GÜNEY AZƏRBAYCAN TƏŞKİLATLARI ƏMƏKDAŞLIQ ŞURASI”NIN (GATƏŞ) BİR GÜNLÜK STOCKHOLM MİTİNQİ VƏ TOPLANTISI İLƏ BAĞLI GÜNEY AZƏRBAYCAN QURTULUŞ PARTİYASININ (GAQP) QISA DƏYƏRLƏNDİRMƏSİ
Tarix: 13 DEKABR 2025
Məkan: İSVEÇ – STOCKHOLM
2025-ci il 13 dekabr tarixində İSVEÇİN STOCKHOLM şəhərində GÜNEY AZƏRBAYCAN TƏŞKİLATLARI ƏMƏKDAŞLIQ ŞURASININ (GATƏŞ) çağırışı ilə 21 AZƏR MİLLİ HƏRƏKATININ 80-ci ili münasibətilə anım və dəyərləndirmə eyləmi keçirildi. Eyni zamanda GATƏŞ PLATFORMASI ictimaiyyətə təqdim olundu.
Eyləm iki hissədən ibarət oldu. Saat 10:00–11:30 aralığında İRAN İSLAM RESPUBLİKASININ STOCKHOLM şəhərindəki səfirliyi qarşısında etiraz mitinqi keçirildi. Ardınca saat 13:00–18:00 aralığında SCANDIC STAR SOLLENTUNA HOTEL salonunda beş panelli geniş toplantı baş tutdu. Eyləmdə AVROPA və dünyanın müxtəlif bölgələrindən gəlmiş 100–120 nəfər GÜNEY AZƏRBAYCAN fəalı və dəvətli qonaq iştirak etdi.
Toplantının açılış panelində GATƏŞ PLATFORMASININ yaranma amacı, iş prinsipləri və gələcək yol xəritəsi tanıdıldı. Birinci və ikinci panellərdə GATƏŞ-Ə ÜZV QURUMLARIN təmsilçiləri AZƏRBAYCAN TÜRKÇƏSİNDƏ çıxış edərək GÜNEY AZƏRBAYCANIN milli, siyasi və hüquqi istəklərini açıq şəkildə dilə gətirdilər.
Üçüncü paneldə İRAN daxilində yaşayan ƏRƏB, BƏLUÇ, GÜNEY TÜRKMƏNİSTAN TÜRKLƏRİ, QAŞQAY TÜRKLƏRİ və XORASAN TÜRKLƏRİNİN sorumluları çıxış edərək öz xalqlarının durumu, üzləşdikləri basqılar və ortaq sorunlar haqqında mövqelərini bildirdilər. Bu çıxışlar İRANIN çoxmillətli yapısını və ortaq mübarizə ehtiyacını bir daha açıq şəkildə ortaya qoydu.
Dördüncü paneldə hər hansı quruma bağlı olmayan aydınlar, yazarlar və düşüncə adamları GÜNEY AZƏRBAYCANIN bugünkü durumu və gələcək yönü ilə bağlı baxışlarını paylaşdılar. Beşinci panel isə GATƏŞ sorumlularının iştirakı ilə sorğu-cavab şəklində keçirildi.
GAQP olaraq vurğulayırıq ki, bu eyləmin əsas amacı GÜNEY AZƏRBAYCANIN bölgədə formalaşan yeni siyasi şərait içində gələcək mövqeyini gücləndirmək olmuşdur. Bu gün ORTA DOĞUNUN siyasi gündəmi GÜNEY AZƏRBAYCAN məsələsini görməməzliyə vurmağa çalışsa da, 40 MİLYONLUQ TARİXİ BİR XALQIN iradəsini və varlığını bölgənin siyasi hesablarından silmək mümkün deyil.
Eyni zamanda açıq şəkildə qeyd olunmalıdır ki, GÜNEY AZƏRBAYCANIN yeraltı və yerüstü sərvətləri, başda mədənlər olmaqla, uzun illərdir mərkəzə və FARSİSTAN adlanan bölgələrə daşınır. Bu sərvətlər GÜNEY AZƏRBAYCANIN, ƏRƏB–Əhvaz bölgəsinin və İranda yaşayan digər xalqların rifahı üçün deyil, FARSÇI və ŞUUBİ rejimin siyasi varlığını qoruması və bölgədəki niyabəti silahlı və terror qruplarının maliyyələşdirilməsi üçün istifadə olunur. Bu talan siyasətinin nəticəsində ORTA DOĞU atəşə verilir, insanlıq böyük itkilər yaşayır, İRANDA yaşayan xalqların geniş bir qismi isə yaşam eşiyinin altına sürüklənmiş, cəmiyyətin təxminən 60 faizi aclıq və yoxsulluq həddinə yaxınlaşmışdır.
Bu çərçivədə xüsusi olaraq vurğulanmalıdır ki, bu gün İRAN rejiminin zindanlarında yüzə yaxın tanınmış və saysız tanınmamış AZƏRBAYCAN MİLLİ HƏRƏKATI (AMH) fəalı, eləcə də minlərlə qeyri-FARS xalqlara mənsub insan yalnız milli kimliyi, düşüncəsi və haqq səsini dilə gətirdiyi üçün tutulu vəziyyətdə saxlanılır, bir qismi isə edam təhlükəsi ilə üz-üzədir. GÜNEY AZƏRBAYCAN QURTULUŞ PARTİYASI (GAQP) bu siyasəti açıq siyasi basqı və insanlıq suçu olaraq dəyərləndirir və bütün siyasi məhbusların dərhal azad edilməsini, onların normal həyata qovuşdurulmasını tələb edir.
GAQP-NİN İSTİQLAL DURUŞU
GÜNEY AZƏRBAYCAN məsələsi yalnız dil, mədəniyyət və hüquq sorunu deyil. Bu məsələ TAM SİYASİ İSTİQLAL məsələsidir. GÜNEY AZƏRBAYCAN xalqının tarixi, sayı, coğrafiyası və milli iradəsi yarımçıq və keçici çözüm modellərini qəbul etmir.
GAQP üçün bu mübarizə təkcə milli istəklər uğrunda deyil, inanclardan və kimliklərdən üstün olan bir insanlıq mücadiləsi, barış, ədalət, çağdaşlıq və azad yaşam haqqı uğrunda aparılan ortaq bir yoldur.
GÜNEY AZƏRBAYCAN QURTULUŞ PARTİYASININ (GAQP) mövqeyi açıq və dəyişməzdir:
GÜNEY AZƏRBAYCANIN gələcəyi yalnız AZAD, MÜSTƏQİL VƏ ÖZ Taleyinə bağımsızca SAHİB bir siyasi quruluşla mümkündür. Heç bir FARS mərkəzli idarəetmə anlayışı bu gerçəyi dəyişə bilməz.
STOCKHOLMDA keçirilən bu eyləm bir daha göstərdi ki, GÜNEY AZƏRBAYCAN artıq susan deyil; öz yolunu, öz sözünü və öz İSTİQLAL HƏDƏFİNİ açıq şəkildə ortaya qoyan bir millətdir. Bu yol geri dönməzdir.
GÜNEY AZƏRBAYCAN QURTULUŞ PARTİYASI (GAQP)
2025/12/15
