»TERROR RAKETİ TERROR MERKƏZİNİ VURDU«
İsmail Həniyənin Tehranda Terror olması ilə bağlı
Güney Azərbaycan Milli Qurtuluş Partiyasının bildirişi
İran terror dövlətinin baş diktatoru – Əli Xamneyi, Tehran cümə namazinda belə demişdir: “ Sionist rejimin İran millətinin düşmənləri sırasında olması üçün yetərli gücü yoxdur… Əgər onlar bir qələt (yalnış) etsələr, İran Təl-Əviv və Hayfanı yerlə-yeksan edəcək!” Bu böyük lafdan az keçmişdi ki, İsrail farsçı-şuubi rejimin Dəməşqdəki Sepah qərargahını (sözdə konsolunu) yerlə-bir etdi. Sepahın Suriya başçısı və 5 sepah yüksək yetkilisi öldu. Yenə Xamneyinin hədələri sürərkən belə çıxış etdi: “ Biz, pislik və alçaq rejimin yalnışına sərt cavab verəcəyik. Onlara göz açtırmayacayıq!” kimi sözlərin təkrar-təkrar Xameneyi dilindən sürərkən, hazırkı “İttilaat” naziri – Molla İsmail Xətib, jurnalistlər qarşısında poz verərək belə demişdir: “Mossad-ın etki şəbəkəsinin qırılması (İranın) İttilaat Nazirliyinin prezident Rəisi dövlətinin istisnasız xidməti olmuşdu.” O artırmışdı: “Həyatı mərkəzlərimizdə təxribat törədən, bilim insanlarımızı qətlə yetirən Mossadın sızma gücü artıq məhv edilmişdir.”
Ancaq, bölgədə gedən olayların Tehran terror dövlətilə tərs düşməsi bir daha farsçı-şuubi rejimin çürümüşlüyünü dünya gözünə sərmiş oldu. Həmasın siyasi bürosunun lideri İsmail Həniyənin Tehranın qəlbində terror olmasının sadəcə bir Fələstin başçısı deyil, Tehran terror dövlətinin də bütün başçılarının Mossad süngüsünün tuşunda olmasının göstərgəsidir. Farsçı vilayət mütləqiyyətinin keçmiş Xatəmi dövlətinin İttilaat naziri – Molla Əli Yunisi,nin diqqət çəkən sözlərinə görə: ”Mossad İran İslam hakimiyyətinin bütün orqanlarına sızmışdır. Bu sızma elə dərindir ki, artıq bütün başçıların hamısının canı və varlığı təhdid altındadır. İsrail istədiyi zaman istədiyi yerdə İran liderlərini öldürməyə qadirdir. Bu qaçırılmazdır!”
Dəyərli Azərbaycan Türk Milləti!
Sözsüz ki, hansı boyadan olmasından asılı olmayaraq terror aktı qınanmalıdır. Ancaq, terrora qarşı terror aktkları yaşadığımız bölgənin vaz keçirilməzi olaraq gün keçdikcə geniş boyudlar almaqdadır. Bu terrorların bir də, Azərbaycan Türk Millətinə verdiyi mesaji unutmamaq gərəkir. Belə ki, Göründüyü kimi Türk düşməni işğalçı rejim gün keçdikcə içdən, dışdan sökülməkdədir. Siyasi, ekonomi, sosial və əxlaqsəl alanlarda çökmüş bir dövlət sisteminin mərhəmətinə inanmağın özü də terror dövlətinin yaşamasına yardımçı olmaq anlamına gəlir.
Nə yazıq ki, Azərbaycanın yox edilməsi uğruna and içmiş bir anti-türk farsçı rejiminin ölüm sıqnalları vururkən, bir kəsim Azərbaycan Milli Hərəkatçının hələ də bu çürümüş rejimə inanması sürməkdədir. Azərbaycan Milli Hərəkatı, M. Pezeşkianın ilk iş günündə qonağı İ. Həniyənin terrorundan çoxlu dərslər çıxarmalıdır. Hələ Pezeşkianın tutu quşu kimi diktator Ə. Xamneyinin sözlərini nöqtə bə nöqtə təkrar etməsini diqqətə alarkən.
Güney Azərbaycan Milli Qurtuluş Partiyasının başqanı Eldar Qaradağlı
2024/07/31
