۲۴ ایون، چاغداش تاریخیمیزی ائتکیلهین بیر دوغوم، بیر اؤلوم گونودور.
بو گون آزربایجان تورک میللتینین ا.ائلچی بئی نین دوغوم، حسن آزربایجانی نین (دمیرچی) اؤلوم گونودور.
بیری ناخچیواندا، بیری ایسه تبریزده دوغولدو، آنجاق هر ایکیسی میللتی نین اوره گینده ابدی مسکن سالدی.
بیری قوزئیین ایستیقلالی اوغرونا دونیاسینی وئردی، بیری ایسه گونئیین باغیمسیزلیغی یولوندا جان وئردی.
هر ایکیسی بوتؤو آزربایجان عشقیله تورک میللتینین شرف سیمگهسی اولدو.
گونئی آزربایجان قورتولوش پارتیاسی بو ایکی بؤیوک اینسانیمیزین میللی اینانجینی و ظفر اومیدینی اؤزونون یول خریتهسی حساب ائدیر،
قودسال امانتلرینین سونوجا وارماسی اوچون میللی قورتولوش ساواشی آپاریر.
آزربایجان وار اولدوقجا ا. ائلچی بئی-ح. دمیرچی آدی یان-یانا یاشایاجاق.
بؤیوک میللتیمیزین میللی اردمی ساییلان ایکی بؤیوک اؤولادینین خاطرهسی اورکلردن سیلینمهیهجک.
اونلارین اؤلمز آدی-سانی آزربایجان تورک میللتینین دوشونجه سینده یاشایاجاق.
گونئی آزربایجان قورتولوش پارتیاسی
۲۴/۰۶/۲۰۲۶
