وامپیرلرین بیرآیلیق قان شؤله‌نی!
گونئی آذربایجان میللی قورتولوش حرکاتی-نین اینسانلیغا قارشی سورن ساواشلا باغلی
۳-جو بیلدیریشی
۴مین اوشاق، ۲۵۰۰ قادین، توپلام ۱۰ مین اوزرینده فلسطین‌لی، یوزلرجه ایسرائیل‌‌لی اؤلو و یوز مینلرجه یارالی، ائوی-یوواسی ییخیلمیش ازگین سیویل اینسان، حماسین سیویللره قارشی وحشی تئررور ائیله‌می سونوجوندا ۲۵۰ ایسرائیل‌‌لی اوشاق-قادین اسیر، ۱۰۰ میلیار دوللارا یاخین مالی زیان وب.! ایکی تئهران و تل آویو دؤولتینین آنتی-بشری ماجراسینین هزینه‌سی‌دیر.
سؤزسوز کی، بو جینایتین باش آکتورو اولان آمریکا سؤمورگه‌ن دؤولتین رولونو گؤرمه مزلیکدن گلمک اولماز! آمریکا بوتونلوکده صاحب اولدوغو اورتادوغو پروژه سینین سیاسی، نظامی و دنگه سل گوجونون الینده توتماسی پئشینده‌دیر. ایسرائیل بو پرویئکتین تمل داشلاریندان بیری کیمی واشینگتونون یالنیز وکیلی کیمی بؤیومه و سوپر گوج اولما ایستراتئگیاسینین ایجرا حؤکوملوسو و ایران آدلانان فارسچی شعوبی رئژیم ایسه، ایسرائیلدن پای قوپارما و اؤز چیرکین بقاسینی اوزالتماق پئشینده حماس، حزب آللاه، حوسی، اسلامی جهاد، حشد الشعبی، پ ک ک، پ ی گ کیمی اونلارجا ایری سلاحلی تئررور شبکه‌لرینین آغابئیی، بو آنتی-بشری شؤله‌نین ان سئویله‌ن طرفلریدیر!
بیر آی بوندان اؤنجه (۷/۱۰/۲۰۲۳) تئهران، تل اویو و واشیگتون تئاترینین سسئناری‌سی اساسیندا حماسین ایسرائیله قارشی یئردن، دنیزدن، گؤی‌دن آنی فوزه یوروشو باشلاندی، بیرگون ایچینده یوزلرجه سوچسوز ایسرائیل‌‌لی قتله یئتیریله‌رک یوزلرجه اوشاق-قادین ائولریندن اوغولاناراق غزه‌یه گؤتورولدو. بو تئررور سالدیری‌سیندان ۲۴ ساعت سونرا ایسرائیل حاکمیتی حماسا قارشی ساواش اعلان ائد‌رک، غزه‌نی توز-دومانا چئویریب بوگونه دک اون میندن آرتیق اینسانین اؤلومونه، اون مینلرجه‌نین یارالانماسینا، یوز مینلرجه آج-یالاواج دینج اینسانلارین آوارا دوشمه‌سینه ندن اولدو.
بو جینایت تابلوسونون اوزده قازانان طرفی هله‌لیک ایران آدلانان ایشغالچی شعوبی فارس رئژیم گؤرونسه ده، سون یئنیلن طرفی محض بو رئژیم اولاجاقدیر. فاشیست رئژیم اوچون، ایسرائیل ایله تورک و عرب دونیاسینین دیپلوماتیک گرگینلیگی داوام فورصتی اولاراق چوخ اؤنملی‌دیر. بو اوزده‌ن، اون مین دئیل، یوز مین اینسانین ایسلام آدی ایله اؤلمه‌سی بو رئژیمی موتیو ائدر! چونکی، تئهران شعوبیچیلیگین قانلی بقاسی ساواشا باغلی‌دیر. اؤزل‌لیکله فونتامئنتال مذهبسل ایدئولوگیاسینا گؤره، یئر اوزونده سون بیر سامی ساواش اولمالی کی، شیعه‌لرین ۱۲-جی ایمامی آغ آتی و قانلی قیلینج ایله کافیرلرین سونونو گتیرسین!
۲۰۱۲-جی ایلین‌ده، الفتح و فلسطین اؤز ارک حکومتینین لیدئری «محمود عباس» ایکی دؤولت لایحه‌سینین (فلسطین %۲۲ -ایسرائیل %۷۸) ب م ت-یه تقدیم ائدیلمه‌سیله اورتادوغونون ان کور دویونلریندن بیرینین آچیلماسینا اومیدوارلیق یاراتدی. بو اوزده‌ن، تهلوکه‌سیزلیک شوراسی باش‌دا اولماقلا مبت-نین هارداسا بوتون عضو دؤولتلری او جمله‌دن ایران و ایسرائیل بو اؤنرینی قبول ائتدیلر. حتی حماس اؤرگوتو بئله، اونو قبول ائتدمه‌یه مجبور قالدی. آنجاق، ایسرائیل و فیلیسطین (اؤزرک حکومت) آراسیندا باشلانان موذاکیره‌لره تئهران انگلی تاخیلدی. تئهراندا یئنیدن خومئینی نین سسلندیردیگی »ایسرائیل یئر اوزوندن سیلینمه‌لی!» شوعاری داها سرت سسلندیرمه‌یه باشلاندی. سپاه، یوره تدیگی فوزه‌لرینین اوزرینده محو اولسون ایسرائیل سؤزونو یازاراق کوچه گؤستریلری تشکیل ائتدی. خامنئیی حماس، حزبوللاه، ایسلامی جاهاد تئررور باشچیلارینی تئهرانا چاغیردی. م. عاباسین چابالارینی بوشا چیخارماق اوچون، حماسا، حزبوللاها، ایسلامی جاهادا آجیل اولاراق میلیاردلار دولار پول، سلاح-سورسات، اؤلکه ایچینده حربی تعلیم قرارگاهلاری وئره‌رک، عنعنوی یاردیملاردان علاوه ایللیک ۲۰۰ میلیون دولار یاردیم وئردی و وئرمکده‌دیر.
بؤلگه‌نین ان درین ساواش اورگانیزاتورو اولان تئهران تئررور دؤولتینین باریشا قارشی نایبلیک رولو گون کئچدیکجه بشریتین ساغالماز یاراسینا چئوریلمکده‌دیر. ایران آدلانان ایشغالچی فارس دؤولتینین میللتلره قارشی توتومو یالنیز اؤز حدودلاریندا دئیل، بلکه الی اوزانان بوتون بؤلگه‌لرده تهدید عاملی اولاراق بلیرلنیر. هارادا گئری قالمیش توپلوم وارسا فارسچی شعوبی رئژیمین آزغین نفسی اورادا اؤلوم ویروسو کیمی دولاشیر. قان ایچن موللا رئژیمی اوچون یالنیز یهودی توپلومو دئیل، ایره لیله‌مه یولونو توتان، دین، مذهب و اؤیکوسل خورافاتلاردان قاچان توپلوملار بو فونتامئنتال رئژیمین پوتئنسیال دوشمه‌نی ساییلیر. بو توپلوملارین کریستیان، موسلمان و یا یهودی اولماسی تئهران اوچون فرق ائتمز! ۱ میلیون شیعه موسلمان آذربایجان تورکو ۳۰ ایل ماددی-معنوی کریستیان (قریقوری، ائرمه‌نی) ایشغالینا معروض قالاراق سویقیریم اولونور. تئهران شیعه فارسچی رئژیم بیر کره اولسون بئله بو سورجده موسلمان باکی دؤولتینین یانیندا دورمور. آذربایجانین موسلمان اوردوسو ۳۰ ایل سونرا آغیر ضربه‌لردن سونرا ائرمنیستانی دیز چؤکدور‌ندن سونرا همین تئهران شیعه موللالاری شیعه آذربایجانی تهدید ائد‌رک ایشغالچی کریستیان ائرمه‌نی و اونون کریستیان حامیلری یانیندا دایانیر. سؤزده تئهران ایسلام جومهوریتی ۴۴ ایللیک قارا سورجین‌ده تورکیه و بوتون تورک توپلوملاری ایله، آیریجا عرب دیللی موسلمان سعودی عربستانی، سورییا، عراق، بیرلشیک امیرلیکلری، یمن، مصر، سودان، بحرئین، اردون، فلسطین، لبنان و بو کیمی دینداش اؤلکه‌لرله بیر گون اولسون بئله، دوست اولمامیشدیر. حتی زامان-زامان بو اؤلکه‌لر ایچینده نفاق توخومو سپمک اوچون ان گئری قالمیش قاتمانلاردان تئررور قروپلاری یاراداراق دؤولتلرینی تهدید ائتمیش و ائتمکده‌دیر. ۱۹۶۰-لاردان توپلومسل قالخیشماغا گیر‌ن افغانیستان، بو رئژیمین گلمه‌سیله ان درین باتاقلیقدا بوغولور و غیر… یوزلرجه کسکین اؤرنکلره دایاناراق، تئهران رئژیمینین وارلیق فلسفه‌سی بیر معنالی اولاراق اینسانلیغین قاران‌لیقدا قالماسی اوچون اورتایا گلمیشدیر. بو گون ایسرائیل-فلسطین وارسا، یارین کیم اولورسا اولسون، بو وامپیر رئژیمین قارا حیاتی اوچون ساواش گرکدیر.
گونئی آذربایجان میللی قورتولوش حرکاتی، مظلوم فلسطین میللتینین سؤرمورگه‌ن دؤولتلرین ماجرالارینا قوربان گئتمه‌سینی شدتله قیناییر، اینسان قانینین آخماسینا ندن اولان روسیا-اوکراینا، فلسطین-ایسرائیل کیمی ساواشلارین بیران دایانماسینی دیله ییر.
اؤزگور اینسان، باغیمسیز دؤولت بشریتین آنلامی‌دیر.
گون اولسون کی، ایرانسیز بؤلگه‌میزین باریش ایشیغیندا یاشاماسینا ایمکان یارانسین.
گون اولسون کی، گونئی آذربایجان تورک جومهوریتی بؤلگه‌نین یئنیدن دیزاینیندا باش رول صاحبی اولسون.
گونئی آذربایجان میللی قورتولوش حرکاتی—یؤنتیم قورولو، ۰۷/۱۱/۲۰۲۳
