قاراباغ قورتولوش ظفری و قنیره پاشایئوانین آجی خبریله باغلی
گونئی آزربایجان میللی قورتولوش حرکاتینین بیلدیریشی
«قاراباغ آزربایجاندیر!» ایرادهسی تاریخین قیزیل صحیفهلرینه دوشدو!
آزربایجان دؤولتی گوجو ایله قوندارما قاراباغ رئژیمی لغو اولوندو!
گؤزون آیدین آزربایجان تورک میللتی!
گؤزون آیدین آلی باش کوماندان، پرئزیدئنتیمیز ایلهام الیئو!
بو گؤزل دویغولار ایچینده ان بؤیوک آجیمیز قنیره پاشایئوا اولدو!
آزربایجانین عزیز قنیره، بو بؤیوک سنلی ظفرین سنسیز دادی قاچار کیمی گؤرونسه ده، تاریخده آدینی
قاراباغین آزادلیق گونو ایله پرچینلشدیردین! سن، حاقسیز، واخسیز گنج اؤلومونله ابدی اولاراق آدینی
قاراباغین قورتولوش قونو ایله ابدیلشدیردین.
سنینله باغلی تورک دونیاسی، ۵۰ میلیونلوق آزربایجان تورک میللتی چوخ یازاجاق. بیزه آنجاق، ۴۸ ایللیک
قیسسا یاشامیندا تورک لویه، یوردوموزا، دؤولتیمیزه وئردیین سایسیز امکلرینه گؤره تشککور دوشور.
بو عزیز ظفر گونلرینده میللتیمیزه و دؤولتیمیزه باش ساغلیغی وئرمک چوخ چتیندیر. آنجاق، بوتون
گنجلیینی قاراباغین آزادلیغی اوغرونا وئرمیش قنیره پاشایئوا اوچون، بو اولکونو یاشادان مینلرجه
قهره مان شهیدلر و قاضیلریمیز اوچون وئرمک گرکیر.
میللتیمیزین، دؤولتیمیزین، تورک دونیامیزین باشی ساغولسون!
گونئی آزربایجان میللی قورتولوش حرکاتی باشقانی
ائلدار قاراداغلی
۲۰۲۳-۰۹-۲۸
