۱۰ نویابر ۱۹۳۸،
آتاتورک روحونون تورک میللتینه ارمغان اولوندوغو گوندور.
بؤیوک آتاتورکو سایغی و اؤزلمله آنیریق
گونئی آزربایجان قورتولوش پارتیاسینین بیلدیریشی
بیر اولوس، بیر بیرینه سیمسیغی باغلانارسا اونو یئنه بیله‌جک هئچ بیر گوج اولماز!
اولو آتاتورک بونو باجاردی. او، داغیلمیش بیر اولوسو تورکلوک روحو ایله بوتؤولشدیردی، پر‌م-پارچا اولموش تورک دؤولتچیلیغینی ییرتیجی گوجلرین آغیزیندان سؤکوب چیخاردی!
اولو اؤندر، ۵۷ ایللیک قیسا عؤمرونده تورک اینسانینا بؤیوک بیر جومهوریت ارمغان ائتدی.
او، ۱۰ کاسیم ۱۹۳۸ ساعت ۹,۰۵ ده گؤزلرینی یومارکن تورک دونیاسینی، اینسانلیق ایلکه‌سینی، باریش اولکوسونو کدره بوغدو، تورکیه‌نین نفه‌سی دوردو!
«منیم ان بؤیوک اثریم تورک جومهوریتی‌دیر!»سؤیله‌ین اولوسون آتاسی آرتیق جیسمیله دئگیل، روحویلا تورکون و اینسانلیغین یولونو آچیق توتاجاقدیر.
او، تورکیه‌نی سونسوزلوغا داشیاجاق چاغداش، لایک، باغیمسیز، اؤزگور و آیدین تورکچو گنجلیک یئتیشدیره‌رک، تورکون گلجه گینی قارانتی آلتینا آلدی.
بوگون ۱۰ میلیونلارجا گونئی آزربایجان گنجلیگینین ان قودسال قورتولوش و میللی ایستیقلال یولو «مصطفی کمال آتاتورک پاشا» یولو ایله بیره بیر عئینلشمکده‌دیر.
ایللر اؤنجه آزربایجان پرئزیدنتی اؤلمز »ابولفضل ائلچی بئی» بئله سؤیلمیشدیر: «من آتاتورک عسکریه‌م!»
گونئی آزربایجان قورتولوش پارتیاسی، تورک دونیاسینین ان بؤیوک قورتولوشچو اؤندری اولان اولو آتاتورکو بؤیوک اؤزلم و سایغی ایله آنیر.
یولو یولوموز، روحو ایشیغیمیزدیر.
گونئی آزربایجان قورتولوش پارتیاسی باشقانی ائلدار قاراداغلی
۲۰۲۴/۱۱/۰۹
