یئنی ایل- یاز بایرامی- ارگنه گون قوتلو اولسون!
گونئی آزربایجان قورتولوش پارتیاسی نین ۱۴۰۴ بایرام مئساژی
سئویملی تورک میللتی،
ائورهنین ان درین دوغا تؤرنی اولان یئنی ایل، یاز و ارگنگون تورک بایرامی اولوسوموزا قوتلو اولسون.
سیجاقلیق، قارداشلیق، باریش و سئوینج گتیرن یئنی گونش ایلینده آنا یوردوموزا،۵۰ میلیونلوق آزربایجان تورک میللتینه و دؤولتینه بول-برکتلی اوغورلار دیله ییریک. قوی بو یئنی گونش ایلینده گونئیمیزین میللی قورتولوش و باغیمسیزلیق گونشی پارلاسین.
یئنی گونش ایلینه گیررکن ایران آدلانان فارسچی دؤولتین چتیری آلتیندا اینلهین ۱۰ میلیونلار عائلهنین گوندهلیک کئچیمی آجلیق سینیری آلتیندا سورمکدهدیر. بیر چوخ آزربایجان میللی حرکاتی ایگیدی و باشقا خالقلارین آزادلیق سئودالیسی گنجلری عائلهسیندن اوزاق رئژیمین دوستاقلاریندا روحسل و فیزیکسل ایشکنجه آلتیندادیر. ۱۴۰۳-جو گونش ایلینین یئرینی یئنی ایل آلیرکن گونئی آزربایجان میللی قورتولوش ساواشی یوکسهلرک، فارسچی-شعوبی سیستمین چؤکوش آلارمی داها اوجا سسله چالماغا باشلامیشدیر.
گاقپ، یئنی گونش ایلینده گونئیمیزه باغیمسیزلیق، نجیب میللتیمیزه باریش دولو اؤزگورلوک دیله ییر.
گونئی آزربایجان قورتولوش پارتیاسی
۲۰۲۵/۰۳/۱۹
