SAYIN FƏZAİL AĞAMALININ VƏFATI İLƏ BAĞLI
ANA VƏTƏN PARTİYASINA BAŞSAĞLIĞI
(Güney Azərbaycan Qurtuluş Partiyası – GAQP)
Çox dəyərli Azərbaycan Respublikasının deputatı və Ana Vətən Partiyasının sədri hörmətli Günay Ağamalı xanım,
Yaxın dostumuz, qardaşımız, vətənsevər insan – sayğılı Fəzail bəy Ağamalının ani ölüm xəbəri bizi dərindən üzdü.
Fəzail bəy Güney Azərbaycana sevgi ilə bağlı olan, bütöv Azərbaycan idealını daşıyan prinsipial və qətiyyətli siyasətçi kimi tanınırdı. O, hər zaman Güneyli soydaşları ilə doğma və istiqanlı münasibət saxlayırdı. Onun qapısı heç zaman Güney Azərbaycandan olan dostlarının üzünə bağlı olmadı.
O, Sizi özünə ən layiqli davamçı kimi görür, milli-siyasi yolunun davamını Sizin simanızda umurdu. Son zamanlarda amansız xəstəliyinə baxmayaraq canlı və sanal görüşlərdə Güney Azərbaycanla bağlı daha çox düşünür, vətənin güneyinin qurtuluşu yollarını axtarırdı. İnanırıq ki, başladığı yol Sizin liderliyinizdə davam edəcək.
Adı-sanı, əziz xatirəsi daim yaşayacaq.
Azərbaycanın və ailəsinin başı sağolsun.
Eldar Qaradağlı
Güney Azərbaycan Qurtuluş Partiyası başqanı
2026-02-10
