آجی خبر
تبریزدن آلدیغیمیز بیلگیه گؤره، گونئی آذربایجانین ان دگرلی بؤیوکلریندن اولان سایغیلی محمود رنگرز زاده دونیاسینی دگیشمیشدیر.
رحمتلیک، اؤلمز دؤکتور زهتابی و حسن آذربایجانین ان یاخین یولداشلاریندان اولموش، ائوی بیرچوخ میللی-سیاسی توپلانتیلارین یئری اولموشدور. حاجی محمود رنگرز آدی تبریزین سایغین آدلاریندان بیری اولاراق، بیر چوخ میللی حرکتچینین دیرنیش، داورانیش و یاشام اؤرنگی اولموشدور. دؤکتور زهتابینین تبریزدکی میللی اوغورلارینین سسسیز دستکچیسی اولان حاجی محمود، عئین زاماندا بیر چوخ گنجین ائیتیمینین دایاغی اولموشدور. تبریز مدنیت اوجاغینین یارانماسیندا ان اؤنجول رول صاحبلریندن بیر ی اولان میللت سئودالیسی، عؤمرونون سونونادک آنایوردونا باغلی قالاراق اؤلمز خاطرهسیله اورکلرده یئر سالمیشدیر. مزاری نورلا دولسون. آذربایجانین، سئوهنلرینین، عائلهسینین و تبریز مدنیت اوجاغینین باشی ساغ اولسون.
گونئی آذربایجان قورتولوش پارتیاسی یؤنتیم قورولو وریندن ائلدار قاراداغلی
۱۷/۸/۱۴۰۳
