AZƏRBAYCAN DÖVLƏTÇİLİYİNİN YENİDƏN DOĞUŞUNA ŞƏFƏQ SAÇAN 20 YANVAR QƏRƏNFİLLƏRİ SOLMASIN!
35 il Qanlı 20 Yanvardan keçir. Uzun zaman keçməsinə baxmayaraq 20 Yanvar şəhidlərimizin xatirəsi ilk gün kimi 50 milyonluq millətimiz tərəfindən əziz tutulmaqdadır. Çünki, 20 Yanvar dirənişi Rus ağalığının belini sındırdı. Quzey Azərbaycanın Milli Azadlıq Hərəkatına istiqlaliyyət yönü verdi. Az bir zaman içində Azərbaycan Türk Millətinə “DÖVLƏT” bəxş etdi. 20 Yanvar, 1828.ci il parçalanmasından 90 il sonra ulu M. Ə. Rəsulzadənin qaldırdığı bayrağın bir daha dalğalanmasına nədən oldu. Bu gün, Azərbaycan Respublikasının qutlu varlığı o günün açılan qərənfillərinə borcludur.
Türkün ən acı bəlası olan rus varlığı nə yazıq ki, zaman-zaman insanlıqdan yana olan türk millətinin üzərində oluşan qanlı olayların başında olmuşdur. Rus dövlətinin yaranmasından bəri, bütün çevrə millətlərin qara günləri məhz rus eqosu üzündən tarixə düşmüşdür. Azərbaycan Türk Milləti (Güney-Quzey), isə bu qaramsal tablonun başında yer almışdır. Ruslar tarix boyu türklərə qarşı olan bütün faktlardan yararlanaraq bu millətin üzərindən hegomon olmağa çalışmış və çalışmaqdadır. 20 Yanvar, bu basqıların sadəcə bir örnəyidir. 20 gün Sovetlər dönəminin bitməsindən sonra Rus Ordusunun Bakıda törətdiyi vəhşicə bəşəri cinayəti bariz bir rus mentalitetidir.
“Güney Azərbaycan Qurtuluş Partiyası”na görə, Azərbaycan Respublikası çağ, güc, diplomatiya, dəyişən bütün türlü şərtlərə baxmayaraq Rusiyaya qarşı duyğusal davranışlardan uzaq qalmalı, bu dövlət ilə yalnız milli maraqlar təməlində siyasət yürütməlidir.
AZƏRBAYCAN DÖVLƏTÇİLİYİNİN YENİDƏN DOĞUŞUNA ŞƏFƏQ SAÇAN 20 YANVAR QƏRƏNFİLLƏRİ SOLMASIN!
YAŞASIN 50 MİLYONLUQ AZƏRBAYCAN TÜRK MİLLƏTİ VƏ AZƏRBAYCAN RESPUBLİKASI!
Güney Azərbaycan Qurtuluş Partiyası
19/01/2025
