Oktyabrın 25-dən 26-a keçən gecə İranın paytaxtı Tehran şəhərinin bir neçə yerində güclü partlayış səsləri eşidilib.
Bu barədə yerli media fəalları və internet istifadəçiləri məlumat yayıblar.
Bir sıra məlumatlarda 4, bəzi məlumatlarda isə 6 partlayış səsinin eşidldiyi bildirilib.
İran radiotelevizyası partlayış səslərinin eşidildiyini təsdiq etsə də, onlarn səbəbi barədə açıqlama verməyib.
Bəzi sosial media platformaları və fars dilli xarici media orqanlarında partlayışların Qürvə, Kərəc, Şəhryar və İslamşəhər şəhərlərində eşidildiyini yazıblar.
Ərəbdilli “Əl-Cəzirə” telekanalı da partlayışlar barədə məlumat yayıb.
ABŞ rəsmiləri telekanala bildiriblər ki, partlayış barədə məlumatlıdırlar və vəziyyəti diqqətlə izləyirlər.
