1 Mehr / 23 Sentyabr – İranda Fars Məktəblərinin Açılışı ilə Bağlı
Güney Azərbaycan Qurtuluş Partiyasının (GAQP) Xalqımıza Müraciəti
Sevimli Azərbaycan Türk Milləti və İranda Yaşayan Topluluqlar!
1 Mehr – İranda təhsil sezonunun başlanğıcı – bizim üçün sevinc deyil, dərin kədər günüdür. Çünki bu rejim bu gün də 40 milyon Azərbaycan türkünü və milyonlarla başqa millətləri öz ana dilində təhsildən məhrum edir.
Farsdilli tədrisi zorla qəbul etdirən İran dövləti, həm öz konstitusiyasını, həm də uluslararası konvensiyaları ayaq altına alır. Bu, açıq-aşkar milli-mədəni soyqırımdır.
Eyni zamanda, rejim yalnız dillərimizi deyil, həyat qaynaqlarımızı da məhv edir. Urmu gölü – xalqımızın kimlik simvolu – dövlətin planlı strategiyası ilə qurudulur. Bu isə Türk millətinə qarşı açıq savaş elanı və dünya üzrə ekoloji cinayətdir.
Biz, GAQP olaraq əminik ki:
• Oyanmış millətimiz bütün imkanlarla ana dilini qoruyacaq, bir addım belə geri çəkilməyəcəkdir!
• Türk milləti Urmu gölünün məhvinə göz yummayacaq, fürsət yaranan andan rejimdən ən kəskin hesabat alacaqdır!
• Siyasi, iqtisadi, ictimai və təbii zənginliyi ilə tarix boyu örnək olan Azərbaycanın bu günkü ağır durumu göz önündədir. Bu acıların sonlanması isə mənfur farsçı-şuubi sisteminin aradan getməsinə bağlıdır. Ancaq o günədək Azərbaycan Türk Milləti susmadan addım-addım milli və insani haqlarını alacaqdır!
Məhv olsun Türk dilinin və Urmu gölünün qatilləri!
Yaşasın Güney Azərbaycan Milli Dövlətçiliyi!
Güney Azərbaycan Qurtuluş Partiyası (GAQP)
16 Sentyabr 2025
