Güney Azərbaycan Gözü ilə 8 Mart
8 Mart – Beynəlxalq Qadınlar Günü, Güney Azərbaycanda yalnızca gender
bərabərliyinin deyil, eyni zamanda milli hüquqlar uğrunda mübarizənin də simvolik
günüdür. İran farsçı-şuubi rejimi altında inləyən Azərbaycan Türk qadınları eyn
zamanda milli və biyolojik ayrı-seçkiliyi ilə qarşı-qarşıyadır. Qadınlara qarşı iki qat
toplumsal, hüquqsal, məzhəbsəl və ekonomi basqılarla yanaşı milli varlıqların ən ilkin
haqlarından belə, yoxsundur. Bu isə, dünyada başqa örnəyi olmayan 20 milyonluq
qadın toplusuna olan ən dərin anti bəşəri gərçəkdir. Bütün bunlara baxmayaraq,
Güneyli Türk qadın, tam milli-siyasi haqlarını əldə etmək üçün öz millətilə omuz-omuza
ayaqdadır.
Azərbaycan Milli Hərəkatında Qadınların Rolu
Türk qadını, Azərbaycan Milli Hərəkatın onurqasıdır desək yalnış çıxmaz!
Qadınlarımızın milli hərəkatın ön sıralarında yer alması heç də təməlsiz deyildir. Bu
öndərlik Türk tarixinin dərinlərindən gələn bir milli gələnəkdir. Türk qadını tarix boyu
yalnız açıq alanlarda, göz önündə deyil, savaşların gözə görünməz ən dərin
düyünlərinin açarı olmuşdur.
Güney Azərbaycan Türk qadını, faşist rejimin Azərbaycanlı ailələrə qarşı viranedici
stratejisini sıfırlayan, etkisini minimal ölçüyə düşürən ən yılmaz milli hərəkatçıdır.
Farsçı -şəriətçi rejimin sınırsız basqılarına baxmayaraq, Güneyli Türk qadının
özverisilə Azərbaycan Milli Hərəkatının gündən-günə güclənməsini bütün toplumsal
alanlarda görünməkdədir. Hazırda bir çox milli qadın Təbriz, Kərəc və başqa
Azərbaycan şəhərlərində tutuqlu olaraq zindanlardadır.
2022-ci İl İranda Ayaqlanma və Güney Azərbaycan Qadınları
Görünən tabloya görə, 2022 İran etirazlarında Azərbaycanın öncül rolu yox idi. Bunun
ən başlıca iki sorusunu belə cavablamaq olar: a) Azərbaycan Türk qadını sorunlarının
çözümünü yalnız Təbriz mərkəzli Azərbaycan Milli Hərəkatında görür. Onun üçün yüz
illik milli-siyasi və dövlətçilik əsarətin sonucları göz önündədir. Güneyli qadın artıq
yalan-dolanlarla deyil, gərçəklərilə yaşamaq istəyir. Buna görə, bacardıqca özünü İran
içi olaylardan uzaq tutmağa, bütün enerjisini öz millətinin və yurdunun qurtuluşuna
verməyə qərarlıdır. b) Buna rəğmən, bir çox Azərbaycan türkü bu qanlı olaylarda
canından oldu. Onlar sadəcə İran xilası, qadın azadlığı üçün deyil, bir milli yoxsunluq
içində inləyən insan olaraq üsyan bayrağı qaldırdılar. Bu arada bir çox Türk qadını al
qanları ilə özgürlüyün nə qədər sınırsız olduğunu göstərmiş oldular. Ancaq, qanını
verən bu soydaşlarımız belə, irançı-farsçı İç və dış mediasının boykot qəsdindən uzaq
qalmadılar. Fars mediası açıq-ara Türk etnikli həlak olanların kimliyini gizlədərək öz
düşmənliyini Azərbaycanla gizli tuta bilmədi.
Güney Azərbaycan Qurtuluş Partiyasının Qadına Baxışı
Güney Azərbaycan Qurtuluş Partiyası (GAQP), toplumun bütün qanunlarında,
hüquqlarında, cəza alanında qadın-ərkək eşidliyini sadəcə savunmaqla deyil, o yolda
tam anlamıyla savamaqda görür. Çünki, bir millətin milli qurtuluş savaşı onun bütün
qatmanlarının qatılımı ilə olasıdır. Qadın, toplumun ən sorumlu yarı kəsimidir. Bir
toplumun azadlığı onun sorumluluq daşıyan önderliyi ilə mümkündür. Bu üzdən, GAQP
Türk qadının milli hərəkatda fəal iştirakını vacib hesab edir və onun liderlik mövqeyə
yüksəlməsini gərəkli sayır.
Güney Azərbaycan Qurtuluş Partiyası
07 mart 2025
