassız olduğu önə çıxaraq, dünyanın ən önəmli ekosistem hövzələrindən olan Urmu Gölü qonusu ən azından aşağı bir paneldə yer alaraq kimsəsiz Güneyin varlığını təmsil etsin!
Güney Azərbaycanın igid Türk gəncliyi, Siz hər zaman Güneyin İstiqlalı və bütöv Azərbaycan sevgisilə alışıb-yanısınız. Bu sizin ən qutsal sevginiz, ilkəniz və ülkünüzdür. Azərbaycanın gələcəyi kəsinliklə sizlərin omuzları üstündə olacaqdır. Bunda heç şübhə yoxdur. Görünən bu ki, inancımız mərkəzində yer alan dövlət başçılarının Güney sorunu ilə uğraşacaq zamanları və planları yoxdur. Bu Sizin nəcib ruhunuza olumsuz etki buraxmasın. Urmu, torpağı və suyu ilə Güney Azərbaycan Türk Cümhuriyyətinin vuran ürəyi olacaqdır. Sizin igid iradənizlə düşmənlərə, cahillərə, işğalçılara, çörəyi dizi üstündə olan terroristlərə ölkəmizdə yer olmayacaqdır. Azərbaycan Türk Milləti qutsal beşiyimiz olan Urmunu torpağı və suyu ilə illər boyu savunduğu kimi bundan sonra da savunacaqdır.
Güney Azərbaycan Qurtuluş Patiyası başqanı Eldar Qaradağlı
2024-11-14
